Спорт
Навивачите на Јунајтед подготвуваат протести: Ова е војна бидете подготвени

Веќе по поразот во првото коло од Премиер лигата, навивачите на Манчестер јунајтед почнаа да повикуваат на бојкот кој треба да започне во третото коло кога на „Олд Трафорд“ ќе се одигра најголемото англиско дерби. Во понеделник на Јунајтед ќе им гостува Ливерпул.
Навивачите ја продолжуваат борбата против сопствениците, незадоволни од начинот на кој семејството Глејзер раководи со клубот. Тие повикуваат на бојкот на сите натпревари на тимот. Подготвени се на таква жртва, со надеж дека нивните протести ќе донесат подобри денови за култниот клуб.
Како што се наближува дербито со Ливерпул, се повеќе навивачки групи најавуваат некаков вид на протест.
Навивачката група „The 1958“ најави протест пред почетокот на дуелот меѓу Јунајтед и Ливерпул. Истата група минатата сезона организираше протести пред натпреварите со Брајтон и Норич, а се очекува овој пат да биде организиран и марш до стадионот со цел навивачите да бидат пред „Олд Трафорд“ половина час пред да пристигне тимот.
„За натпреварот со Ливерпул планираме протест за оние кои сакаат да ни се придружат. Во знак на поддршка за оние кои одат и оние кои не одат на натпреварот, како и оние кои ќе патуваат на натпреварот, сакаме да покажеме колку навивачите ја изгубиле врската со сопствениците. Сите идеи се добредојдени, ги повикуваме сите што имаат некакви планови да не контактираат за да им дадеме помош, совет… Сите сме на иста страна и тоа е најважно. Ова е војна, а не обична битка. Биди подготвен. Рибата смрди од глава“, објави оваа група на својата веб-страница.
Манчестер јунајтед ги загуби воведните два натпревари во Премиер лигата и со гол разлика 1:6 се наоѓа на последното место на табелата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Трамп ќе организира УФЦ борба во Белата куќа

Претседателот на Соединетите Американски Држави, Доналд Трамп, секојдневно ги исполнува медиумите со неверојатни изјави, а на митинг пред поддржувачите во Ајова, тој се осврна и на спортски теми.
Станува збор за традиционален собир пред 4 јули, датумот на кој беше ратификувана Декларацијата за независност на САД во 1776 година. Паралелно со воената парада во главниот град, Трамп објави какви планови има за следната годишнина, која ќе биде јубилејна 250-та.
„Гледате ли УФЦ? Големиот Дејна Вајт. Ќе организираме УФЦ борба на на почвата пред Белата куќа. Имаме многу простор таму. Дејна ќе го направи тоа“, е амбициозниот план на американскиот претседател.
Трамп, познат по својата љубов кон боксот и MMA и неговите гостувања на ревиите за боречки вештини, продолжи да зборува за шефот на УФЦ и го објасни планот подетално.
„Ќе имаме УФЦ борба за титула, вистинска борба, со 20 или 25 илјади луѓе. Тоа ќе биде дел од прославата на 250-годишнината“, рече Трамп.
Претседателот, исто така, објави дека дел од програмата ќе бидат таканаречените „Патриотски игри“ во кои натпреварувачи од сите 50 „држави“ ќе се натпреваруваат во различни спортски дисциплини.
„Ќе имаме неверојатни настани. Некои ќе бидат професионални, некои ќе бидат аматерски, но борбата на УФЦ ќе биде голем настан“, подвлече Трамп.
Foto/ EPA-EFE/CRISTOBAL HERRERA-ULASHKEVICH
Спорт
(Видео) Прв фудбалски натпревар со роботи во Кина

На теренот во Пекинг во саботата не настапија фудбалери од крв и месо, туку – роботи. Како што објави „Гардијан“, Кина беше домаќин на првиот целосно автономен натпревар во фудбал меѓу хуманоидни роботи управувани со вештачка интелигенција.
Четири универзитетски тимови ги програмираа и управуваа своите роботи со сопствени алгоритми. Иако хуманоидите сè уште се далеку од тоа да бидат конкуренција на играчи, напредокот е импресивен. Снимките од натпреварите покажуваат како роботите се мачат да ја погодат топката или да останат исправени, а неколкумина завршија дури и на носилка.
Извршниот директор на компанијата „Бустер Роботикс“, Ченг Хао, која ги обезбеди роботите, изјави дека спортските натпревари се идеална средина за тестирање на хуманоидна роботика. Најави и можни натпревари помеѓу луѓе и роботи во иднина, но нагласи дека најпрвин мора да се обезбеди целосна безбедност.
View this post on Instagram
„Во иднина, можеби ќе организираме фудбалски натпревари меѓу луѓе и роботи. Тоа значи дека мора да обезбедиме роботите да бидат сосема безбедни“, изјави Ченг.
Професорот Субраманијан Рамамурти од Универзитетот во Единбург, експерт за роботско учење, рече дека роботите се слични на оние кои настапуваат на „Робокап“ и оти нивниот развој оди во нагорна линија.
Во финалето, екипата на Универзитетот Цингхуа – THU Robotics, го победи тимот на Кинескиот Земјоделски Универзитет – Mountain Sea, со резултат 5–3. Победата беше прославена со ентузијазам, но и со почит кон противниците.
„THU беа одлични, но и Mountain Sea тимот нè изненади со многу иновации“, изјави еден од поддржувачите.
Иако роботите се уште паѓаат, се чини дека иднината на фудбалот можеби навистина ќе вклучува и вештачка интелигенција – не само како поддршка, туку и како активни играчи на теренот.
Спорт
Тами Ејбрахам се пресели од Рома во Бешикташ

Англискиот фудбалер Тами Ејбрахам (27) кариерата ќе ја продолжи во Бешикташ. Турскиот клуб и Рома договорија, Ејбрахам наредната сезона да настапува како позајмен играч.
Бешикташ, на Рома ќе и плати два милиони евра.
Турскиот клуб има опција да го купи Ејбрахам за 13 милиони евра на крајот од позајмицата.
Англискиот фудбалер ја помина минатата сезона како позајмен играч во Милан, каде што одигра 44 натпревари и постигна 10 гола, со седум асистенции.
Тој одигра 11 натпревари за Англија и постигна три гола.
Ејбрахам играше и за Челзи (ја освои Лигата на шампионите), Бристол, Свонси и Астон Вила.
Фото/ Beşiktaş JK