Спорт
Навивачите и играчите од САД бесни од изгледот на новиот дрес

Репрезентативниот дрес на САД предизвика негативни реакции, компанијата „Најк“ се наоѓа под голем притисок да го смени дизајнот.
Мундијалот во Катар е се поблиску, а за тој турнир сите селекции кои настапуваат на Мундијалот ќе претстават нови дресови. Навивачите, но и репрезентативците се бесни од изгледот на новиот дрес на селекцијата на САД.
Прв се огласи Вестон Мекени од Јувентус, кој напиша:
„Се обидовме да им кажеме“, алудирајќи на протестите на играчите кога виделе во што сака да ги облече „Најк“.
Првиот комплет е целосно бел и практично изгледа како маица за тренинг, а вториот дрес е темно сина со црни детали кои ги збунија сите и за кои не е јасно што претставуваат. На социјалните мрежи се побуни и синот на легендарниот Жорж Веа, Тим Веа, напаѓачот на репрезентацијата на САД. Коментирајќи го вториот сет, тој исто така одговори на коментарот на фан кој беше бесен поради дизајнот.
„Ние сме бесни како и вие“, напиша Тимоти Веа.
Прашање е дали „Најк“ ќе ги земе предвид критиките и ќе го промени дизајнот на дресот пред Светското првенство во Катар.
A fan just DMd me these pictures of the 2022 USMNT World Cup kit. pic.twitter.com/u7nDwp6iXB
— USMNT Only (@usmntonly) August 15, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Барселона ја декласира Валенсија

Барселона го одигра својот прв домашен натпревар оваа сеозна. На стадионот „Јохан Кројф“, Барселона ја декласира Валенсија со 6:0.
Првото полувреме не навестуваше дека екипата од Валенсија ќе доживее дебакл.
Фермин Лопез ја доведе Барселона во водство по додавање од Феран Торес, а потоа следеше канонада во втората половина од натпреварот.
Во игра влезе Рафиња, кој целосно ја поремети играта на противникот.
Бразилецот го дуплираше водството на својот тим во 53-та минута, а три минути подоцна, Лопес повторно го запиша своето име на семафорот.
Рафиња ја зголеми предноста на Барса со брилијантен гол, а потоа на сцена стапи Роберт Левандовски.
Полјакот на теренот влезе во 68-та минута и набрзо го постигна првиот гол на овој натпревар.
Се играше во 78-та минута кога Левандовски ја затресе мрежата на Валенсија по одлично додавање од Дани Олмо, а потоа во 86-та минута го постави конечниот резултат, по асистенција од Бернал.
Барселона сега е на два бода зад Реал Мадрид, кој е единствениот тим со сите четири победи.
Foto/ EPA
Спорт
(Видео) Деби гол на неуништливиот Модриќ за триумф на Милан

Фудбалерите на Милан ја победија Болоња (1:0) на „Сан Сиро“ во натпреварот од третото коло на италијанската Серија А.
Херој на Росонерите беше 40-годишниот Лука Модриќ, кој го постигна својот прв гол во дресот на славниот клуб во 61-та минута.
Крајот на натпреварот го обележа интересна ситуација судијата Матео Марченаро покжа на пенал, но откако ја прегледа снимката го поништи, а потоа му покажа црвен картон на тренерот на Милан, Масимилијано Алегри, кој „полуде“ по таа одлука.
Милан на крајот стрепеше за победата, иако беше подобар во текот на целиот натпревар, дури четири пати неговите ја погодија стативата.
Тоа го направија еднаш Первис Еступињан и Самуеле Ричи, а двапати напаѓачот Сантијаго Хименез.
Милан ја оствари втората победа сезонава, има шест бода, додека Болоња остана на три бода, освоени во дуелот со Комо.
Foto/ EPA
Спорт
Шредер е МВП – Во најдобрата петорка само НБА играчи

Вечерва во Рига со победа на Германија заврши 42. Европското првенство во кошарка. Германија во спектакуларно финале ја победи Туција со 88:83. За најдобар играч на финалето е прогласен Исак Бонга.
МВП титулата, за најдобра играч на турнирот му припадна на Денис Шредер. Капитенот на Германија го реши финалето со шест поени во последните 67 секунди, мечот го заврши со 16 поени и 12 асистенции.
Покрај Шредер во иделаната петорка на првенството се уште четворица НБА играчи: Јанис Адетокумбо (Грција), Алперен Шенгун (Турција), Франц Вагнер (Германија) и Лука Дончиќ (Словенија).
Инаку ФИБА ја објави и втората најдобра петорка на шампионатот. Во неа се турскиот капитен Џеди Осман, финската ѕвезда Лаури Марканен, полскиот играч Џордан Лојд, Дени Авдија од Израел и Србинот Никола Јокиќ.
Foto/ EPA