Извршниот директор на Формула 1 Рос Брон рекол дека сезоната би можела да започне во јули, но без присуство на гледачи.

„Доколку стартуваме во јули би можеле да имаме 19 трки во сезоната. Секако дека тоа не би било лесно. Три трки, па слободен викенд, три трки и повторно слободен викенд. Ги разгледуваме сите можности“, рекол Брон.

Тој дополнил дека патувањата претставуваат најголем проблем и ја повторил можноста дека прв пат во историјата некоја Ф1 трка би се возела пред празни трибини.

„Пожелно би било да се стартува во Европа. Но таа трка би била без гледачи. Тоа не е најдоброто решение но мислам дека и тоа подобро отколку воопшто да нема трки. Не смееме да заборавиме дека милиони луѓе ги следат трките во своите домови“.

Сезоната во Формула 1 требаше да започне на 15 март во Австралија. Трката е одложена поради пандемијата на вирусот КОВИД-19. Досега се одложени девет трки (Австралија, Монако, Бахреин, Кина, Вијентнам, Холандија, Шпанија, Азербејџан и Канада.

Прва следна трка во календарот е Големата награда на Франција на 28 јуни.

Фудбалските репрезентативци на Швајцарија ја одбиле премијата од еден милион швајцарски франци која им следува за изборениот пласман на Европското првенство.

Швајцарците низ квалификациите се пласираа на ЕП. Во меѓувреме континеталноот првенство е одложено за 2021 година.

Селекторот Владимир Петковиќ и фудбалерите на овој ќе го надоместат финансискиот минус во кој ќе се најде Сојузот.

Претседателот на Фудбалскиот сојуз на Швајцарија рекол дека „селекторот и фудбалерите направиле величествен потег“.

Швајцарија преку Д-групата се пласира на ЕП. Наредната година на ЕП противници ќе и бидат Италија, Турција и Велс.

Играчот на Реал Мадрид Лука Јовиќ ја одбил можноста да се пресели во Наполи. Српскиот напаѓач сакал и наредната сезона да игра во Лигата на шампионте.

Јовиќ не ги оправда 60 милиони евра колку што вложи Реал во нег и сè погласни се најавите дека ќе го напушти клубот. Наполи покажале сериозен интерес, меѓутоа тој не сака ја одбил можноста поради местото на кое се наоѓаат наполтанците во Серија А.

Наполи се шести на табелата со девет поени помалку од четврто пласираната Аталанта.

Менаџерот на фудбалерот, Фаљи Рамадани, го известил претседателот на Наполи, Аурелио де Лаурентис, дека неговиот клиент нема желба да се пресели на „Сан Паоло“.

Планот на Де Лаурентис бил да го позајми Јовиќ, а потоа и да го откупи неговиот договор од Реал.