Спорт
Навивач на ПСЖ избоден со нож пред натпреварот со Милан, се бори за живот

Во Милано пред вечерашниот натпревар од Лигата на шампионите помеѓу Милан и ПСЖ се случија неколку навивачки пресметки, а во едната тешко е повреден навивач на францускиот тим, кој, како што јави италијанската новинска агенција АНСА, се бори за живот.
АНСА додаде дека 34-годишниот навивач на ПСЖ бил избоден со нож во главата и ногата и се наоѓа во болница во Милано.
Повредени се и неколку полицајци кои интервенирале во пресметките во областа Навигли.
Сепак, тоа не беше единствената пресметка на навивачите во ноќта од понеделник кон вторник.
Во Чајнатаун полицијата интервенираше поради судир меѓу десетици навивачи на ПСЖ и жителите на тој кварт. Подоцна, полицијата интервенирала и на една од улиците каде што се наоѓале француски навивачи, а на еден од нив му била потребна лекарска помош.
АНСА напиша и дека безбедносните служби и полицијата во вторник ќе ги зајакнат собирите на најголем број навивачи пред „Сан Сиро“.
Натпреварот помеѓу Милан и ПСЖ во групата Ф започнува во 21 часот.
07.11.2023, Curva Sud Milano🇮🇹 attack PSG🇫🇷 in Milano https://t.co/Fjy3xrlEmQ pic.twitter.com/GM6pSSFJpe
— Hooligans.cz Official (@hooliganscz1999) November 7, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мурињо побарал да му го донесат Бензема во Бенфика

Карим Бензема (37) би можел да дојде во Бенфика, пишува „Гол Франс“. Францускиот напаѓач е на радарот на Бенфика, на чија клупа минатата недела седна Жозе Мурињо. Доколку трансферот се реализира, судбината веќе нуди филмско сценарио: дуел против неговиот поранешен клуб Реал Мадрид во Лигата на шампионите.
Португалскиот тренер знае што му е потребно за да напредува во проектот: искуство, лидерство и цели. Тука се вклопува Бензема. Мурињо не ја крие својата желба да го доведе и веќе му даде до знаење на раководството дека вреди да вложи напор. Секако, нема да биде лесно.
Французинот влегува во последната година од договорот со Ал-Итихад и заработува вистинско богатство. Доколку сака да го носи црвениот дрес на „Естадио да Луж“, ќе мора да прифати големо намалување на платата.
Саудискиот клуб, исто така, размислува за продажба за обештетување помеѓу 5 и 7 милиони евра. За Бенфика, тоа е прифатлива сума… под услов Карим да каже да.
Таквиот потпис би носел доза на романтика, но и стратегија. Мурињо го сака Карим како лидер и модел за млад и гладен тим. Тој не бара никаков напаѓач, туку роден победник. Исходот е во рацете на Бензема.
Фото/ Принтскрин
Спорт
Кристијан Хорнер дебело си го наплати отказот

Кристијан Хорнер официјално го напушти Ред Бул откако беше постигнат договор за раскинување на договорот и пакет за отпремнина во вредност од 60 милиони евра, објави Би-Би-Си.
Британецот (51) беше на чело на тимот од неговото основање во 2005 година и во тој период го водеше тимот до осум шампионски титули во конкуренција на возачи и шест во конкуренција на конструктори.
Имаше годишна плата од 12 милиони евра, а неговиот договор беше важечки до 2030 година.
На 9 јули, Ред Бул објави дека Хорнер е „ослободен од оперативни должности“, а одлуката следеше по турбулентни 18 месеци, кога вработена во Ред Бул го обвини за сексуално вознемирување.
Обвинувањата, кои станаа јавни во февруари 2024 година, беа отфрлени од Хорнер двапати – прво по внатрешна истрага, а потоа по жалба поднесена од жената.
Спорт
Милинковиќ-Савиќ ќе се врати во Италија?

Сергеј Милинквоиќ-Савиќ, поранешна ѕвезда на Лацио, би можел да се врати во Италија.
Фудбалерот од средниот ред на Ал Хилал се пресели во Саудиска Арабија пред две години, а претходно играше за Лацио осум години. Сепак, неговата дестинација нема да биде Рим, туку Торино.
Според медиумите во Италија, Игор Тудор се пожалил на недостатокот на играчи во средниот ред, а раководството на „старата дама“ го гледа Сергеј како идеално решение.
Од друга страна, постои интерес и кај поранешниот играч на Војводина и Генк да се врати во Европа. Милинковиќ-Савиќ на тој начин би станал третиот Србин во тимот на Јувентус, покрај Душан Влаховиќ и Филип Костиќ.
Ова не е прв пат Јувентус да покажува интерес за српскиот играч од средниот ред. „Старата дама“ се обиде да го доведе неколку пати додека беше играч на Лацио, но не успеа.
Во Италија, Милинковиќ-Савиќ има добри бројки. Одигра 341 натпревар, постигна 69 гола и додаде уште 58 асистенции. Во Ал Хилал, тој собра 100 натпревари за две години со 29 гола и 25 асистенции.
Foto/ X