Спорт
Н’Голо Канте е легенда! Се појави на свадба на ќерката навивач на Челси
За Н’Голо Канте и неговиот карактер сме пишувале неколку пати, но сега, тој уште еднаш покажа дека е голем човек, откако ја прифатил поканата на еден навивач на Челси да присуствува на свадбата на неговата ќерка.
Френк Калид се сретнал со Канте во еден лондонски ресторан, и го поканил францускиот репрезентативец на свадбата, и тој наместо да одбие не само што се појавил, туку и останал до крајот на свадбата
„Го повикав на свадбата, но прво ми кажа дека има обврски со француската репрезентација, но на крајот се појави. Моето семејство стана блиско со Канте, а во април 2018 дојде да ме посети кога бев на операција. Остана до крајот на вечерта и потпишуваше автограми. Се работи за човек со златно срце“, вели Калид.
Ако уште имате дилеми околу Канте, да ве потсетиме дека човекот одби да користи „шема“ за избегнување на данок на својата плата која ја добива, дека нема скап автомобил… Линковите долу се доволни да се процени големината на овој човек.
N’Golo Kante stuns guests by turning up at Chelsea fan’s daughter’s wedding | @jakeheasmanhttps://t.co/dvEcGRVgOC pic.twitter.com/cRqRi26vuw
— The Sun Football ⚽ (@TheSunFootball) September 3, 2019
Зошто Н’Голо Канте е најскромниот и најдобриот фудбалер на светот
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Нејмар ги игнорираше лекарските совети и му донесе на Сантос важна победа
Нејмар постигна гол и асистенција, а Сантос го победи Спорт Ресифе (3:0) во клучниот натпревар, во борбата за опстанок на славниот тим во бразилската Серија А.
Нејмар реши да игра и покрај проблемите со повредата на коленото и препораката од лекарите да не игра.
Тој беше во почетниот состав во натпреварот од 36-тото коло на бразилското првенство.
Игнорирајќи го советите на лекарите, тој продолжи да тренира во текот на неделата, а неговата решителност се исплатеше на теренот.
Нејмар го постигна првиот гол во натпреварот, а подоцна забележа асистенција.
Neymar is injured and yet still scoring to save Santos from relegation; football is not just a game. ❤️ pic.twitter.com/aOfzheOtj6
— 𝐌 (@MooreRMFC) November 29, 2025
„Физички сум добро, се чувствувам сè подобро и подобро. Оваа повреда е иритирачка, но нема да ме спречи да продолжам. Затоа сè уште играм. Сега е време да размислувам за Сантос, да размислувам за тоа Сантос да остане таму каде што заслужува да биде, во Серија А“, рече 33-годишниот Нејмар.
Со новите три бода, Сантос, во најлош случај, ќе го заврши овој викенд на 16-то место, веднаш над зоната за испаѓање, благодарение на подобрата гол-разлика од Интернационал.
Спорт
Педри се враќа во тимот на Барселона, Араухо ќе отсуствува
Тренерот на Барселона, Ханси Флик, изјави дека Педри ќе се врати на теренот на натпреварот против Алавес, додека капитенот Роналд Араухо нема да игра поради стомачни проблеми.
Педри го одигра својот последен натпревар на 26 октомври против Реал Мадрид, по што ја повреди левата нога, а Флик изјави дека шпанскиот фудбалер ќе игра против Алавес, но нема да биде стартер.
Тренерот на Барселона додаде дека Араухо нема да може да биде во тимот.
Флик истакна дека сите во тимот се чувствуваат лошо по поразот од 3:0 од Челзи во Лигата на шампионите и рече дека е оптимист за натпреварот против Алавес.
Фудбалерите на Барселона од 16:15 часот ќе го пречекаат Алавес во 14-то коло од Ла Лига. Барселона е на второто место на табелата во шпанското првенство со 31 бод, додека лидерот Реал Мадрид има 32.
Спорт
Мареска: Палмер е подготвен за Арсенал
Тренерот на Челзи, Енцо Мареска, изјави дека Кол Палмер е подготвен за градското дерби против Арсенал.
Палмер го одигра својот последен натпревар на 20 септември против Манчестер Јунајтед, по што имаше проблеми со препоните, а минатата недела имаше несреќа кога го скрши прстот на ногата во својот дом.
„Враќањето на Кол е добра вест и сите се среќни. Навивачите и неговите соиграчи се среќни, а најважно е што и Кол е среќен затоа што, на крајот на денот, играчите сакаат да играат натпревари и да тренираат секој ден. Тој може многу да ни помогне, тој е веројатно нашиот најдобар играч. Сега мора да му дадеме време да биде максимално подготвен. Играше фантастично во минатото и нема сомнение дека ќе направи многу добри работи за овој клуб во иднина“, рече Мареска.
Фудбалерите на Челзи ќе го пречекаат Арсенал во 13-то коло од Премиер лигата во недела во 17:30 часот. Арсенал е лидер на табелата во Премиер лигата со 29 бода, додека Челзи е на второто место со 23.

