Поранешниот тренер на Вардар и селектор на Македонија, Гарсија Парондо, успеа со Египет да се пласира во полу-финалето на Олимписките игри. За финалето, Египет ќе игра против Франција.

Египет, во четврт-финалето, во целост ја надигра Германија. Избраниците на Парондо, славеа победа 31:26. (16:12).

Германците не можеа да одговорат на играта со многу трчање кои го наметнаа Египѓаните. Се обидоа во вториот дел, но Египет сигурно ја држеше предноста.

Али Мохамед и Омар Јахија со по пет гола го предводеа Египет до големиот успех. Кај Германија се истакна Јулиус Кун со шет гола.

Полуфиналните натпревари на ракометниот турнир ќе се одиграат на 5.август. Покрај дуелот Египет=Франција, на програмата ќе биде и натпреварот Данска-Шпанија.

Илејн Томпсон од Јамајка ја потврди доминацијата во спринтерските дисциплини. На златниот медал на 100 метри, таа му го придодаде и најсјаното одличие во трката на 200 метри.

Томпсон во финалето на 200 метри го истрча вториот најдобар резултат на сите времиња. Во целта таа влезе со време 21.53 секунди. Овој резултат е за 19 стотинки послаб од светскиот рекорд што го постави Флоренс Грифит Џојнер на ОИ во Сеул во 1988 година.

Без медал остана нејзината сонародничка Шели-Ен Фрејзер-Прајс, која го освои четвртото место (21.94).

Второто место со личен рекорд и рекорд на Намибија го освои 18-годишната Кристин Мбома (21.81).

Бронзата заврши кај Американката Габриел Томас (21.87).

Интер одбил уште една понуда од Челси за Ромелу Лукаку, објави „Скај Италија“.

Челси има намера да го врати Белгиецот на „Стенфорд Бирџ“. Очајнички им е потребен напаѓач од светска класа, но барем засега Интер ги одбива сите понуди.

Последната била 100 милиони евра и Маркос Алонсо. Интер би се откажал од Лукаку, само доколку напаѓачот побара трансфер.

Ромелу Лукаку беше играч на Челси од 2011 до 2014 година. Во тој период одигра само 15 натпревари. Потоа за 35 милиони евра се пресели во Евертон, а добрите игри во дресот на „карамелите“ му овозможија трансфер до 84,7 милиони евра во Манчетсер јунајтед.

Од 2019 година е играч на Интер.