Спорт
Навивачите на Челси очигледно не можат да заборават на Азар

Челси вчера загуби од Ливерпул со 1:2 во дербито на Премиер лигата, во меч во кој „сините“ можат да жалат за пропуштените шанси, посебно во второто полувреме.
Но, дел од навивачите на Челси се посрамотија, откако покрија една трибина од стадионот со голем транспарент со името на Еден Азар, кој летово „летна“ во Реал Мадрид. Навивачите признаа дека се работи за грешка, а не за некоја порака кон Азар или кон управата на клубот.
„Луѓето мислеа дека знамето Азар беше искористено намерно. Се работи за грешка, тоа е сè. Толку работа оди на организација на овие работи и со толку многу знамиња мораше да се случи еднаш. Не беше идеално, но можеме само да се насмееме“, се вели во соопштението.
Lol people actually thinking the Hazard flag was used on purpose by the MH Stand. Just an error that’s all. So much work/effort goes into organising these things & having so many flags it was bound to happen one day!
Wasn’t ideal but if we can’t laugh at ourselves…
— WE ARE THE SHED (@WeAre_TheShed) September 22, 2019
A HUGE @hazardeden10 banner was unveiled by @ChelseaFC fans during their @premierleague match against @LFC! ?
Here’s the actual reason behind it! ⚽??#Chelsea #PremierLeague #Liverpool #Lampard #EdenHazard #CHELIVhttps://t.co/hCX8LabCBy
— FOX Sports Asia (@FOXSportsAsia) September 23, 2019
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Стоичков и легендите на бугарскиот фудбал ќе им помагаат на повредените во трагијата во Кочани

Фондацијата „Национали 94“ од Бугарија составена од легендарните фудбалери Христо Сотичков, Красимир Балаков и Борислав Михаилов, кои беа дела од репрезентацијата на Мундијалот во 1994 година во САД, изрази сочувство до семејствата на загинатите во трагедијата во Кочани.
Пожарот во нелегалната дискотека „Пулс“ ги однесе животите на 59 лица, а преку 150 се повредени.
„Трагедијата не бира ниту датум, ниту време. По неа останаа само солзи и неизлечива болка! Ние од Фондацијата „Национали 94“ сакаме да изразиме најискрено сочувство до семејствата на загинатите во Кочани. Фудбалот сите нас нѐ спријатели со луѓето од Македонија. Сега е најважно да им дадеме да им дадеме поддршка. Се молиме за повредените. Бог да биде со нив!“, се вели во соопштението.
Фондацијата „Национали 94“, најави е и финансиска помош и донација за погодените семејства во трагедијата во Кочани.
Спорт
Лајпциг бара 80 милиони евра за Чави Симонс

Играчот од средниот ред Чави Симонс е подготвен да го напушти Лајпциг, а германскиот клуб е подготвен за преговори.
Новинарот Флоријан Плетенберг денеска откри дека Лајпциг бара 80 милиони евра за неговиот трансфер.
Лајпциг оваа зима го откупи договорот на Чави Симонс од ПСЖ за 50 милиони евра и очекува добра добивка од најмалку 30 милиони евра.
Чави Симонс пристигна во Лајпциг на позајмица во летото 2023 година, подоцна не сакаше да се врати во Париз, па ПСЖ во јануари го продаде на Германците.
Тој е „дете“ на Барселона, но како тинејџер замина во ПСЖ на слободен трансфер во 2019 година.
Тој летово беше поврзуван со Баерн Минхен, но се споменуваа и некои премиерлигаши.
Симонс може да игра на неколку позиции во нападот и средниот ред, останува да се види кој ќе плати 80 милиони евра за неговиот потпис.
Спорт
Јанелт ќе игра за Босна и Херцеговина

Фудбалскиот сојуз на Босна и Херцеговина успеа да извојува голема административна победа.
Во овој квалификациски циклус Витали Јанелт ќе може да го носи дресот на оваа репрезентација.
Овој фудбалер кој е роден во Германија, поточно во Хамбург во 1998 година, до моментот кога се оженил за Босанка нема никаква врска со Босна и тоа било доволна причина да добие државјанство.
Тој нема да биде во составот за стартот на мундијалските квалификации против Романија и Кипар, но Германецот треба да го облече дресот на БиХ веќе во јуни, на натпреварите против Сан Марино и Словенија.
Јанелт е играч на Брентфорд и оваа сезона одигра 28 натпревари во Премиер лигата.
Според веб-страницата „Трансфермаркт“, вредноста на новиот фудбалер на Босна и Херцеговина се проценува на 22 милиони евра.