Спорт
Направена ждрепката за Ролан Гарос – Мареј веднаш на Вавринка, Тим стартува против Чилиќ!
Енди Мареј ќе се сретне со уште еден тенисер со три гренд слем титули зад него, Стен Вавринка во првото коло на Ролан Гарос откако беше одредена ждрепката на францускиот гренд слем. Британците немаа многу среќа во ждрепката – нивната најдоброрангирана тенисерка, Џоана Конта во првото коло ќе игра со американската тинејџерка Коко Гоф.
33-годишниот Мареј се враќа на Франција опен првпат откако имаше две операции на колкот, а интересно негов последен меч на терените во Париз беше токму против Вавринка, кога загуби во полуфиналето во пет сета.
Светскиот рекет број 1, Новак Ѓоковиќ во првото коло ќе се судри со Швеѓанецот Елијас Имер, а најинтересниот дуел во првото коло несомнено ќе биде тој на актуелнио шампион од САД опен, Доминик Тим против поранешниот шампион од Њујорк, Марин Чилиќ. Рафаел Надал е во половината на ждрепката каде што е и Тим, и почнува против Русинот Егор Герасимов.
Серена Вилијамс го започнува турнирот против сонародничката Кристи Ен, додека светската тенисерка број 2, Симона Халеп игра против Шпанката Сара Сорибес Тормо.
Турнирот пред ждрепката потврди дека се повлекле Канаѓанецот Милош Раонич и Швајцарката Белинда Бенчич.
Le tableau est connu ?
Plusieurs affrontements chocs nous attendent dès le premier tour.
Simple Dames ? https://t.co/f2ZWmZRQTc
Simple Messieurs ? https://t.co/MGcf2cqg5a#RolandGarros pic.twitter.com/VypbRfUpmt— Roland-Garros (@rolandgarros) September 24, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Голем пресврт на „Стенфорд Бриџ“ – Челзи го победи Вест Хем
Фудбалерите на Челзи, со пресврт во второто полувреме, го добија градскиот дуел со Вест Хем (3:2).
По оваа победа, Челзи го престигна Манчестер Јунајтед на табелата во Премиер лигата со 40 бода, „црвените ѓаволи“ имаат два бода помалку и натпревар помалку од тимот од Лондон.
По две победи по ред, Вест Хем го забележа својот 14-ти пораз, по што остана на 20 бода и на 18-то место во Премиер лигата.
„Чеканите“ имаа предност по првиот дел од 0:2. Стрелци на головите беа Боувен и Самервил.
Челзи одговори на вистински начин. Израмнување на „сините“ им донесоа играчите кои влегоа од клупата за резерви, Жоао Педро и Кукуреља, а победата ја обезбеди Енцо Фернандез со голот во 92-та минута.
На крајот, натпреварот го зачини тешакчата во финишот, Тодибо за врат го фати Жоао Педро, Мавропанос се обиде да му удри шамар на Палмер. Во целата таа мешаница само Тодибо доби црвен картон.
Спорт
Македонија против Украина или Словачка во баражот за СП
Ракометната репрезентација на Македонија добро помина на ждрепката, која ги одреди двојките за баражот, за пласман на Светското првенство.
Македонија ќе игра против победникот од претквалификацискиот дуел меѓу Украина и Словачка.
Македонија на 13 или 14.мај ќе гостува, а реваншот во Скопје ќе се одигра три дена подоцна.

Foto/ EPA
Спорт
Пол Џорџ падна на допинг тест
Кошаркарот на Филаделфија, Пол Џорџ, е суспендиран поради позитивен допинг тест.
Инсајдерот Шамс Чаранија, објави дека НБА го суспендираше Џорџ на 25 натпревари поради кршење на антидопинг прописите.
Пол Џорџ издаде соопштение во кое се вели:
„Во текот на изминатите неколку години, многу зборував за тоа колку е важно менталното здравје и поради тоа, направив голема грешка со тоа што самиот си земав лекови. Ја преземам одговорноста за моите постапки и им се извинувам на Севентисиксерс, соиграчите, навивачите и сите други за моите лоши одлуки за време на тој процес. Фокусиран сум на тоа да го искористам ова време за да го опоравам мојот ум и тело на најдобар можен начин и да му помогнам на тимот кога ќе се вратам“, рече Џорџ.
Не е наведено зошто Џорџ не го поминал допинг тестот.
Популарниот играч има 35 години и имаше просек од 16 поени и 5 скока во 27 натпревари оваа сезона.

