Хрватска и Холандија обезбедија победи во последното коло од групната фаза на Лигата на нации за да го осигураат првото место во нивните групи и да се пласираат во плејофот на натпреварувањето на УЕФА. Холанѓаните во директен дуел ги совладаа соседите Белгија со 1:0, додека Хрватска стигна до 1:3 победа на гости кај Австрија, со што не дозволија Данците да им го преземат првото место по нивната импресивна 2:0 победа над Франција.

Во Виена, Лука Модриќ ги донесе во водство „коцкестите“ по само шест минути игра, но селекцијата на Ралф Рангник одговори бргу, со голот на Баумгартнер во 9. минута. Овој резултат не им одговараше на гостите, така што играа напаѓачки и во 69. минута Иван Перишиќ фантастично го пронајде Марко Ливаја за водство, за две минути подоцна ветеранот Дејан Ловрен со одличен гол со глава да зголеми на 1:3.

Данците, пак, вторпат во групната фаза беа подобри од светските шампиони Франција, стигнувајќи до 2:0 победа во Копенхаген. Напаѓачот на Севилја, Каспер Долберг во 34. минута ги донесе домаќините во водство, за само три минути подоцна Андреас Сков Олсен да зголеми на 2:0.

Во групата 4, Холандија вторпат во циклусот стигнаа до победа над соседите Белгија, овојпат благодарение на голот на Виргил ван Дајк во 73. минута од мечот.

ЛИГА НА НАЦИИ НА УЕФА
ЛИГА А, ГРУПА 1
Австрија – Хрватска 1:3
Данска – Франција 2:0
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-64387-40128”));

ЛИГА А, ГРУПА 4
Холандија – Белгија 1:0
Велс – Полска 0:1
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-64387-40128”));

ЛИГА Ц, ГРУПА 1
Фарски Острови – Турција 2:1
Луксембург – Литванија 1:0
ЛИГА Ц, ГРУПА 3
Азербејџан – Казахстан 3:0
Словачка – Белорусија 1:1
ЛИГА Д, ГРУПА 1
Андора – Летонија 1:1
Молдавија – Лихтенштајн 2:0

Реал Мадрид е освојувач на кошаркарскиот Суперкуп на Шпанија, откако повторно беа подобри од својот лут ривал, Барселона со 89:83 за петти пат еднопоруго да го освоијат ово трофеј.

Барса имаше фантастична серија во финишот на првата и почетокот на втората четвртина за да стигнат до 37:29 водство, пред во третата четвртина предводени од трите тројки на Серхио Љуљ, „кралевите“ да поведат со 55:49 пред последната четвртина. Барселона го врати водството, но остана без Јан Весели поради пет лични грешки, за потоа Габриел Дек да утне клучна топка при 71:71 за да се отиде во продолженија. Реал беше посигурен во последните минути за нов голема победа.

Таварес со 24 поени и 12 скока беше најдобар за „кралевите“, Џанан Муса имаше фантастични 19 поени, додека наругата страна Шанли имаше 21 поен за Барселона, а Никола Калиниќ заврши смо со 8 поени.

Во својата прва рели сезона, македонскиот тандем Димушевски-Гушиќ постигна забележителен успех на 55-то издание на Рели Србија освојувајќи го второто место во нивната класа RC5.

Македонскиот рели екипаж Владимир Димушевски и Бранко Гушиќ имаа забележителен и успешен настап со место на подиумот на нивното второ рели во дебитантската рели сезона на 55-то издание на Рели Србија кое викендов се возеше во околината на Врњачка Бања.

На извонредно тешкото дводневно рели долго преку 500 километри, со нивното возило Hyundai i20 Coupe во нивната класа RC5 со вкупно време од 2 часа и 2 минути тие го освоија второто место зад Романецот Ионут Забава со Renault Clio, а пред Бугаринот Александар Томов со исто возило како и нашиот екипаж. Во генералниот пласман, нашиот екипаж заврши на 20 то место од 39 возила колку што го стартуваа релито. Со ова Димушевски и Гушиќ ја заокружија успешната дебитантска сезона со две комплетирани релија по победата во истата класа на релито Мионица кое го возеа во јули.

– Вистинско рели, неверојатно тешки брзински испити, исцрпувачки 500 километри во два дена и предизвици кои навистина го вадат максимумот и секого во тимот – вели трикратниот македонски првак на кружни патеки, Владимир Димушевски кој од оваа сезона реши да се префрли на рели натпревари. – Првиот ден, во саботата, возевме “на нож“, бевме подобри од посилни возила од нашето и поискусни екипажи. Имавме скоро перфектен ден. Но, откако увидовме дека второто место во класата ни е обезбедено, во неделата се решивме за подефанзивна тактика, возевме поконзервативно и се фокусиравме да ја задржиме разликата во однос на Темов и Радулеску кои беа зад нас. Малку ми е жал што го расипавме генералниот пласман, ако продолжевме ви ист стил и во неделата, сигурно ќе бевме во првите 15 во генерала, но релито како тркачка дисциплина поради својата должина бара и многу тактика. Како и да е, многу сум задоволен од дебитантската сезона, нашето тркачко возило е сепак школско за тренинг и учење, што и беше првичниот план, но си покажавме себе си дека брзо можеме да се адаптираме во новата дисциплина и можеме да правиме поамбициозни планови за следната година за поконкурентно возило и настапи на повеќе трки.

– Ако споредам со првото рели во Мионица сега бевме двојно подобри и во делот на меѓусебната комуникација, подготовка за етапите и целосниот пристап во услови во кои ова беше двојно потешко и подолго рели. Најважно од се е дека го завршивме релито без некој поголем кикс во услови кога на секоја етапа имаше излетувања и инциденти. Во саботата ја завршивме целата работа околу добриот пласман, а во недела остана само да сме максимално внимателни. И на вториот ден почнавме брзо, но веќе на првата етапа влеговме во некои непотребни ризични ситуации и решивме сепак да успориме и да се трудиме да завршиме. Денешните етапи беа претежно низбрдо на асфалт на кој имаше многу песок кој ја правеше подлогата многу лизгава. Имавме еден момент на претпоследната етапа кога за малку извлековме жива глава кога веќе и концентрацијата почна да паѓа поради замор, но се со кое се соочивме овде е уште едно големо и непроценливо искуство за нас. Генерално, многу сум задоволен и среќен поради добриот настап и одличниот резултат.

Релито Србија е наследник на традиционалното Ју Рели и е централен и најквалитетен автомобилистички настан кај нашиот северен сосед. Релито мина во битка меѓу домашниот ас Душан Борковиќ и Бугарите Пламен Стајков и Мартин Сурилов. Со 10 победи на 12-те етапи Борковиќ по трет пат во својата кариера го заврши ова рели како севкупен победник, минута и 37 секунди пред Стајков и минута и 44 секунди пред Сурилов.