Спорт
Мурињо: Се знае кој е најдобриот, стариот Роналдо

Поранешниот тренер на Манчестер јунајтед, Реал Мадрид, Интер и Челси, Жозе Мурињо смета дека поранешниот бразилски напаѓач Роналдо е најдобриот фудбалер кој имал чест да го види, оставајќи ги на маргината Лионел Меси и Кристијано Роналдо, кои ја одбележија последната деценија.
Иако во својата кариера тренираше многу големи ѕвезди, фудбалерот со кој имаше среќа да се сретне на стартот на кариерата му оставил најдобар впечаток. Мурињо работеше како преведувач на Боби Робсон во периодот кога Англичанецот беше тренер на Барселона и имаше шанса да го види Роналдо во кација.
„Роналдо е ’Ел феномено’. Кристијано Роналдо и Лео Меси имаа подолги кариери, останаа на врвот во последните 15 години, меѓутоа ако зборуваме само за талент и умешност, никој не беше подобар од Роналдо Назарио. Кога беше во Барселона со Боби Робсон, сфатив дека тој е најдобриот фудбалер кого сум имал чест да видам. Повредите ја прекратија кариерата која можеше да биде уште поневеројатна, но тогаш на 19 години, тоа беше апсолутно неверојатно“, вели Мурињо.
Роналдо постигна 47 гола во 49 настапи за Барселона таа сезона, по што играше во Интер и во Реал Мадрид, пред во 2011 да ја прекрати кариерата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Гудуриќ претставен во Милано

Фото/ EPA-EFE/RYAN LIM
По шампионската сезона со Фенербахче, Марко Гудуриќ одлучи да го напуѓти клубот. Во иднина ќе биде играч на Олимпија Милано.
Клубот го претстави Гудуриќ со објава на социјалните мрежи. Италијанскиот клуб објави фотографија на која напиша:
„Добредојде Марко.
Кошаркарскиот клуб Олимпија Милано објавува дека постигна повеќегодишен договор со Марко Гудуриќ“, се вели во објавата.
Не е познато на колку години е потпишана соработката и колкава ќе биде платата на Гудуриќ во новиот клуб.
Спорт
Јасна порака од „Енфилд“: Луис Дијаз не е на продажба

Фото/ EPA-EFE/PETER POWELL
Фудбалскиот клуб Ливерпул ја отфрли понудата на Баерн Минхен за колумбискиот интернационалец Луис Дијаз.
„Скај Спортс“, објави дека раководството на англискиот шампион му соопштило на спортскиот директор на Баерн, Макс Еберл, дека Дијаз не е на продажба. Не е познато колку понудил Баерн за играчот на Ливерпул.
Британските медиуми потсетуваат дека раководството на Ливерпул ја отфрли понудата на Барселона за Дијаз пред неколку недели.
„Ливерпул не сака да разгледува никакви понуди за Колумбиецот. Пораката е јасна, тој не е на продажба. Дијаз се вклопи совршено во тимот на Ливерпул и неговиот придонес ќе биде клучен во наредните сезони“, објави „Скај Спортс“.
Дијаз (28) пристигна во Ливерпул во 2022 година од Порто. Тој одигра 148 натпревари за клубот од „Енфилд“ и постигна 41 гол.
Колумбискиот фудбалер има договор со Ливерпул до 30 јуни 2027 година.
Спорт
Ферстапен се сели во Мерцедес!?

Фото/ EPA-EFE/SHAWN THEW
Четирикратниот последователен шампион во Формула 1, Макс Ферстапен, наводно одлучил да го напушти Ред Бул.
Како што објави „Скај Италија“, Холанѓанецот ја прифатил понудата на Тото Волф да се пресели во Мерцедес.
Ферстапен и Волф наводно постигнале усмен договор. Сепак, медиумите објавуваат дека раководството на Мерцедес сè уште не го одобрило конечниот трансфер.
„Немам што да кажам за тоа. Колку повеќе зборувам, толку повеќе ќе се пишува. Не сакам тоа да се случи. Јас одлучувам за мојата иднина“, ги коментираше шпекулациите Ферстапен.
Иднината на Ферстапен во Ф1 е предмет на многу шпекулации веќе некое време, со оглед на борбата на Ред Бул да биде конкурентен оваа сезона.
Шансите тој да ја одбрани титулата се значително намалени откако испадна во првата кривина на Големата награда на Австрија, по контактот со Кими Антонели од Мерцедес.
По 11 од 24 трки, Холанѓанецот има 61 бод помалку од лидерот во шампионатот, Оскар Пјастри од Мекларен, и 46 зад вториот возач на Мекларен, Ландо Норис.
„Секако дека ќе има подобрување, но не можам да кажам дека ќе биде веднаш. Не можам ни да кажам дали ќе биде успешно. Околу летната пауза, ќе биде појасно што ќе се случи оваа сезона во однос на перформансите. Но, тоа не значи дека размислувам за тоа повеќе оваа година отколку минатата или претходните години. Опуштен сум за сè, само си ја работам работата“, коментираше Холанѓанецот за резултатите.
Ферстапен има договор со Ред Бул до 2028 година, но наводно содржи клаузули поврзани со конкурентноста на тимот, што ја става неговата иднина со австрискиот тим во прашање.
Неговиот трансфер во Мерцедес се предвидува за 2026 година, со оглед на тоа што договорот на Џорџ Расел истекува на крајот од оваа сезона.
Мерцедес сè уште не му понудил продолжување на Британецот, и покрај неговиот одличен почеток на сезоната.