Сѐ уште нема крај на сагата за фудбалерот на Барселона, Усман Дембеле. Нема конкретни информации за неговата иднина и покрај тоа што минатата недела спортскиот директор Матеу Алемани изјави дека доколку не го продолжи договорот, Дембеле ќе биде продаден до крајот на преодниот рок.

Каталонските медиуми изминатите три дена пласираат контрадикторни информации. Некои од нив тврдат дека менаџерот на Дембеле е во Барселона и можно е фудбалерот да потпише нов договор, а други извори пишуваат дека повеќе не е дел од тимот и дека клубот работи на неговото заминување.

Наводно, сериозен интерес за Дембеле покажале од Челси. Томас Тухел добро го познава Дембеле, една година му беше тренер во Борусија Дортмунд.
Германецот сметал дека со Дембеле ќе реши дел од проблемите во офанзивата.

Челси се подготвувал да испрати понуда на „Камп ноу“. Не е познато колку се подготвени да понудат за фудбалер што за пет месеци ќе биде слободен играч.

Дембеле се смета за најлошиот трансфер во историјата на Барселона. Во 2017 година клубот во овој фудбалер вложи 140.000.000 евра.

Данил Медвдев ја комплетираше листата на учесници во полу-финалето на Австралија опен. Тенисерот од Русија, со голем пресврт успеа да го елиминира Феликс Оже-Алијасим.

Медведев против Канаѓанецот беше на работ од бездната, губеше со 0:2, спаси меч топка и по четири часа и 38 минути игра успеа да победи со 3:2 (6/7, 3/6, 7/6, 7/5, 6/4).

Медведев подобри ги користеше брејк шансите и тоа го реши победникот. Русинот имаше само пет брејк шанси, искористи три, додека Канаѓанеџот од 11.топки за брејк искористи само две. Оже-Алијасим не искористи ниту една од петте брејк топки во петтиот сет, за разлика од Медведев кој до брејк шанса дојде во третиот гем од решавачкиот сет и веднаш ја искористи.

Светскиот број 2, по три часа и 25 минути игра, во десеттиот гем од четвртиот сет спаси меч топка.

Медведев во полу-финалето ќе игра против Стефанос Циципас, кој лесно во три сета го победи Јаник Синер.

Баерн Минхен, преку претседателот Оливер Кан, потврди дека клубот, по завршувањето на сезоната, ќе го напушти Никлас Зиле. 26-годишниот репрезентативец на Германија од Минхен ќе замине како слободен играч.

„Зиле не ја прифати нашата понуда, не сака да потпише нов договор. Знаеме дека сака да го напушти клубот по завршувањето на сезоната“, рекол Кан.

Баерн, во 2017 година, издвоија 20.000.000 евра за тогашниот фудбалер на Хофенхајм. Зиле за Баерн има одиграно преку 150 натпревари. Со Баерн освоил четири титули во Бундес лигата и една во Лигата на шампионите.

Германските медиуми го поврзуваат Зиле со трансфер во Њукасл јунајтед. Интерес за него покажува и Челси.