Спорт
Најмногу фудбал оваа година играл Хери Мегваер – повеќе од 79 часа!
Капитенот на Манчестер јунајтед, Хери Мегваер имаше година за заборав, откако покрај неколкуте слаби партии тука беше апсењето во Грција и судскиот случај кој го следеше, меѓутоа тоа не му пречеше да е на првото место на листата на фудбалери со најголема минутажа во годината која изминува.
Англичанецот бил на теренот вкупно 4.745 минути до 17 декември, тврди статистиката на „ЦИЕС фудбалска опсерваторија“, или нешто повеќе од 79 часа. Ова е повеќе од второпласираниот на листата, голманот на бразилскиот Интернасионал, Марсело Ломба, кој играм 4.740 минути во 2020, и исто така подобро од дефанзивецот на Манчестер сити Рубен Дијаш, капитенот на Барса, Лионел Меси и соиграчот од Јунајтед, Бруно Фернандеш, кои се топ 4 во класата на фудбалери кои не се голмани.
27-годишниот Мегваер нема пропуштено ниту една минута од Премиер лигата за „ѓаволите“ по потпишувањето од Лестер за 80 милиони фунти во текот на летото 2019, а од стартот на сезоната 2020/21 во септември, нема играно само во два меча на „ѓаволите“, 2:1 победата над ПСЖ во ЛШ и 3:0 победата над Брајтон во Карабао купот. Тој исто така играше во девет меча од Лига Европа минатата сезона, но имаше само четири меча за англиската репрезентација, пропуштајќи ги мечевите во септември поради апсењето во Грција и суспензијата од еден меч за црвениот картон против Данска.
Втор на листата на фудбалери кои не се голмани е Дијаш, кој беше редовен за Бенфика пред трансферот од 64 милиони фунти во Сити ова лето, но тој заостанува 401 минути зад Мегваер. Меси е трет со 4.293 минути, а Фернандеш има 4.164 минути.
Од другата страна на листата, Кристијан Ериксен од Интер има одиграно 54 мечеви, еден повеќе од Мегваер, но не влегува ниту во топ 1.000 според одиграните минути, бидејќи во Интер најчесто влегува како замена.
Exclusive @CIES_Football indestructible rankings, most fielded players in 2⃣0⃣2⃣0⃣ calendar year: rock solid @HarryMaguire93 ??????? at the top for outfield players ahead of #rubendias ?? & eternal #leomessi ?? ? Top ? in last Weekly Post of the year ➡️ https://t.co/hJ0LTjdLjQ pic.twitter.com/PabzD0topj
— CIES Football Obs (@CIES_Football) December 21, 2020
Four ?? goalkeepers at the top for most minutes in official matches in 2020 ? #MarceloLomba ? (@SCInternacional) ? @HradeckyLukas ?? first in Europe, ahead of @gigiodonna1 ??, @oblakjan ?? & @Manuel_Neuer ?? ? Top ? ➡️ https://t.co/hJ0LTjvmIq pic.twitter.com/Q4vboi0dLo
— CIES Football Obs (@CIES_Football) December 21, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.