Спорт
Н’Голо Канте си купи фудбалски клуб од Белгија
Новото засилување на саудискиот клуб Ал-Итихад, Н’Голо Канте, го купи белгискиот третолигаш Виртон, пренесуваат локалните медиуми. Договорот е склучен и од 1 јули 32-годишниот француски играч за врска ќе биде нов сопственик на тимот.
Виртон се огласи со официјално соопштение на клупската веб-страница.
„Исто како Н’Голо Канте, напорната работа, дарежливоста и скромноста ќе ги поттикнат амбициите на Виртон во наредните години. Со желба да се развијат боите на клубот, провинцијата и Валонија, Н’Голо Канте ги повикува сите движечки сили од регионот да се приклучат на проектот кој има за цел да ги обедини луѓето и да биде достоен за поддржувачите на клубот. Заедно, повисоко и повисоко“, објави Виртон.
Минатата сезона клубот испадна од втората лига на Белгија, откако заврши на последното место, со освоени 25 бода од 32 натпревари.
🚨 OFFICIEL ! N’Golo Kanté achète le club du Royal Excelsior Virton (D3 belge 🇧🇪).
« À l’image de N’Golo Kanté, le travail, la générosité et l’humilité porteront les ambitions du RE Virton pour les prochaines années. Avec l’envie de porter haut les couleurs de la Gaume, de la… pic.twitter.com/YEdYvW7SGL
— Actu Foot (@ActuFoot_) June 29, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Вембањама и Холмгрен ги предводат дебитантите
НБА ги објави првата и втората најдобра петорка на дебитанти оваа сезона.
Првата постава дебитанти во најсилната кошаркарска лига на светот ја предводат Французинот Виктор Вембањама од Сан Антонио и Чет Хомлгрен од Оклахома, кои добија идентичен број гласови.
Тука се и Брендон Милер (Шарлот), Хамес Васкез (Мајами) и Брандин Подзиемски (Голден Стејт).
Вториот најдобар тим дебитанти во НБА го сочинуваат Дерек Лајвли (Далас), Амен Томпсон (Хјустон), Кјонте Џорџ (Јута), Кејсон Валас (Оклахома) и Џеј Џеј Џексон (Мемфис).
The complete voting results for the 2023-24 Kia NBA All-Rookie Team: pic.twitter.com/XNBPruS5FO
— NBA Communications (@NBAPR) May 20, 2024
Спорт
Ливерпул потврди: Слот е замена за Клоп
Ливерпул дефинитивно го потврди доаѓањето на Арне Слот за менаџер.
Клубот од Енфилд на социјалните мрежи објави дека токму холандскиот стручњак ќе ги предводи „црвените“ во наредните години.
„Ливерпул може да потврди дека Арне Слот се согласил да биде нов менаџер на клубот и тој официјално ќе ја преземе таа функција од 1 јуни, откако ќе добие работна дозвола“, се вели во соопштението на Ливерпул.
We can announce Arne Slot has agreed a deal to become the club’s new head coach, formally taking up the position on June 1, 2024, subject to a work permit 🙌
— Liverpool FC (@LFC) May 20, 2024
Слот на кормилото ќе го замени Јирген Клоп, кој реши да се пензионира по девет години.
Слот пристигнува по три многу успешни сезони во холандскиот фудбал со Фејенорд, кој го водеше до титулата минатата година и двапати беше менаџер на годината.
Во април со клубот од Ротердам го освои Купот на Холандија со победата над НЕЦ од 1:0.
Спорт
Хулен Лопетеги ќе биде тренер на Вест Хем
Договорот конечно е постигнат по неколку средби, Хулен Лопетеги ќе биде тренер на Вест Хем, пренесуваат англиските медиуми.
Пред еден месец беше познато дека шпанскиот стручњак преговара со клубот од Лондон, но договорот не беше постигнат уште во првиот обид, па следуваа уште две средби.
Се уште не е познато за колку долго ќе биде потпишан договорот, но во медиумите се шпекулира дека ќе биде на две или три години.
Вест Хем моментално е на деветтото место во Премиер лигата со кое не може да се задоволи, а кога почна да бележи лоши резултати стана јасно дека менаџерот Дејвид Мојс ќе добие отказ, па почнаа шпекулациите за неговиот наследник.
Што се однесува до Лопетеги, тој досега работеше како тренер на Севиља, Реал Мадрид, Вулверхемптон, но беше селектор и на шпанската репрезентација.