Спорт
На победа против Израел за прекин на лошата серија
Македонската фудбалска репрезентација, вечерва од 20.45 часот, во Бер Шива против Израел ќе го одигра дуелот од петтото коло во Г-групата од квалификациите за пласман на ЕУРО 2020.
Натпреварот во Бер Шива е последната шанса македонските фудбалери да се вратат во трката за втората позиција на табелата, откако Полска со максимални четири победи се одвои од конкурентите на првото место.
Македонските фудбалери добро ги започнаа квалификациите со победа над Латвија и реми во Словенија, но двата порази во јуни во Скопје, од Полска и Австрија, ја сместија селекцијата која ја предводи Игор Ангеловски на претпоследното место во групата.
Сите во нашиот табор посакуваат да се повторат минатите квалификации кога Македонија успеа да слави во Израел со голот на Горан Пандев.
Токму најискусниот фудбалер му задава главоболки на селекторот. Пандев е повреден, но како стојат работите тој ќе го започне натпреварот. Проблем со повредата има и Аријан Адеми но и тој треба да биде подготвен за настап.
Покрај дуелот Израел-Македонија, во групата ќе се одиграаи натпреварите Австрија-Латвија и Словенија-Полска.
По четири кола Полјаците имаат 12 бода, следуваат Израел (7), Австрија (6), Словенија (5), Македонија (4) и Латвија која е без бодови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Абердин ќе бара 8.000.000 фунти за Миовски
Македонскиот репрезентативец Бојан Миовски, во летниот преоден рок ќе го напушти Абердин. Шкотските медиуми пишуваат дека интерес за Македонецот покажале великаните не само на шкотскиот туку и на европскиот фудбал, Ренџерс и Селтик. Според овие извори поголем интерес постои кај „полицајците“.
Глазгов Ренџерс подолг период внимателно го следи Миовски, кој ја игра најдобрата сезона во кариерата. Во сите натпреварувања, Миовски одигра 48 натпревари, постигна 24 гола.
Цената која треба да ја издвојат заинтересираните клубови изнесува 8.000.000 фунти.
Покрај Ренџерс и Селтик, интерес за Миовски наводно има и кај Феенорд. Актуелниот освојувач на Купот на Холандија, бара замена во нападот за Мексиканецот Хименес, кој извесно е дека ќе го напушти клубот.
Спорт
Наз Рид најдобра резерва во НБА лигата
Центарот на Минесота Тимбервулвс, Наз Рид, ја доби нагрдата за најдобар шест играч во НБА лигата.
Рид, од експертите добил 352 гласа, десет повеќе од бекот на Сакраменто Кингс, Малик Монк.
Наз Рид, во регуларниот дел од сезоната имаше просек од 13,5 поени, 5,2 скока и 1,3 асистенции во 81 одигран натпревар. На 67 натпревари тој влегуваше од клупата, како замена за Руди Гобер или Карл Ентони Таунс.
Тимбервулфс на крајот го освоија третото место во Западната конференција со скор од 56 победи и 26 порази.
Во четврток ќе биде доделена наградата „Клач играч на годината“, односно играч кој бил најдобар во клучните моменти, тука финалисти се Стеф Кари, Демар Дерозан и Шеј Гилџис-Александер.
Наградата за тренер на годината се доделува во недела, а меѓу финалистите се Мајк Дагно од Оклахома, Крис Финч од Минесота и Џамал Мозли од Орландо.
Спорт
ФА го казни Компани
Менаџерот на Барнли, Винсент Компани е казнет од челниците на Фудбалската асоцијација на Англија (ФА).
Причината за казната е неговото однесување на натпреварот од Премиер лигата со Челзи на „Стемфорд Бриџ“.
Компани неколку пати го нарекол судијата Дарен Ингланд „е.ен измамник“, откако претходно досуди пенал за Челзи во 40. минута.
Поради непримерното однесување Компани доби црвен картон.
Компани ќе треба да плати 10.000 фунти и нема да може да го води тимот во два натпревари.