Спорт
Наинголан: Велосипедисти ми се чудат – пушам, а трчам 90 минути
Калчолигашот Калјари е едно од најпријатните изненадувања во есенскиот дел од сезоната во петте најсилни фудбалски лиги во Европа (Серија А, Премиерлига, Бундеслига, Ла Лига и Лига 1).
Клубот од Сардинија е моментно четврти во првата италијанска лига, а без пораз е веќе 11 меа по ред. Еден од најзаслужните за ваквиот ефект на тимот е Раџа Наинголан кој на почетокот на сезоната во Калјари стигна на позајмица од Интер.
Темпераментниот Белгиец се испокара речиси со сите во Интер и се врати во клубот во кој настапуваше од 2010 до 2014 година.

„Сакам на сите во Интер да им покажам дека погрешија кога ме отпишаа. Добро играме и јас и Калјари и тоа е голема лична победа за мене, иако нема прерано да славам. Свен Нис (белгијски велосипедист) не можеше да верува кога дозна дека пушам. Но тој мора 7 часа да седи, а јас 90 минути трчам. Не е исто. Би се зачудиле колку многу фудбалери пушат. Кога еднаш излегов со репрезентативци на Белгија, пушевме седум или осум луѓе, но сите го видоа Раџа, и јас бев проблемот“ – вели белгискиот фудбалер.
Тој за себе вели дека последните години малку се смирил.
„Во последните години малку се смирив, особено откако сопругата ми е болна (канцер), но таа е се подобра. Се обидувам повеќе време да проведувам со децата и да им бидам на располагање“ – вели Раџа.
Тој ја заврши репрезентативната кариера откако селекторот Мартинез не го повика на минатото СП во Русија.
„Селекторот Мартинез ми рече дека во националниот тим не може да ми ја даде улогата која ја имав во Рома, а со „волчицата“ таа сезона играв полуфинале во ЛШ. Тука за мене беше крај. Стојам на својата одлука и нема да ја променам дури и ако дојде нов селектор“ – заклучи фудбалерот на Калјари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Почина легендарниот голман на Реал
Утрото по победата (2:1) над Барселона во „Ел Класико“, навивачите на Реал Мадрид добија тажна вест.
Легендарниот голман на мадридскиот клуб, Хозе Мануел Очоторена, почина на 64-годишна возраст.
Претседателот на клубот, Флорентино Перез, и одборот на директори на Реал Мадрид изразија длабоко жалење поради смртта на Очоторена.
„Во овие тешки моменти, Реал Мадрид испраќа искрено сочувство до неговото семејство, поранешните соиграчи, пријателите и сите клубови за кои играше за време на неговата богата кариера“, се вели во соопштението на Реал Мадрид.
Очоторена го носеше дресот на Реал Мадрид шест сезони, од 1982 до 1988 година. Во тој период, тој освои два Купа на УЕФА, три титули во шпанското првенство и еден Лига куп.
Покрај Реал, тој ги бранеше и боите на Валенсија, Тенерифе, Логроњес и Расинг Сантандер. Во сезоната 1989/90, како член на Валенсија, го освои престижниот Трофеј Замора, наградата за голманот со најмалку примени голови во Ла Лига.
Тој беше дел од шпанската репрезентација на Светското првенство во Италија во 1990 година.
По неговата играчка кариера, тој остави длабока трага и како тренер на голмани, работеше во Валенсија, Ливерпул и во шпанската репрезентација 17 години, од 2004 до 2021 година.
Тој тренираше голмани од познатата генерација што владееше со светскиот и европскиот фудбал и освои три последователни титули во 2008, 2010 и 2012 година.
Спорт
Берман: Се пос.ав кога го претекнав Макс
Младиот Оливер Берман беше спектакуларен на Големата награда на Мексико. Возеше храбро и паметно и на крајот тоа го круниса со најдобриот пласман во кариерата, го освои четвртото место.
Берман одличено стартуваше од деветтата позиција напредуваше за три позиции, а потоа профитираше од борбата меѓу Макс Ферстапен и Луис Хамилтон кога храбро го престигна актуелниот шампион за четвртото место.
Хамилтон доби и казна од десет секунди, па Берман се најде на третото место.
Сепак, не успеа да се искачи на подиумот бидејќи тактиката на Ферстапен со едно запирање се исплатеше. Но, Берман успеа да одолее на нападите на Оскар Пјастри во финишот, а пред тоа и на обидите на Кими Антонели и Џорџ Расел.
По трката, искрено рече дека се исплашил од моментот кога го престигнал Ферстапен.
„Луис и Макс се бореа и јас имав корист од тоа. Искрено, се пос..в во тој момент кога се најдов до Макс, но беше навистина кул да бидам во таа позиција со луѓе што ги гледав откако гледам Формула 1.
И потоа го имав во ретровизорот (Ферстапен) долго време, најголемиот притисок што некогаш сум го имал во трките“, рече Берман.
Тој е свесен дека оваа трка е добра за сомодовербата.
„Макс беше зад мене, потоа Кими, потоа Џорџ и конечно Оскар. И не можеа да ме нападнат. Значи дека денес направивме нешто како што треба.“
„Не очекував да се најдам во позиција да се борам со нив, со најдобрите автомобили оваа година и во оваа фаза од мојата кариера. Но, тоа ми даде одлично чувство за иднината и се надевам дека во одреден момент тоа ќе стане нормална работа за мене“, рече Берман.
Оливер Берман во конкуренција на возачи се наоѓа на 13-то место со 32 поени.
Foto/ EPA
Спорт
(Видео) Лосон за малку ќе ги прегазеше маршалите за време на трката
Ландо Норис победи во една од највозбудливите трки оваа сеозна во шампионатото на Формула 1. Братанецот ја освои Големата награда на Мексико, пред Шарл Леклер и Макс Ферстапен и го презеде водството во генералниот пласман. Норис има 357 поени, еден повеќе од колегата Оскар Пјастри и 36 од Ферстапен.
Норис доминантно го освои Мексико, но во текот на целата трка се водеа борби за што подобри позиции во редоседот.
По завршувањето на трката, возачот на Рејсинг Булс, Лиам Лосон, откри дека се случил инциент што не беше забележан во телевизискиот пренос.
Возачот од Нов Зеланд поради проблеми со болидот не стигна до целта, но во моментот додека бил на патеката ќе доживеел фатален инцидент кога двајца стјуарди истрчале на патеката веднаш пред неговиот автомобил.
Опасната ситуација се случила во третиот круг од трката, додека возачот на Рејсинг Булс се враќал на патеката по раното запирање во боксот за промена на предното крило.
„Се шегуваш? Го виде ли тоа? Можев да ги убијам!“, извикал Лосон преку тимското радио на својот инженер за време на трката. По трката, возачот од Нов Зеланд рекол дека бил шокиран од она што го видел.
„Искрено, не можев да поверувам. Излегов од боксот со новите тврди гуми, дојдов до првата кривина и видов двајца луѓе како трчаат преку патеката. За малку ќе удрев во еден од нив, беше неверојатно опасно“.
Лосон додаде дека никогаш порано не видел слична ситуација во Формула 1.
„Очигледно имаше недоразбирање, но тоа е неприфатливо. Не разбирам како стјуардите можат да трчаат на патеката додека трката е во тек. Сигурен сум дека ќе добиеме објаснување, но нешто вакво не смее да се случи повторно.“
There were Marshalls CROSSING the track during Liam Lawson's lap…….pic.twitter.com/wV7fWxnvsx
— RBR Daily (@RBR_Daily) October 26, 2025
🚨 Momento de riesgo en el GP de México: dos marshalls cruzaron la pista mientras Liam Lawson se aproximaba a gran velocidad.
La acción generó preocupación en el paddock. #F1Mexico #GPMéxico #LiamLawson #F1 #SeguridadEnPista pic.twitter.com/aHDRStgqkk
— ABC Deportes MX (@abc_deportes_mx) October 26, 2025
Меѓународната автомобилска федерација (ФИА) веднаш започна истрага за инцидентот. Во соопштението, тие наведоа дека маршалите биле ставени „во состојба на подготвеност“ поради остатоци во првата кривина.
„Во третиот круг, маршалите биле предупредени и подготвени да влезат на патеката за да ги отстранат деловите, откако сите автомобили поминале. Кога стана јасно дека Лосон влегол во боксот, упатството било повлечено, а во тој сектор биле прикажани двојни жолти знамиња“, објави ФИА.
„Сè уште истражуваме што се случило по тој момент.“
Инцидентот предизвика бројни реакции во заедницата на Ф1, со оглед на тоа што безбедноста на стјуардите и возачите е еден од клучните приоритети на спортот.

