Сонот на Лацио дека ќе може да избори пласман во Лигата на шампионите згасна на „Артемио Франки“ во Фиренца. Фиорентина, вечерва, го победи Лацио со 2:0 со головите на Душан Влаховиќ.

Српскиот репрезентативец, влезе во историјата на Фиорентина. По пауза од 21 година, кога за Фиорентина играше Габриел Батистута, тој е првиот играч кој постигнал 20 или повеќе голови во една сезона во Серија А.

Со головите во 32. и 89.минута, Влаховиќ дојде до бројката од 21 во сезоната. 21-годишниот напаѓач на листата на најдобри стрелци го дели второто место со Ромелу Лукаку.

Фиорентина со оваа победа си обезбеди опстанок во лигата, додека Лацио со натпревар повеќе има пет поени помалку од Милан, Јувентус и Аталанта.



Фудбалерите на Еспањол на четири кола до крајот на сезоната во Сегунда, изборија промоција во Ла Лига.

Еспањол во 38.коло одиграа 0:0 во Сарагоса и стекнаа предност од 12 бода во однос на Алмерија, која се наоѓа на третото место. Од Алмерија, Еспањол има и подобар меѓусебен скор.

Еспањол се лидери на табелата со 78 поени, со натпревар помалку втори се Мајорка со 71, Алрија е на третата позиција со 66.

Арина Сабаленка го освои Мастерсот во Мадрид во женска конкуренција. Тенисерката од Белорусија, во финалето кое траеше 101 минута, ја победи Ешли Барти со 2:1 (6/0, 3/6, 6/4).

Сабаленка, фуриозно го започна мечот, првиот сет со нула го доби за само 26 минути. Барти заигра подобро во вториот сет, стигна до предност од 2:0, Сабаленка зоврати со иста мерка, а потоа до крајот на сетот Баети освои четири, а загуби само еден гем.

Третиот сет донесе голема броба во првите осум гема, во деветтиот Сабаленка направи брејк, а потоа без загубен поен го освои гемот за конечна победа.

Сабаленка со оваа победа и се реваншира на барти за поразот во финалето на турнирот во Штутгарт.