Спорт
Мундобаскетот ќе остане посиромашен за голем број ѕвезди, најголемата е Никола Јокиќ
Мундобаскетот сè уште не започнал, но горчливиот вкус околу него веќе се чувствува. Тоа требаше да биде собир на најдобрите кошаркари на денешницата, но, за жал, многу ѕвезди од различни причини нема да бидат во можност да се натпреваруваат за светската титула на тлото на Азија.
Мундобаскетот кој ќе се одржи од 25 август до 10 септември на Филипините и во Јапонија и Индонезија ќе остане послаб за дури 24 врвни кошаркари, а не ја сметаме селекцијата на Соединетите Американски Држави која е карактеристично за доаѓањето на глобалниот собир без најголемите ѕвезди.
Списокот на отсуства започнува со најдобриот кошаркар на денешницата, Никола Јокиќ, кој минатата сезона ги предводеше Денвер Нагетс до НБА прстенот, но со Србија нема да игра за освојување на пехарот на Светското првенство.
Освен Јокиќ, Србија ќе биде ослабена со отсуството на Василије Мициќ и Никола Калиниќ, а исто како и во случајот со Јокиќ, нема конкретно објаснување за причината за нивното отсуство. Немања Недовиќ отпадна од лични причини, а Владимир Лучиќ беше одвоен од теренот поради повреда.
Покрај Србија, на Мундобаскетот драстично ќе биде ослабена и Грција. Двократниот МВП на НБА, Јанис Адетокумбо нема да игра за Грците, а се повлекоа и двајцата ветерани Ник Калатес и Костас Слукас.
На репрезентацијата нема да и помогне најголемата ѕвезда на летонската кошарка Кристапс Порзингис, а во Азија нема да го видиме ниту соиграчот на Јокиќ од Денвер, Џамал Мареј.
Шпанците на турнирот ќе одат без двајцата најдобри плејмејкери Рики Рубио и Лоренцо Браун, додека Литванците ја немаат НБА ѕвездата Домантас Сабонис, искусните евролигашки играчи Мариус Григонис и Рокас Гидраитис.
Ниту Французите нема да бидат комплетни на Мундобаскетот. „Галските петли“ ќе останат без помошта на првиот пик од годинешниот драфт во НБА, Виктор Вембањама.
Отсуствата не завршуваат тука. Италија ќе остане без помошта на Ник Манион од Басконија, Јапонија без својот најдобар играч Руи Хачимура, Влатко Цанчар е повреден кај Словенците, а Германците не можат да сметаат на Макси Клебер од Далас. Селекцијата на Доминиканската Република некако ќе мора да се снајде со отсуството на ветеранот Ал Хорфорд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Палмер најдобар млад играч во Премиер лигата
Фудбалерот на Челзи Кол Палмер е најдобриот млад играч во Премиер лигата оваа сезона.
Палмер, кој летово пристигна во Челси од Манчестер сити, постигна 22 гола на 33 натпревари и забележа десет асистенции.
Тој е водечка сила на сините оваа сезона, а на последните три натпревари постигна по два гола.
Тој победи во конкуренција на Александер Исак (Њукасл), Коби Мајно (Манчестер јунајтед), Букајо Сака и Вилијам Салиба (Арсенал) и Дестини Удоги (Тотенхем).
Траката за Златната копачка во Премиер лигата, Палмер ќе ја заврши на второто место зад Ерлинг Халанд од Манчестер сити, кој постигна 27 гола.
И не само тоа, 22-годишниот Палмер е номиниран и за најомилен играч на гласањето на навивачите во Премиер лигата.
Офанзивниот играч за врска на Челзи неодамна беше прогласен и за играч на месец април во Премиер лигата, откако постигна седум гола на четири натпревари.
Треба да се додаде дека тој со огромно мнозинство ја освои наградата за најдобар играч на Челзи оваа сезона.
Спорт
Салфетката на која Меси потпиша за Барселона продадена за 760.000 фунти
Салфетата на која Лионел Меси ја потпиша согласноста дека ќе и се приклучи на Барселона во 2000 година е продадена за 760.000 фунти (околу 888.000 евра), објави во петокот британската аукциска куќа Бонамс.
Бонамс првично очекуваше продажната цена да биде во опсег од 300.000 фунти до 500.000 фунти. Онлајн аукцијата траеше од 8 до 17 мај.
„Салфетката ја промени судбината и на клубот и на Меси, кој стана еден од најголемите играчи на сите времиња“, објави Бонамс.
Овој фудбалски сувенири бил внимателно чуван во сеф од Хорасио Гаџиоли, тогашниот менаџер на Меси. На салфетката не е само потписот на Меси, туку и потписите на Карлес Рексач, тогашниот спортски директор на Барселона и Хосеп Марија Мингела, скаутот за таленти кој го препозна потенцијалот на Меси.
Салфетката, која беше потпишана за време на ручекот во „La Reial Societat de Tennis Pompeia“ во Монжуик, содржи писмена обврска од Рексач.
„Во Барселона, на 14 декември 2000 година, во присуство на господата Мингела и Хорасио, Карлес Рексач, спортски директор на ФК Барселона со ова се согласува, под негова одговорност и без разлика на какви било спротивни мислења, да потпише договор со играчот Лионел Меси под услов да се држиме до договорените суми“, пишува на салфетката.
Меси, кој оттогаш освои голем број големи титули, вклучувајќи ја Лигата на шампионите и Светското првенство, имаше само 13 години кога се приклучи на академијата на Барселона, откако дојде од аргентинскиот клуб Њуелс Олд Бојс.
Спорт
Алкалоид го победи Вардар 1961, ќе се бори за трофејот во Купот
Фото/ facebook.com/rkalkaloid
Алкалоид ќе му се спротивстави на Еурофарм Пелистер во борбата за трофејот во Купот на Македонија. Вечерва, Алкалоид славеше победа над бранителот на пехарот, Вардар 1961 со 25:24 (15:13).
Со исклучок на почетните минути кога црвено-црните поведоа со 4:0, натпреварот беше изедначен, а во финишот крајно драматичен.
Во последните осум минути Алкалоид влезе со предност 24:22. Во последната минута екипата на Кире Лазаров влезе со 25:24, не го искорсит последниот напад, а Вардар 1961 во последната секунда избори седмерец.
Голамнот Галевски го одбрани ударот на Срдановиќ. Најдобар стрелец на мечот беше Мартин Серафимов со седум гола, пред Арно Бинго со шест гола.
Финалниот натпревар во СЦ „Борис Трајковски“ ќе се одигра в недела од 19:30 часот.