Јута Џез го добија дербито против ЛА Лејкерс и се зацврстија на челната позиција во НБА лигата. Тимот од Солт Лејк Сити ги деласира шампионите со 114:89.

Џезерите го решија дуелот благодарение на тимската игра и шутот за три поени. Играчите на Јута, против Лејкерси погодија 22 тројки. Од друга страна „езерџиите“, играат лошо без Ентони Дејвис, во серија се од четири порази, односно имаат само една победа на последните шест натпревари.

Џордан Кларксон и Руди Гобер постигнаа по 18 поени, францускиот центар имаа и девет скока. Уште четворица кошаркари на Јута постигнаа двоцифрен број на поени: Бојан Богдановиќ (15, тројки 5/8), Мајкл Конли (14 поени, 8 скока, 8 асистенции), Донован Мичел (13 поени, 10 скока, 8 асистенции), Дерик Фејворс (12 поени, 7 скока).

Јута со 26 победи и шест порази ја држат првата позиција во НБА лигата. Џезерите имаат 22 победи на последните 24 натпревари.

Лејкерси, лошо шутираа на овој натпревар (40 отсто), а погодија само 24,2 отсто од шутевите за три поени.

Најефикасен кај Лејкерси беше Леброн Џејмс со 29 поени.



Американскиот спринтер Грент Холовеј постави нов светски рекорд на 60 метри со пречки. Холовеј, во Мадрид, успеа да го урне 27 години стариот рекорд на Колин Џексон.

23-годишниот атлетичар од Вирџинија, делницата ја истрча за 7,29 секунди. Холовеј за три стотинки го поправи личниот рекорд, поставен неодамна на митингот во Левијан.

Грент Холовеј е светски првак на 110 метри со пречки. Титулата ја освои во 2019 година на Мундијалот во Доха.

Grant Holloway breaks world indoor 60m hurdles record in Madrid #WorldIndoorTour

Stunning hurdling from @Flaamingoo_ to clock 7.29 👏

📰: https://t.co/zCi4oRJwyr pic.twitter.com/1oM4G3DKP2

— World Athletics (@WorldAthletics) February 24, 2021

Манчестер сити ја забележа и 19-тата победа едноподруго (во сите натпреварувања), откако славеше на гости кај Борусија Менхенгладбах во првиот меч од осминафиналето на Лигата на шампионите со 0:2, додека толку очекуваниот „напаѓачки“ меч меѓу Аталанта и Реал Мадрид беше „расипан“ откако домаќините по само 17 минути игра останаа со играч помалку, пред Ферлан Менди да го реши во 86. минута со фантастичен гол од далечина.

На „Пушкаш арената“ во Будимпешта, каде што Гладбах го пречека лидерот во Премиер лигата поради забраната за пристигнување од Велика Британија во Германија, Сити од почетокот имаше доминација на топката и дојде во водство во 29. минута со убавиот гол со глава на Бернардо Силва.

Во 65. минута од мечот Габриел Жесус го удвои водството откако од близина даде гол по уште една убаво изработена акција на Рахим Стерлинг, Жоао Кансело и Бернардо Силва.

Мечот во Бергамо, каде што хероите Аталанта беа пречекани со факли пред влезот на стадионот, доби поинаков ритам откако германскиот судија Тобијас Штилер во 17. минута можеби малку престрого му покажа директен црвен картон на Ремо Фројлер по стартот над Ферлан Менди.

Лошите вести за Аталанта се зголемија кога по половина час, колумбискиот напаѓач Дуван Запата побара замена поради повреда, но во првите 45 минути најдобрата шанса ја имаа домаќините преку Луис Муриел. Во второто полувреме, секако, Реал ја имаа иницијативата, но упорната одбрана на Аталанта изддржа до 86. минута, кога по додавањето од Лука Модриќ, Менди имаше фантастичен удар за 0:1 и голема предност пред реваншот во Мадрид.

ЛИГА НА ШАМПИОНИ, 1/8 ФИНАЛЕ, 1.МЕЧ

Аталанта – Реал Мадрид 0:1

Борусија Менхенгладбах – Манчестер сити 0:2