Спорт
Најбизарниот црвен картон во историјата – Луиз Фелипе го провоцираше пријателот Кореа
Во италијанското дерби помеѓу Лацио и Интер имаше многу интересни, комични, контроверзни моменти, но крајот на мечот беше навистина неверојатен откако Луиз Фелипе доби црвен картон за тоа што му скокна на грбот на својот близок пријател Хоакин Кореа, а судијата Ирати го сфати тоа како провокација.
Кореа, заедно со тренерот Симоне Инзаги, во текот на летниот преоден рок премина во Интер, и по победата во дербито додека одеше разочаран до соблекувалната, Фелипе скокна на него, а тој го оттргна.
Фелипе беше во солзи по картонот, тврдејќи дека сакал да се пошегува со својот близок пријател.
Дефанзивецот на Лацио, Патрик призна дека Луиз Фелипе направил погрешна проценка.
„Тројцата сме добри пријатели и мислам дека двајцата згрешија. Луиз Фелипе требаше да знае дека Туку само што загубил меч и нема да е расположен за шеги. Се чувствувам малку виновен бидејќи јас му кажав да оди и да се обиде да го развесели. Вистинска штета и сега двајцата ќе мораат да ги средат своите односи“, вели Шпанецот.
There was never a dull moment in #LazioInter even after the game!
Almost simultaneously, #LuizFelipe gets sent off (for trying to taunt #Correa by jumping on his back) while Correa is being restrained from retaliating against another Lazio player ⬇️ pic.twitter.com/qQDJiPO6wl
— Rete This Way: A Calcio Podcast ???? (@ReteThisWay) October 16, 2021
??? El #LazioInter acabó de aquella manera…
?? Luiz Felipe se subió a la espalda de CORREA para celebrar el resultado, el argentino no se lo tomó bien y todo se fue a las manos
?? El jugador de la @SSLazio acabó siendo expulsado pic.twitter.com/N91X3NvnRo
— Carrusel Deportivo (@carrusel) October 16, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.
Спорт
Енис Барди: Шпанците ме споредуваа со Меси
Капитенот на фудбалсата репрезентација на Македонија, Енис Барди, во интервју за „haber61.net“, зборуваше за периодот кога беше во Леванте. Потенцираше дека во еден период бил подбар изведувач на слободните удари од Лионел Меси.
„Навистина, бев подобар од Меси. Постигнав седум гола од 25 слободни удари, а Меси имаше осум од 52, имав многу подбар процент на реализација. Според процентот бев подобар. Да бидеме сериозни, прекрасно беше чувството што луѓето ме споредуваа со еден од најдобрите фудбалери на сите времиња. Се гордеев со тоа“, рече Барди.
Спорт
Клубовите се против – Шведска нема да воведе ВАР
Системот за видео анализа (ВАР) нема да биде воведен во Шведска, откако на оваа идеа се спротивтавиле фудбалските клубови, изјави во петокот претседателот на Шведската фудбалска федерација (SvFF), Фредрик Рајнфелд.
ВАР постојано беше во центарот на контроверзноста во лигите каде што беше воведен, со поплаки поврзани со неговата обемна анализа и одложувања кои често траат неколку минути.
Во јули 2023 година, Шведската професионална фудбалска лига, која ги претставува клубовите во првите две дивизии на шведскиот фудбал, соопшти дека мнозинството клубови во земјата „активно се противат“ на воведувањето на ВАР.
Рајнфелд, кој минатата година рече дека ВАР е „иднината“, беше критикуван од навивачите за неговиот став по ова прашање.
„Ако броев правилно, имаме 18 елитни клубови и два региони кои рекоа дека не сакаат да воведат ВАР. Ние тоа го почитуваме. Поради тоа не излеговме со овој предлог на претходниот состанок, а тоа нема да се случи ниту во иднина. Јас сум за почитување на демократските правила на играта“, изјави Рајнфелд, инаку поранешниот премиер на Шведска.