Спорт
(Видео) Мурињо ги однесе Рома во ново европско финале

Рома и Вест хем обезбедија европски финалиња, но ќе почекаат да го добијат својот противник. Рома одигра 0:0 на гости кај Баер Леверкузен за да ја одбрани домашната 1:0 победа за пласман во финалето на Лига Европа, и сега ќе ги почека Севилја и Јувентус, кои идентично како во првиот меч одиграа 1:1 по 90 минути.
Во Конференциската лига па, Вест хем во финишот со голот на Форналс дојде до 1:0 победа на гости кај АЗ Алкмар и со домашната 2:1 победа влезе во финалето, додека Фиорентина има 2:1 на гости кај Базел за да ја елиминира предноста на швајцарскиот клуб, за да примора продолженија.
На „Рамон Санчез Писхуан“, во првото полувреме Севилја сметаа дека се оштетени кога не беше досуден пенал за очигледен фаул, а потоа голот на Адриен Рабио беше поништен. Во второто полувреме, Душан Влаховиќ ги донесе Јуве во водство во 65. минута со убав гол, но Севилја успеаја да вратат во 72. минута, кога Сусо постигна фантастичен гол од далечина.
За Фиорентина, Нико Гонзалез постигна два гола за Фиорентина да успее да ја поништи предноста на Базел за да продолжи акцијата.
ЛИГА ЕВРОПА, 1/2 ФИНАЛЕ, 2.МЕЧ
Баер Леверкузен – Рома 0:0, прв меч 0:1, вкупно 0:1
Севилја – Јувентус 1:1, прв меч 1:1, вкупно 2:2
КОНФЕРЕНЦИСКА ЛИГА ЕВРОПА, 1/2 ФИНАЛЕ, 2.МЕЧ
АЗ Алкмар – Вест хем 0:1, прв меч 1:2, вкупно 1:3
Базел – Фиорентина 1:2, прв меч 2:1, вкупно 3:3
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Синер му предаде на Алкараз, Шпанецот го освои Синсинати

Шпанецот Карлос Алкараз ја освои титулата на Мастерсот во Синсинати.
Во финалето, Алкараз славеше по само дваесет минути игра против најдобриот тенисер во светот и бранител на титулата Јаник Синер.
Синер го предаде натпреварот при водство на Алкараз 5:0 во првиот сет. Се уште не е познато за каква повреда станува збор.
Италијанецот се држеше во неколку наврати во пределот на стомакот, па може да станува збор и за вирус. Како и да е, тој донесе одлука дека е подобро да се предаде и да не го загрози својот настап на Отвореното првенство на САД.
Што се однесува до самиот натпревар, тие дваесетина минути минаа во целосна доминација на Алкараз.
За краток период, тој направи дури три брејка против противник кој, во најголем дел, само статираше на теренот.
Пред последниот гем во првиот сет, во кој Алкараз требаше да сервира, Синер седна на клупата и му рече на судијата Мохамед Лајани дека му е жал за навивачите, но дека не може да продолжи.
Тој исто така нагласи дека морал да се обиде, што имплицира дека здравствените проблеми се појавиле пред почетокот на мечот.
Foto/ X
Спорт
Интер сака да го врати Онана

Интер наводно повторно ја следи ситуацијата со својот поранешен голман Андреа Онана откако Манчестер јунајтед го изостави од составот за отворањето на сезоната во Премиер лигата.
Според „Сан“, италијанскиот клуб внимателно го следи неговиот статус бидејќи има сè повеќе шпекулации за иднината на Камерунецот на „Олд Трафорд“. Се додава дека Интер е заинтересиран за враќање на 29-годишникот, кој замина во Јунајтед во 2023 година.
Од неговото доаѓање, тој не ја оправда отштетата од 56 милиони евра, а со оглед на тоа што тренерот на Интер бара нов голман, додека Јан Сомер во моментов е прв избор, враќањето би можело да стане реална опција.
Фото/ Принтскрин
Спорт
Лукаку ќе го пропушти првиот дел од сезоната

Тежок удар за Наполи пред почетокот на сезоната во Серија А во која ја бранат титулата. Ромелу Лукаку се повреди и го очекува подолга пауза.
Напаѓачот кој минатата сезона забележа дабл-дабл учинок од 14 гола и 11 асистенции го повреди квадрицепсниот мускул и ќе му биде потребна операција. Се очекува да отсуствува четири до пет месеци.
Огромен проблем за Конте и Наполи. Бидејќи сега Наполи како класичен напаѓач го има само Лоренцо Лука засилувањето од Удинезе.
Затоа е јасно дека Наполи ќе мора да се активира на пазарот. Според првите информации, целта е Расмус Хајлунд од Манчестер јунајтед. Идејата на Наполи е да го доведе на позајмица.
Сепак, Наполи не е единствениот што е заинтересиран за Данецот. Милан е во игра веќе некое време и преговара со „црвените ѓаволи“ и го сака Хојлунд во случај да не постигнат договор со Душан Влаховиќ. Како што стојат работите, Хојлунд е на добар пат да се врати во Серија А.