Спорт

Напад на автобус со фудбалери во Нигерија

Објавено пред

2 години

- 30 ноември, 2019

Од

Фудбалерите и тренерите на нигерискиот фудбалски клуб Ифеањи Убах биле нападнати од вооружени луѓе во градот Каба додека патувале со нивниот автобус за меч со Џигава голден старс, застрелувајќи го возачот на автобусот и ранувајќи повеќе фудбалери.

„Нашите фудбалери кои патуваа во Кејно за мечот од Нигериската премиер лига беа нападнати од вооружени напаѓачи. Благодариме на Господа, никој не загина. Меѓутоа, возачот беше застрелан, а дел од тренерскиот тим и од фудбалерите беа критично повредени. Тие се во болница“, се вели во соопштението на клубот.

Иако се работи за првата лига во Нигерија, повеќето клубови се толку сиромашни што долгите патувања низ земјата ги прават со автобус, каде што честопати се мета на ограбувачи. Пред пет години, тимот на Кејно пиларс исто така беше нападнат со огнено оружје, во инцидент во кој беа повредени пет нивни фудбалери.

Our players and officials were attacked by armed robbers along Kabba junction near Lokoja this afternoon on their way to Kano to honour Sunday's @LMCNPFL #MD6 fixture against Jigawa Golden Stars. pic.twitter.com/reYdN2hWvA
— FC Ifeanyi Ubah (@FCIfeanyiUbah) November 29, 2019

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport топ-тема

Следно

ФИФПРО: Фудбалерите на Наполи се жртви на злоупотреба и застрашување

Претходно

Вест хем во партнерство со Ајрон мејден!

Спорт

Кунц е новиот селектор на Турција

Објавено пред

60 минути

- 20 септември, 2021

Од

TopSport.mk

Поранешниот селектор на младата репрезентација на Германија, Штефан Кунц е именуван за нов селектор на Турција, соопшти Фудбалскиот сојуз на оваа земја.

Кунц, на функцијата ќе го наследи Шенол Гунеш, кој доби отказ по дебаклот против Холандија (6:1), во квалификациите за пласман на Светското првенство.

Штефан Кунц ја предводеше младата германска репрезентација од 2016 година. Со оваа селекција три пати играше во финалните натпревари на Европските првенства, успеа да освои две титули, во 2017 и 2021 година.

Турција, во квалификациите за Мундијалот, во Г-групата, се наоѓа на третото место со 11 поени, два помалку од Холандија и Норвешка.

Прикажи повеќе...

Спорт

Пјаниќ си замина, сега Пуиг ќе ја трпи тортурата на Куман

Објавено пред

1 час

- 20 септември, 2021

Од

TopSport.mk

Роналд Куман, по заминувањето на Миралем Пјаниќ, има нова жртва. Каталонските медиуми пишуваат дека 22-годишниот Рики Пуиг,го очекува тежок период во кариерата.

Пуиг, во летниот преоден рок, не сакаше да го напушти клубот, Куман на почетокот на сезоната изјави дека младиот играч ќе добие шанса, меѓутоа досега не одигра ниту една минута во трите мечеви во Примера и дуелот со Баерн во Лигата на шампионите.

„Треба да напредува во многу работи. На последниот меч се загреваше,имаше шанса да влезе, но морав да ја сменам одлуката бидејќи Алба се повреди. Тој треба да работи многу, како и сите останати млади фудбалери“, рекол Куман.

Прикажи повеќе...

Спорт

Меси одби да се ракува со тренерот Покетино

Објавено пред

2 часа

- 20 септември, 2021

Од

TopSport.mk

ПСЖ, длабоко во судиското надополнување на времето, успеа да го победи Лион со 2:1. Победата на „светците“ има ја обезбеди Мауро Икарди. ПСЖ има шест победи во исто толку натпревари во Лига 1.

Натпреварот на „Паркот на принцовите“ ја обележа сцената од 75. минута, кога тренерот на ПСЖ, Маурицо Покетино, реши да го повлече од теренот Лионел Меси.

Аргентинецот очигледно беше незадоволен од одлуката на тренерот, не се поздрави со него кога излезе од игра.

„Решив да го заменам за да го заштитам од евентуална повреда. Пред нас се неколку важни натпревари. Сакав да го заштитам“, рекол Покетино.

Реакција од Меси нема, можеби бил нервозен што не успеа да постигна гол. Во првиот гол имаше две добри шанси, по акцијата со Нејмар, неговиот удар заврши крај голот, додека од слободен удар ја погоди гредата.