Спорт
Надал во третото коло по паузата од еден час, Швјонтек се намачи со Керкхове

Освојувачот на 22 гренд слем титули, Рафаел Надал го продолжува „патот“ на Вимблдон, откако ниту паузата од еден час за кревање на покривот на „Централниот терен“ во Лондон не му попречи да ја комплетира 6:4/6:4/4:6/6:3 победа над Литванецот Рикардас Беранкис.
Шпанскиот ас правеше премногу некарактеристични грешки во текот на мечот против светскиот тенисер број 106., кој му направи многу проблеми во вториот и трет сет. Кога беше на чекор до победа со 3:0 водство во четвртиот сет, на Надал му попречи лондонскиот дожд, кој предизвика необично долга пауза од еден час за поставување на покривот.
Светската тенисерка број 1, Ига Швјонтек, пак, се намачи за да стигне до 6:4/4:6/6:3 победа над Лесли Патинама Керкхове, за продолжување на рекордот на 37 победи едноподруго. Полјачката нема загубено од февруари, период во кој освои шест титули, вклучувајќи ја и круната од Ролан Гарос.
Иако во 2018 година беше јуниорска шампионка на Вимблдон, Швјонтек го нема поминато четвртото коло во сениорска конкренција. 138-рангираната Патинама Керкхове пристојно ја намачи фаворитката, откако беше израмнета до 4:3 во последниот сет.
Поранешната светска тенисерка број 1 и ексшампионка, Романката Симона Халеп исто така имаше тежок меч, победувајќи ја Кристен Флипкенс со 7:5/6:4. Халеп веднаш загуби на свој сервис, и губеше со 5:2 во првиот сет, пред да направи фантастичен камбек, а и во вториот сет, Флипкенс поведе со 3:0, пред Романката да се врати и да го комплетира мечот.
Домашната фаворитка, Кејт Бултер стигна до својата најголема победа во кариерата, совладувајќи ја поранешната финалистка од Вимблдон, Чехинката Каролина Плишкова со 3:6/7:6(4)/6:4.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Стоичков: Глувци во облечени во скапи костуми го убија Марадона

Легендарниот бугарски фудбалер Христо Стоичков во подкастот „Код спорт“ зборуваше за Диего Марадона, кој почина на 25 ноември 2020 година.
Стоичков, откри дека бил исклучително близок со Аргентинецот, истакна дека се смета себеси за еден од одговорните што не можел да го одвои Марадона од лошото друштво.
„Јас сум еден од оние кои најмногу го критикуваа Диего. Го критикував затоа што остана во капсула со некои луѓе кои секојдневно се шетаа во вратоврска, бела кошула и црн костум. Секој ден беа на иста маса бидејќи тој е Диего Марадона“, истакна Стоичков и продолжи:
„Да не беше тој човек и неговото име, тие глувци никогаш немаше да постојат. За мене тие се убијците на Марадона. Го ставија на таа позиција. Имавме големи расправии со него. Му реков дека се разликува од нив. Јас сум еден од виновниците што не инсистирав до крај. Тој не ги слушаше своите вистински пријатели“.
Спорт
Анчелоти: Не ми требаат пари, не би заминал во Саудиска Арабија за 500 милиони евра

Карло Анчелоти на прес конференција на која го најави гостувањето на Реал, кај Бетис во рамките на 16. коло од шпанската Ла Лига, ја коментираше и информацијата дека голферот Џон Рахм,стана најплатен спортист во светот. Неговата годишна плата е поголема од заедничките плати на Кристијано Роналдо и Лионел Меси.
Рахм потшиша договор вреден 500 милиони евра со ЛИВ голф лигата од Саудиска Арабија. Договорот ќе трае најмалку три години, а наводно има опција за продолжување, пишува ЕСПН.
По повод таа вест Анчелоти беше запрашан дали би заминал во Саудиска Арабија доколку некој клуб му понуди договор од 500 милиони евра.
„Воопшто не би резервирал лет, би одел таму пеш. Не, не. Се шегувам. Не ми требаат пари. Светот се менува и ќе продолжи да се менува”, рече тренерот на Реал.
Спорт
(Видео) Роналдо со гол го прослави јубилејот

Португалскиот фудбалер Кристијано Роналдо го одбележа јубилејниот 1200. натпревар во кариерата со гол за Ал Наср во победата над градскиот ривал Ал Ријад (4:1).
По повод големиот јубилеј, на стадионот на Ал Наср во Ријад пред почетокот на натпреварот се одржа пригодна церемонија во чест на 38-годишниот Роналдо.
Португалецот постигна гол во 33. минута, а во 45+3. минута му асистираше на Отава за 2:0.
На 3:0 зголеми Андерсон Талиска во 67. минута, а на 3:1 намали Енди Греј во 69. минута. Талиска го постигна вториот гол на натпреварот, во 90+4. минута и го постави конечниот резултат.
Во текот на својата кариера, Роналдо одигра за Спортинг 31 натпревар (5 гола), Манчестер Јунајтед 346 натпревари (145), Реал 438 натпревари (450), Јувентус 134 натпревари (101) и Ал Наср 46 натпревари (39). За португалската репрезентација настапи на 205 натпревари и постигна 129 голови.
Пред Роналдо по бројот на натпревари во кариерата се само англискиот голман Питер Шилтон (1.375), уште еден Англичанец Пол Бесток (1.286) и Бразилците голманот Рожерио Сени (1.237) и Фабио (1.212).