Спорт
Наинголан: Велосипедисти ми се чудат – пушам, а трчам 90 минути
Калчолигашот Калјари е едно од најпријатните изненадувања во есенскиот дел од сезоната во петте најсилни фудбалски лиги во Европа (Серија А, Премиерлига, Бундеслига, Ла Лига и Лига 1).
Клубот од Сардинија е моментно четврти во првата италијанска лига, а без пораз е веќе 11 меа по ред. Еден од најзаслужните за ваквиот ефект на тимот е Раџа Наинголан кој на почетокот на сезоната во Калјари стигна на позајмица од Интер.
Темпераментниот Белгиец се испокара речиси со сите во Интер и се врати во клубот во кој настапуваше од 2010 до 2014 година.

„Сакам на сите во Интер да им покажам дека погрешија кога ме отпишаа. Добро играме и јас и Калјари и тоа е голема лична победа за мене, иако нема прерано да славам. Свен Нис (белгијски велосипедист) не можеше да верува кога дозна дека пушам. Но тој мора 7 часа да седи, а јас 90 минути трчам. Не е исто. Би се зачудиле колку многу фудбалери пушат. Кога еднаш излегов со репрезентативци на Белгија, пушевме седум или осум луѓе, но сите го видоа Раџа, и јас бев проблемот“ – вели белгискиот фудбалер.
Тој за себе вели дека последните години малку се смирил.
„Во последните години малку се смирив, особено откако сопругата ми е болна (канцер), но таа е се подобра. Се обидувам повеќе време да проведувам со децата и да им бидам на располагање“ – вели Раџа.
Тој ја заврши репрезентативната кариера откако селекторот Мартинез не го повика на минатото СП во Русија.
„Селекторот Мартинез ми рече дека во националниот тим не може да ми ја даде улогата која ја имав во Рома, а со „волчицата“ таа сезона играв полуфинале во ЛШ. Тука за мене беше крај. Стојам на својата одлука и нема да ја променам дури и ако дојде нов селектор“ – заклучи фудбалерот на Калјари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пакета побарал Вест Хем да ја прифати понудата од Фламенго
Играчот од средниот ред на Вест Хем, Лукас Пакета, е на пат да го напушти клубот, објави Гардијан.
Бразилецот го замолил тренерот да не го носи на натпреварот од ФА Купот бидејќи сака да се врати во Бразил. Конкретен интерес за него покажа најбогатиот клуб во Јужна Америка, Фламенго.
Од Бразил во Лондон пристигнала понуда од 40 милиони евра.
Вест Хем не сака да остане без најдобриот играч, во ситуација кога се бори за опстанок во лигата и кога за неговите услуги интерес покажале европски клубови, подготвени да понудат повеќе пари.
Сепак ставот на Пакета е јасен сака да се врати дома, во Фламенго.
Спорт
Галагер се враќа во Премиер лигата?
Конор Галагер би можел да се врати во Премиер лигата оваа зима
Како што откри Матео Морето, Астон Вила тргна во офанзива за неговиот потпис, бидејќи Англичанецот, не е во преден план кај тренерот на Атлетико Мадрид, Диего Симеоне.
Галагер нема ништо против враќање во Премиер лигата, Манчестер Јунајтед и Њукасл исто така покажале интерес, но само од Астон Вила покажале конкретен интерес.
Унај Емери не го доби засилувањето што го сакаше во Харви Елиот, кој ќе се врати во Ливерпул, па затоа Шпанецот сака нов играч од средниот ред, со различен профил.
Галагер има искуство во Премиер лигата, играше за Кристал Палас и Челзи, а претходно во кариерата беше дел од Чарлтон, Свонси, Вест Бромвич Албион.
Пред да замине за Шпанија, одигра 136 натпревари во Премиер лигата.
Атлетико Мадрид пред 18 месеци на Челзи му плати 42 милиони евра за Галагер. Се претпоставува дека „јорганџиите“, за него бараат околу 40 милиони евра.
Спорт
Алушовски го презеде Еурофарм Пелистер
Еурофарм Пелистер има нов тренер. На местото на Рубе Гарабаја, екипата до крајот на сеозната ќе ја предводи, поранешниот играч на овој клуб, Стевче Алушовски.
„Нашиот нов почеток во 2026 година е поврзан со добро познато име. Стевче Алушoвски е нов тренер на Еурофарм Пелистер и ќе ја води нашата екипа до крајот на оваа сезона. 53-годишниот тренер по неколку години се враќа во својот матичен клуб, во улога на тренер на шампионот на Македонија. Алушoвски во два наврати водеше клуб од Битола – Пелистер и Еурофарм Работник, а сега го презема тимот на Еурофарм Пелистер.
Нашиот прославен репрезентативец тренерската, како и играчката кариера, ја започна во Битола. Во мак-ракометот ги водеше Вардар 1961 и Охрид, а кратко работеше и во Исланд“. објави клубот на социјалните мрежи.
Новиот тренер првиот собир го закажа за в среда (14 јануари) во 17:00 часот.
Izvor/ facebook.com/hceurofarmpelister

