Спорт
„На Рајола му кажав дека Халанд ќе остане кај нас“

Спортскиот директор на Борусија Дортмунд, Михаел Цорк, рекол дека планира Ерлинг Халанд уште долго да остане во клубот, иако неговиот менаџер преговара со Барселона и Реал Мадрид.
Мино Рајола и Алф-Инге Халанд, вчера во Барселона и Мадрид, имаа разговори со првите луѓе на Барса и Реа, Џоан Лапорта и Флорентино Перез.
„Разговарав со Рајола. Му ги презентирав нашите планови. Ние имаме поинаков план со Ерлинг. Не сакаме да се занимаваме со шпекулации. Планираме уште долго да биде во нашиот клуб“, рекол Цорк.
Халанд има клаузула во договор, која вели дека во 2022 година неговата цена изнесува 70 милиони евра. ЕСПН неодамна објави дека ова лето Борусија за него ќе бара 180 милиони евра.
Норвежанецот, во јануари 2020 година се пресели во Дортмунд од Салцбург. За „милионерите“ има одиграно 49 натпревари, постигнал исто толку голови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Евролигашка драма! Милано во последна секунда до победа над Баерн!

Иако изгледаше дека Баерн Минхен ќе стигне до убедлива победа на гости кај Олимпија Милано, во драматична завршница, Зек Ледеј постигна кош во последните секунди за домаќините да стигнат до 79:78 победа во првиот меч од четврт-финалето на Евролигата.
Баерн имаа предност од фантастични 19 поени пред полувремето (44:25), но Милано се врати преку Серхио Родригез и се доближи во последната четвртина. Сепак, гостите ја имаа победата во раце, откако Џејмс Гист ги погоди двете слободни фрлања на една секунда пред крајот, пред Ледеј да ги шокира Баварците.
Ледеј заврши со 17 поени, Родригез имаше 13, а Кевин Пантер 11. Д.Џ. Сили беше најдобар за Баерн со 23 поени, вклучувајќи три тројки, додека Вејд Болдвин и Џаџуан Џонсон имаа по 10 поени.
AT THE BUZZERpic.twitter.com/1gk6upo5Zw
— Eurohoops (@Eurohoopsnet) April 20, 2021
Спорт
Во сенка на бунтот, Челси одигра само 0:0 со Брајтон

Во сенка на бунтот на навивачите против Суперлигата и неофицијалната потврда дека се откажуваат од ова членство, Челси на Томас Тухел одиграа само 0:0 против Брајтон за да си ги закомпликуваат работите за топ 4 пласман во Премиер лигата.
Пред да започне мечот, лутите навивачи на Челси го сопреа автобусот со кој фудбалерите требаше да пристигнат на „Стемфорд бриџ“ и легендата Петр Чех се обидуваше да ги убеди да ги пуштат. Во тие моменти стигна неофицијалната потврда дека тимот нема да игра во Суперлигата, и мечот започна со 15 минути задоцнување (21.15 наместо 21.00).
Со освоениот поен, Челси се врати на четвртото место на табелата, но со многу компликувана ситуација околу нив. Лестер се трети со 56 поени, Челси имаат 55, колку што имаат и Вест хем на петтото место, а потоа следуваат Ливерпул со 53 и Тотенхем со 50. Сите освен Лестер имаат по шест меча до крајот на сезоната.
За Брајтон пак, поенот може да е клучен за опстанок, бидејќи сега се на 16. со 34 поени, седум над Фулам, кои се први во зоната за испаѓање.
Спорт
Фиорентина ја прекина лошата низа со победа во Верона

Фиорентина ја прекина низата од четири меча без победа со 2:1 триумф кај Хелас Верона, за малку да „избегаат“ од зоната за испаѓање.
Тимот од Фиренца нема најдобра сезона, со многу проблеми и лоши серии, и со победата се искачува на 13. место со 33 поени, осум поени над зоната за испаѓање.
Душан Влаховиќ ја продолжи голгетерската серија со гол од пенал во 45. минута, негов 16-ти гол оваа сезона, пред Мартин Касерес во 66. минута да зголеми на 0:2. Верона, за која ова беше трет пораз во низа, успеа да намали во 72. минута преку замената Еди Салкедо. Верона се на 9. место на табелата со 41 поени.
- Свет3 месеци
Поради примање мито во Кина погубен поранешен државен функционер
- Европа2 месеци
Планот за отклучување на Германија протече во медиумите, Меркел: Имаме трет бран
- Економија2 месеци
Сите брендови на Индитекс доаѓаат во „Ист гејт мол“
- Свет1 месец
(Видео) Полиција собори маж на земја пред неговото мало дете зашто немал маска
- Регион5 дена
„Фајзер“, „спутник В“ или „Синофарм“ – истражување во Србија покажа која вакцина штити најбргу
- Економија3 недели
„Оштетени штедачи“: Фирма на Игор Џамбазов зела неповратен кредит од Еуростандард банка
- Црна хроника3 месеци
Брат и сестра нападнати на Широк сокак
- Регион2 месеци
Вучиќ за ковид-пасошите: Кои сте вие да го ограничите движењето на некој што не сака да се вакцинира?