Јувентус, конечно, во петтото коло во Серија А стигна до својата прва победа во новата сезона враќајќи се од 2:1 негатива за 2:3 триумф на гости кај Специја, а Салернитана по четири порази, го запиша првиот бод оваа сезона со 2:2 ремито со Верона.

Моисе Кин враќањето во црно-белиот дрес го прослави со гол во 28. минута од мечот, но Емануел Гјаси по само пет минути, успеа да израмни. Французинот Јанис Антист ги шокира „бјанконерите“ во 49. минута за неочекувано водство.

Но, тимот на Макс Алегри успеа да се соземе – Федерико Киеза во 66. минута израмни за Матијс де Лихт да донесе три поени во 72. минута од мечот.

СЕРИЈА А, 5. КОЛО

Специја – Јувентус 2:3

Салернитана – Хелас Верона 2:2

Данскиот Алборг ја забележа втората победа во второто коло на ЕХФ Лигата на шампионите победувајќи го францускиот Монпелје со 36:28 (18:13) за да ги покаже своите големи амбиции оваа сезона. Пик Сегед, пак, со 30:21 (10:7) лесно го совлада Загреб, кој сега има два убедливи пораза во првите две гола во групата А, каде што е и македонскиот шампион Вардар.

Лукас Сандел беше незапирлив за Алборг завршувајќи го мечот со 11 гола, а Кристијан Бјорнсен додаде 6 гола, а кај Монпелје, Килијан Вилјемино беше најефикасен со 6 гола.

Во Унгарија, пак, Марио Шоштариќ даде 7 гола за Сегед, а кај Загреб, Вистороп и Клис имаа по четири гола.

ЕХФ ЛИГА НА ШАМПИОНИТЕ, ГРУПА А, 2. КОЛО

Алборг – Монпелје 36:28 (18:13)

Пик Сегед – ППД Загреб 30:21 (10:7)

Кил – Елверум 20.45 ч

Вардар 1961 – Мешков Брест 20.45 ч

(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-2465-37565”));

Дефанзивецот на Милан и капитен на данската фудбалска репрезентација, Симон Кјер, признава дека не поминува повеќе од ден-два без да размислува за колабирањето на својот соиграч од репрезентацијата Кристијан Ериксен на Евро 2020.

Кјер доби пофалби за своето брзо реагирање при колапсот на Ериксен на мечот со Финска во Копенхаген кога го постави соиграчот во позиција за закрепнување, го заштитуваше од камерите и публиката, а потоа ја тешеше неговата партнерка.

„Има ден, можеби два, кога не размислувам за тоа. Не повеќе од тоа бидејќи тоа веќе е дел од нашиот живот. Кога игравме со Шкотска во квалификациите за Светското првенство, влеговме на ‘Паркенстадион’ и лошите сеќавања веднаш се вратија. Морав да одам чекор по чекор, прво на загревањето, па химната, на крајот бев шокиран. Кога почнавме да играме, сепак, се врати искуството како на мечевите со Белгија и Русија на Евро. Дали ќе играм со него или против него повторно? Кажав стопати и пак ќе кажам – најважно е Кристијан да е добро. Другото не е важно“, вели Кјер во интервју за „Спорт билд“.