Ентони Џошуа ќе има можност да ги врати титулите, кои во саботата му ги одзеде Украинецот, Александар Усик. Наследникот на браќата Кличко, пред 70.000 гледачи на Тотенхем арена, во Лондон, надмоќно го победи Џошуа.

Новинарите открија дека во договорот, кој го потпишале боксерите пред мечот, постои клаузула за нов меч доколку Џошуа биде поразен.

„За реваншот не знам ништо, но претпоставувам дека ќе биде одржан во февруари или март наредната година. Мислам дека најисплатливо би било борбата повторно да се одржи во Британија, но свесен сум дека Украинците ќе сакаат борбата да се одржи кај нив. Сепак мислам дека тоа нема да се случи, Украина во февруари не е добра локација за таков меч. Во секој случај ќе соработуваме“, изјави Еди Херн, претставникот на агенцијата „Мечрум боксинг“, која ги застапува интересите на Џошуа.

Инаку, Александар Усик, по победата над Џошуа, стана првиот боксер по Ивандер Холифилд, кој бил неприкосновен шампион во крузер категоријата, а потоа станал светски првак во тешка категорија.

Роналд Куман си купи малку време по победата над Леванте (3:0). Сепак, шпанските медиуми не веруваат дека тој уште долго ќе биде тренер на Барселона. Тврдат дека само во случај Барселона да ги победи Бенфика и Атлетико Мадрид ќе остане на функцијата.

Колку некои и да го посакуваат заминувањето на Куман, тоа не може толку лесно да биде изведено. Причината се парите, поточно финансискиот фер-плеј во Ла Лига. Поради финансискиот фер-плеј, Барселона летово остана без Лионел Меси.

И покрај тоа што Меси и Гризман си заминаа, а клубот значително им ги намали платите на фудбалерите и останатите вработени, буџетот за плати се уште е 25 отсто на дозволениот лимит.

Поради тоа Џоан Лапорта, во наредниот период, ќе се обиде да им ги намали платите на Кутињо, Серхи Роберто, Усман Дембеле и Самуел Умтити.

Финансиската криза во клубот, го држи Куман на работното место. Доколку клубот му врачи отказ ќе мора да му исплати 14 милиони евра. Покрај тоа, клубот ќе мора да најде пари за новиот тренер.

Со Барселона најчесто се поврзуваа Роберто Мартинез и легендата на клубот Чави.

Педро беше еден од стрелците за Лацио во вчерашната победа над Рома од 3:2. Шпанецот во летниот преоден рок во Лацио се пресели од Рома. Првото градско дерби во дресот на новиот клуб го круниса со гол.

„Среќен сум, победивме. Важен меч за нас и нашите навивачи. Игравме агресивно во првото полувреме, имавме многу шанси“, изјави Педро и дополни.

„Овој тиме е едно големо семејство. Ги сакам идеите на тренерот Сари, тој сака да го притискаме противникот, брзо да ја пренесуваме топката. Знам дека малку фудбалери во текот на историјата постигнувале голови за Рома и Лацио во дерби-мечевите. Ова е посебен момент во мојата кариера“.