Тренерот на Атлетико Мадрид, Диего (Чоло) Симеоне верува дека употребата на ВАР технологијата им оди во корист на тимовите кои повеќе напаѓаат, како во случајов со Реал Мадрид.

Кралскиот клуб на последните два меча во Ла Лига триумфираше благодарејќи на головите на Серхио Рамос од белата точка.

„Не сакам да се повторувам, но ВАР открива се. Претходно немаше можност некои работи да се воочат, се правеа грешки. Но вака е поправедно. Ако на некој тим му се досудуваат повеќе пенали, тоа е затоа што тој тим напаѓа повеќе и повеќе време поминува во противничкиот казнен простор, како што е случајот со Реал Мадрид. Некогаш судијата на терен не може да види што се случило, но сега има кој да го извести, за да провери одредена ситуација“ смета Симеоне.

Што се однесува за амбициите на неговиот тим за наредната сезона, Симеоне е задоволен од сработеното.

„Направивме добра работа во текот на паузата. Многу разговаравме и заедно работевме преку ЗУМ апликацијата за подготвени да го дочекаме излегувањето на терен. Имавме добри ротации, се адаптиравме на вистинскиот начин и на сите околности. Мора да продолжиме вака, се уште не е се завршено“ смета Симеоне.

Атлетико по продолжувањето на сезоната има 5 победи и 2 нерешени со што се наоѓа на третата позиција и речиси обезбеден пласман во ЛШ идната сезона.

Поранешниот капитен на кошаркарската репрезентација на Србија, Милан Мачван е заразен со коронавирус и е хоспитализиран во болницата „Драгиша Мишовиќ“ во Белград, јавуваат српските медиуми. Нема детални информации каква е моменталната состојба на поранешниот кошаркар на Партизан.

Голем број спортисти кај нашиот северен сосед се меѓу заразените од Ковид 19 вирусот, но за среќа, кај сите вториот тест бил негативен.

Коронавирусот не ги заобиколи фудбалерите на Црвена Звезда (Гобељиќ, Петровиќ, Јованчиќ, Конатар и Јовичиќ), фудбалерите на Партизан (Шчекиќ и Лакчевиќ), одбојкарот Александар Атанасиевиќ, кошаркарот Никола Јокиќ, како и тенисерите Новак Ѓоковиќ и Виктор Троицки.

Иако убедливо, уште пред одредено време Динамо Загреб ја освои титулата во Хрватска, сепак клубот се наоѓа во криза. Потврда за тоа доаѓа по последната одлука на Управата на „модрите“ да му врачи отказ на тренерот на екипата, Игор Јовиќевиќ.

Тој на кормилото на еден од најдобрите клубови на Балканот беше само два ипол месеци, откако го наследи Немања Бјелица.

Минатиот викенд Динамо загуби со 2-0 од Ријека што ја прели чашата кај Управата на екипата. Загрепчани во последните 6 меча имаат 2 порази и 2 нерешени.

„Жал ни е поради ваквиот развој на настаните, но мораме да покажеме оговорност во овие тешки времиња. Во име на клубот му се заблагодаруваме на Игор за големите резултати што ги постигна со нашата јуниорска екипа. Вратата на Динамо секогаш ќе му биде отворена“ – порача спортскиот директор, Зоран Мамиќ.

Јовиќевиќ рече дека имал најдобри намери, благодарејќи на довербата.

Екипата чиј предводник е македонскиот фудбалски репрезентативец, Аријан Адеми сега е во потрага по нов стратег за новите предизвици во Лигата на шампионите.