Спорт
НБА ѕвезда ја претепа сопругата и нема да оди во затвор
НБА ѕвездата и играч на Шарлот Хорнетс, Мајлс Бриџис, брутално ја претепа својата сопруга Мишел Вилијамс. Овој 24-годишен кошаркар бил уапсен во Лос Анџелес поради напад на жена, а подоцна се испоставило дека ја претепал сопствената сопруга. Тој се појави во судот со кој се спогоди и избегна затворска казна.
Најсериозната казна што му се закануваше беше дури 12 години затвор, но Бриџис постигна спогодба од само три години условно, што секако значи дека нема да помине ниту еден ден во затвор. Тој се обврза да исполни и почитува уште неколку обврски пропишани со спогодбата.
Претепаната Мишел Вилијамс на социјалните мрежи ги покажа повредите со кои се здоби откако Бриџис ја претепа.
„Жал ми е што дојде до ова, но не можам повеќе да молчам. Дозволив некој да ми го уништи домот, да ме понижува на секој можен начин и да ги трауматизира нашите деца. Нема веќе да дозволам такво нешто, а ниту тишината на луѓето околу него кои го штитат“, напишала Мишел. „Моите деца заслужуваат подобро. Не сакам никому да му се повтори ова. Тој го направи тоа пред децата кои се преплашени. Јас само сакам мир”.
Таа беше тешко повредена во бруталниот напад. Скршени и се носот и зглобот на раката, дупнато и е ушното тапанче, а има и низа други повреди.
За време на траењето на условната казна, Мајлс Бриџис ќе мора да исполни следните услови:
– 52 недели советување за семејно насилство
– 52 недели курс за родителство
– 100 часа добротворна работа
– секоја недела да прави тест за дрога
– да плати 800 долари казни, 500 долари за семејно насилство и 300 долари за реституција
– не смее да поседува оружје или муниција
– мора да се придржува на забраната за приближување до неговата сопруга 10 години
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.