Францускиот фудбалер, Жан-Филип Матета го известил Кристал Палас дека сака да го напушти клубот, бидејќи за него се заинтересирани неколку тимови од Премиер лигата и Јувентус, објавија британските медиуми.

На Матета му остануваат уште 18 месеци од договорот со Кристал Палас, а како што стојат работите во моментов, нема планови за продолжување на соработката, објавува Би-Би-Си.

Италијанскиот гигант Јувентус се обиде да го потпише напаѓачот овој месец. Јувентус го сакаше Матета на позајмица со задолжителен откуп на договорот по завршувањето на сезоната, но и покрај тоа што фудбалерот ги прифати условите, од Кристал Палас јасно порачаа дека Матета може да заине за сум од околу 40 милиони евра.

Интерес покажа и Астон Вила, која го следи Матета долго време и ја разгледува можноста за трансфер во овој преоден рок.

Тренерот на Кристал Палас, Оливер Гласнер, минатата недела призна дека клубот разгледува понуди за Французинот.

„Ќе има цена што Кристал Палас ќе ја прифати, со оглед на тоа што му остануваат уште 18 месеци од договорот. Ако Матета го сака тоа и некој ја плати таа цена, зделката ќе биде склучена. Ако не, тој останува“, рече австрискиот стручњак.

Палас, кој го освои ФА Купот во мај, веќе го продаде клучниот играч за врска Еберечи Езе на Арсенал во текот на летото, додека пред неколку дена остана и без капитенот Марк Гуехи, кој се пресели во Манчестер Сити за 20 милиони фунти.

Гласнер минатата недела објави дека ќе го напушти клубот на крајот од сезоната, а по поразот од Сандерленд во саботата, тој го нападна раководството на клубот, тврдејќи дека тимот бил „напуштен“ поради лоша стратегија за трансфери.

Играчите на Манчестер Сити одлучија да им ги рефундираат парите на 374 навивачи кои патуваа во Норвешка за да го проследат дебаклот на нивниот тим од Боде/Глимт (1:3) во Лигата на шампионите.

Билетот за гостинските навивачи чинеше околу 25 фунти, па играчите на Сити ќе издвојат вкупно 9.357 фунти за да ги надоместат трошоците за оние кои патуваа во Арктичкиот круг.

Во име на тимот, капитените Бернардо Силва, Рубен Дијаш, Родри и Ерлинг Халанд рекоа дека поддршката од навивачите е од големо значење за клубот.

„Нашите навивачи ни значат сè. Знаеме какви жртви прават кога патуваат низ целиот свет за да нè бодрат, и никогаш не го земаме тоа здраво за готово. Тие се најдобрите навивачи во светот“, рекоа тие во заедничко соопштение.

Капитените, исто така, истакнаа дека се свесни колку е тешко патувањето, особено поради многу ниските температури и тешката вечер на теренот.

„Свесни сме дека ова беше долго патување за навивачите кои нè поддржуваа во жестокиот студ за време на еден тежок натпревар за нас. Покривањето на трошоците за билети за оние кои патуваа до Боде е најмалку што можеме да направиме“, рекоа играчите на Манчестер Сити.

Foto/ EPA

Во 2. коло од Отвореното првенство на Австралија, српскиот тенисер Новак Ѓоковиќ го победи Италијанецот Франческо Маестрели со 3-0, во сетови 6:3, 6:2, 6:2. Ѓоковиќ ја забележа 101-та победа на Австралија Опен, а вкупно 399-та на Гренд слем турнирите.

Ѓоковиќ го наметна ритамот од самиот почеток и ја покажа разликата во квалитетот.

Иако Маестрели се обидуваше да остане во сетот преку подолги размени, српскиот тенисер трпеливо чекаше на можноста и стигна до брејк во раната фаза од натпреварот.

Со сигурни сервис гемови, Новак го освои првиот сет до крај без поголеми проблеми. Во вториот и третиот Ѓоковиќ уште повеќе го засили темпото и на крајот, по два часа и 15 минути игра, најдобриот тенисер на сите времиња се пласираше во третото коло.

Во третото коло, Ѓоковиќ ќе се сретне со Ботик ван де Зандшулп, кој го победи Јунченг Шанг.

Foto/ EPA