Поранешниот играч на Манчестер Јунајтед, Аксел Туанзебе, го тужи клубот за 1 милион фунти (1.300.000 евра) поради наводна „клиничка небрежност“ во третманот на повреда на грбот, тврдејќи дека таа му предизвикала „сериозни“ и долгорочни проблеми.

Туанзебе, кој поминал низ познатата фудбалска академија на клубот, ја поднесе тужбата во Високиот суд уште во јули, а сега се откриени клучни детали од случајот.

Главната поента на тужбата се однесува на стрес фрактура на долниот дел од ‘рбетот (фрактура на pars interarticularis) што ја претрпел во јануари 2020 година. Судските документи наведуваат дека повредата му предизвикала на играчот „значителна болка и непријатност од нејзиниот развој и влошување“.

Проблемот, се тврди, станал хроничен во јули 2022 година, кога Туанзебе ја претрпел истата повреда, но на десната страна од долниот дел од ‘рбетот. Во тужбата се наведува дека соодветен третман веројатно би спречил подоцнежни компликации.

„Соодветните планови за лекување веројатно би резултирале со тоа што тужителот би ја избегнал болката и непријатноста наведени подолу и би му овозможиле да игра професионален фудбал на елитно ниво без ограничувања или пречки“, се наведува во документите.

„Како што стојат работите сега, иако тој продолжува да игра на елитно ниво, тоа влијаело на неговата кариера и неговата заработка.“

Туанзебе и неговиот правен тим тврдат дека Манчестер Јунајтед не му дал доволно време да се опорави од повредата, ниту го упатиле кај специјалист за спортска хирургија на ‘рбетот откако се случила фрактурата.

Дефанзивецот, кој денес игра за Барнли, верува дека проблемот немало да стане хроничен доколку клубот постапел поинаку.

Туанзебе мина низ во младинската академија на Манчестер Јунајтед. Тој го имаше своето деби за првиот тим во 2017 година и одигра 37 натпревари.

Фудбалската репрезентација на Македонија утре (18 часот) игра пријателски натпревар против Летонија, во пресрет на завршницата од овој квалификациски циклус, гостувањето против Велс во Кардиф.

Селекторот Благоја Милевски вели дека нема да има калкулации, кога се игра за националниот тим секогаш се дава најдоброто.

„Нема потреба да калкулираме или да се штедиме, затоа што имаме доволно време за одмор пред натпреварот против Велс во Кардиф. Ќе се обидеме да испробаме некои поинакви опции, како на тактички план, а и да видиме физички во каква состојба се сите фудбалери. Летонија е квалитетна селекција, а победа секогаш е во нашите мисли. Секој натпревар е важен. На овој меч сакам да ја видам и пошироката слика на Македонија, мораме да размислуваме и за иднината. Акцентот секогаш го ставаме на тимот и така ќе биде и на овие натпревари”, изјави селекторот Благоја Милевски.

Фудбалската федерација на Македонија за утрешниот пријателски натпревар со Летонија донесе одлука за бесплатен влез на трибините на Националната Арена, како еден знак на благодарност до навивачите за поддршката која ја дадоа во овој квалификациски циклус.

Izvor/ ffm.mk

Новак Ѓоковиќ, најуспешниот тенисер на сите времињај беше гостин во интервју со познатиот англиски новинар Пирс Морган.

Едно од најпаметните прашања што му ги постави Морган беше што би сакал да му биде напишано на надгробната плоча.

„Човек кој ги допре срцата на луѓето“, одговори Ѓоковиќ, потоа објасни и зошто.

„Еден од луѓето кои многу ми помогнаа со менталната сила и еден од најголемите спортски психолози кои некогаш живееле, д-р Џим Лоер, кој работел со многу шампиони и играчи број еден во светот, и во машкиот и во женскиот тенис. Едно од неговите главни прашања е: Што би сакале да ви биде напишано на надгробната плоча?

Тоа е одлично прашање. И ве тера да размислите, ве тера да се прашувате, знаете, како сакате да бидете запаметени.

Јас, би сакал, мислам, очигледно, достигнувањата и резултатите и круните и титулите – тоа е нешто на што сум многу горд. Не можам тоа да го игнорирам. Многу сум горд на тоа. Цел живот работев напорно за да стигнам до местото каде што сум сега и да бидам во оваа дискусија. Затоа го прифаќам со голема гордост“, рече српскиот тенисер.

„Но, навистина верувам дека мојот тениски татко, како што го нарекувам, почина пред нешто повеќе од еден месец, а јас бев на неговиот погреб. И тоа беше првиот погреб на кој некогаш сум бил. И мојот најголем впечаток од тоа, покрај неверојатната тага и емоции што ги почувствував, е човечката врска, врските што ги остави зад себе и ги воспостави за време на својот живот и кариера.

Како ги допре срцата на луѓето кои беа не само на тој погреб, туку и во тенискиот клуб, што беше мал настан по погребот одржан во негова чест. Начинот на кој луѓето зборуваа за него не беше за тенисот и она што го постигна како играч или како тренер, или кого тренираше итн.

Се работеше за тоа кој беше тој како личност. Како се однесуваше кон луѓето. Како ги промени животите на младите луѓе или на секој што му беше близок. И така сакам да бидам запаметен“, заклучи Ѓоковиќ.

Ѓоковиќ ја освои својата 101-ва АТП титула во кариерата на крајот од минатата недела. Тој победи во Атина во финалето против Италијанецот Лоренцо Мусети. Тој стана најстариот победник на АТП турнир откако беше воспоставена АТП турнејата во 1990 годинa.

Foto/ EPA