Спорт
Mozzart ги собра регионалните ѕвезди – Погледнете како изгледа средбата на Биковиќ, Северина и Шербеџија

Што имаат заедничко Северина, Милош Биковиќ и Раде Шербеџија? Поглед назад, во нивните богати кариери, јасно ни говори дека тие тројца се победници во она што го прават, а поглед напред ќе ви открие дека овој пат се најдоа на заедничка задача – низ целиот регион да ја пренесат пораката од Mozzart – БИДИ ПОБЕДНИК!
Подобри од нив за таа работа нема – гласот на Северина веќе со децении е омилен од Гевгелија до Триглав, улогите на Милош се раскажуваат во сите временски зони, од Енкориџ до Владивосток, а храброста на Раде пред камера е легендарна и таму каде, кога е во прашање филмската индустрија, сè почнува и завршува – во Холивуд.
Победници. А на таквите местото им е во Mozzart.
Новата спектакуларна реклама на компанија Mozzart ни носи филмско сценарио и интересен заплет – кој ќе го освои значајното признание, а кој ќе биде победник, ќе дознаете наредните денови, и ќе имате можност да фрлите поглед и позади сцената и да дознаете како најголемите ѕвезди го поминуваат времето додека камерата не е вперена во нив. Сето ова е во режија на еден од најталентираните српски режисери Немања Чипраниќ.
Дали ќе победи шармот, младоста или искуството, каква е вашата прогноза?
Токму Mozzart е местото каде што се среќаваат младоста и искуството. Во кое навидум неспојливото делува природно поврзано. Место на кое сме сите исти. Со желба за добра забава и возбудувања. Оние кои не се откажуваат – победници.
Милош Биковиќ со задоволство одговори на повикот за оваа улога.
„Ни недостига повеќе квалитетна и уметничка содржина, која го гради имиџот на вистинските брендови, а оваа реклама на Mozzart е токму тоа“, рече младиот актер.
Раде Шербеџија истакна дека му претставува особено задоволство што по прв пат работи со Биковиќ за кого слушнал многу убави работи.
„Драго ми е, се разбира, и заради Северина, но со неа веќе имам многу соработувано. За Милош сите зборуваат дека е одличен, драго ми е што конечно работиме нешто заедно. Ретко се согласувам да работам на вакви проекти, само кога искрено верувам во нив и имам добри соработници. Претходната реклама на која работев заврши на Супербоул, верувам дека и оваа реклама ќе има светла иднина“, истакна Шербеџија.
За крај, оваа фантастична екипа порачува:
Донеси одлука. Биди победник.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Трагичната судбина на Диого Жота: Докторот му рекол да не патува со авион

„Диого Жота патувал со автомобил со својот брат бидејќи му било советувано да не користи авион по операцијата на белите дробови што ја имал“, објавија медиумите во Португалија и Англија.
„Диого и неговиот брат Андре планирале да отпловат за Англија, па поради тоа се упатиле кон Стандандер, а потоа, откако преноќиле, се упатиле кон Бенавенте, каде што требало да се качат на траект за Англија“, објави CNN.
Жота претрпел тешка повреда на ребрата во текот на сезоната и ја искористил паузата помеѓу двете првенства не само за одмор и венчавка, туку и за рутинска операција на белодробно крило кое било малку оштетено од ударот.
Затоа, според португалските медиуми, му било советувано да не користи воздушен транспорт поради разликата во притисокот и можните компликации.
Диого и Андре поради тоа тргнале на пат со автомобил, а набргу потоа се случила трагична несреќа во која двајцата ги загубиле животите.
Гума експлодирала на нивниот автомобил додека престигнувале на патот, ја изгубиле контролата врз возилото кое се превртело и се запалило.
Спортскиот свет се уште е во шок по трагичната вес од Шпанија.
Фото/ EPA/ADAM VAUGHAN
Спорт
Иванишевиќ шокиран од состојбата на Циципас: „Не сум видел понеподготвен играч“

Патувањето на страдањето на Циципас продолжи со неговата елиминација во првото коло на Вимблдон.
Во интервју за „Спортклуб“ во Лондон, Иванишевиќ проговори за соработката со Гркот, за доблестите и недостатоците во играта на неговиот ученик, кој, како што вели, итно треба да реши одредени проблеми што ги има надвор од теренот.
„Едноставно е и не е едноставно. Разговарав со него многу пати. Ако успее да реши некои работи надвор од тенисот, ќе има шанса и ќе се врати таму каде што му е местото, бидејќи е премногу добар играч за да биде надвор од првите десет. Ако не успее тоа, нема шанси. Моја одговорност е да му поправам некои технички детали на теренот, тоа е најлесниот дел, но тој мора самиот да го реши второто. Ако успее, искрено сакам да успее, без разлика дали сум таму или не“, рече Иванишевиќ.
Во првото коло, Циципас загуби од Валентин Ројер, на кого му се предаде по два сета.
„Тој има желба, но не прави ништо. Сè е „ќе биде, ќе биде“, но не гледам никаков напредок. Ако сака да успее, мора да го реши проблемот со грбот. Бев шокиран, никогаш во животот не сум видел играч физички понеподготвен. Јас, со моето колено, сум барем три пати поподготвен од него. Не знам што правеше цела година, но ова е многу лошо“, додаде Горан.
Спорт
Шпански тинејџер е најскапиот играч во историјата на Комо

Шпанскиот крилен играч Хесус Родригез потпиша за Комо до 2030 година во трансфер вреден 22 милиони евра. Родригез стана најскапиот играч во историјата на клубот.
Рекордот што претходно го држеше Мартин Батурина брзо беше срушен. Пред една недела Батурина дојде во Комо од Динамо Загреб за 18 милиони евра.
Хесус Родригез ќе наполни 20 години во ноември, а минатата сезона постигна пет гола на 44 натпревари за Бетис.
Момчето родено во Севилја често се споредува со легендата на клубот, познатиот Хоакин, во однос на неговиот стил на игра.
Foto/ EPA