Спорт

НБА финалето со катастрофална гледаност, кој е виновен?

Објавено пред

1 недела

- 12 октомври, 2020

Од

НБА финалето оваа сезона, односно првата титула на Лос Анџелес лејкерс по 10 години ја гледале драстично помалку луѓе од минатата сезона, со речиси 70 отсто намалување, нешто што сигурно ќе ги загрижи газдите.

Според „ТВ лајн“, неделното финале помеѓу Лејкерс и Мајами хит, привлекло 5.5 милиони гледачи, во споредба со 18.9 милиони гледачи кои го гледале последниот меч од финалето во 2019 помеѓу Торонто и Голден Стејт. Петтиот натпревар пак, привлекол 5.7 милиони гледачи, речиси 70 отсто помалку од 18.2 милиони гледачи во истиот период лани.

Мечевите во НБА се играа зад затворени врати во таканаречениот „меур“ во Дизниворлд во Флорида поради пандемијата на корона вирусот, а покрај тоа финалето се играше во директна „конкуренција“ со најпопуларната американска лига, НФЛ, што обично не е случај бидејќи сезоната завршува во јуни.

НБА лигата не е единствена што има проблем со гледаноста во САД. НХЛ плејофот имал 25 отсто помалку гледачи од минатата сезона, вклучувајќи дури 61 отсто пад за Стенли куп финалето, додека МЛБ плејофот имал 39 отсто помалку гледачи. Првите бројки од НФЛ сезоната, која започна неодамна, покажува најмал пад – од околу 14 отсто.

Дел од конзервативните коментатори во САД посочија дека главна причина за „крахот“ на НБА се политичките пораки преку поддршката за движењето „Black Lives Matter“. Во август, Милвоки бакс бојкотираа натпревар против Орландо меџик по застрелувањето на еден Афроамериканец во Висконсин, а се најавуваше и целосен бојкот на плејофот. Сенаторот од Тексас, републиканецот Тед Круз вели дека падот на рејтингот не изненадува.

„Лично, ова е првпат по многу години да не сум гледал ниту еден натпревар од НБА финалето. #GoWokeGoBroke“, напиша Круз на Твитер.

Not surprising. Personally speaking, this is the first time in years that I haven’t watched a single game in the NBA Finals. #GoWokeGoBroke https://t.co/ygIp60EKHi
— Ted Cruz (@tedcruz) October 6, 2020

НБА комесарот, Адам Силвер, по крајот на плејофот призна дека следната сезона пораките за социјална правда ќе бидат ставени во втор план.

„НБА е целосно посветена на социјалната правда и расна еднаквост, но следната сезона ќе има враќање на нормалноста, и тие пораки ќе бидат оставени да се направат надвор до кошаркарските терени“, изјави Силвер.

Adam Silver says NBA social justice warrior messages on the court and jerseys will be gone next season. NBA sees the ratings collapse & knows they are destroying their business. https://t.co/vlRarwgB2U
— Clay Travis (@ClayTravis) October 6, 2020

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:sport

Следно

Ексиграчот на Сити и Барса Б, Жоан Роман го смени името во Гоку!

Претходно

Боливискиот селектор за Аргентина: Ќе им го изедеме џигерот на височина!

Спорт

Звезда по драматични продолженија ги урна „Армејците“!

Објавено пред

5 часа

- 22 октомври, 2020

Од

TopSport.mk

Црвена звезда првпат од 2016 година успеа да ја победи ЦСКА Москва со 86:84 по драматични продолженија во Белград за да го поправи скорот во Евролигата на 2-2, додека „Армејците“ паднаа на 2-3.

ЦСКА Москва имаше периоди во кои доминираше во играта, на крајот Звезда славеше. Дејан Давидовац постигна тројка, па два поени за да донесе 71:70 водство на Звезда на минута пред крајот, по што Џордан Лојд имаше две слободни фрлања пред Даниел Хакет да врати со тројка и да примора продолжувања. Лојд на крајот на 54 секунди пред крајот ан продолжението донесе победа за белградскиот клуб.

Лојд имаше партија на кариерата со 29 поени, додека Кори Валден додаде 12, а Марко Јагодиќ 11 за Звезда.

Во Атина пак, Панатинаикос предводен од Немања Недовиќ и неговите 28 поени (од седум тројки), стигна до импресивна 82:68 победа над Фенербахче. Лоренцо Браун постигна 17 поени, а Ахмет Дувериоглу 15 за Фенер, чиј тренер Игор Кокошков беше исфрлен во првото полувреме поради две технички грешки.

ЕВРОЛИГА, 5.КОЛО

Панатинаикос – Фенербахче 82:68 (22:13, 15:17, 25:26, 20:12)

Жалгирис Каунас – Валенсија 82:94 (27:22, 18:15, 12:30, 25:27)

Црвена звезда – ЦСКА Москва 86:84 (18:20, 17:23, 11:8, 27:22, 13:11)

Зенит Санкт Петерсбург – Милано, одложено

Алба Берлин – Басконија, одложено

Прикажи повеќе...

Спорт

ЛЕ: Милан победи во Глазгов, рутина за Тотенхем и Лестер

Објавено пред

5 часа

- 22 октомври, 2020

Од

TopSport.mk

Дуелот на двата поранешни европски шампиони, Селтик и Милан, заврши со нова победа на „росонерите“ (1:3) на отварањето на Лига Европа, англиските клубови Тотенхем и Лестер забележаа рутински победи, додека балканските тимови немаа многу среќа – Црвена звезда загуби кај Хофенхајм (2:0), Динамо Загреб со многу среќа одигра 0:0 со Феенорд, додека Лудогорец загуби дома од Анверпен.

На „Селтик парк“, Милан дојде во водство уште во 14-тата минута со првиот гол на Раде Круниќ во дресот на „росонерите“, а Брахим Дијаз во 42. минута зголеми на 0:2. Шкотскиот шампион го направи мечот интересен со голот на Мохамед Ел Јунуси во 75. минута од мечот, но неговиот норвешки сонародник Јенс Хауге во 92. минута ја потврди победата на тимот на Стефано Пиоли.

Тотенхем со 3:0 лесно го совлада ЛАСК Линц со головите на Лукас Моура и Сон Хеунг-Мин, а и Лестер имаше лесна победа, од 3:0 над украинскиот клуб Зорја. Црвена звезда постигна гол кој беше поништен поради офсајд, пред Баумгартнер да им донесе 2:0 победа на Хофенхајм. Во Загреб пак, Динамо и покрај досудениот пенал за Феенорд изддржа за 0:0 реми.

ЛИГА ЕВРОПА, 1.КОЛО

ГРУПА Г

Брага – АЕК 3:0

Лестер – Зорја Луханск 3:0

ГРУПА Х

Селтик – Милан 1:3

Спарта Прага – Лил 1:4

ГРУПА И

Макаби Тел Авив – Карабаг 1:0

Вилјареал – Сиваспор 5:3

ГРУПА Ј

Лудогорец – Антверпен 1:2

Тотенхем – ЛАСК Линц 3:0

ГРУПА К

Динамо Загреб – Феенорд 0:0

Волфсбергер – ЦСКА Москва 1:1

ГРУПА Л

Хофенхајм – Црвена звезда 2:0

Слован Либерец – Гент 1:0

СЕЛТИК – МИЛАН

ЛЕСТЕР – ЗОРЈА

ТОТЕНХЕМ – ЛАСК

ВИЛЈАРЕАЛ – СИВАСПОР

ХОФЕНХАЈМ – ЦРВЕНА ЗВЕЗДА

СПАРТА ПРАГА – ЛИЛ

ЛУДОГОРЕЦ – АНТВЕРПЕН

ВОЛФСБЕРГЕР – ЦСКА МОСКВА

ЛИБЕРЕЦ – ГЕНТ

Прикажи повеќе...

Спорт

Во последната секунда Вардар пропушти победа над Порто и фантастичниот Митревски

Објавено пред

5 часа

- 22 октомври, 2020

Од

TopSport.mk

Вардар во уште еден драматичен финиш, не успеа да ја забележи втората победа едноподруго во ЕХФ Лигата на шампионите, откако пропушти победа во последните секунди за 24:24 (13:12) реми со упорниот Порто, за кој блесна македонскиот голман, Никола Митревски.

Португалскиот клуб уште на почетокот покажа дека ќе биде противник кој не смее да се потцени, откако по првичното водство од 4:2 на Вардар, направија серија од 0:6 за 8:4, предводени од одличниот Митревски на голот. Вардар успеа да се соземе и да го врати водството до полувреме (13:12), и оддржуваше предност од еден гол до 42. минута од мечот, кога Порто успеа да поведе повторно со два гола разлика (22:24).

Во неверојатниот финиш, Вардар успеа да се врати и да има предност преку Иван Чупиќ, за на крајот во последната секунда со малку среќа португалскиот клуб да дојде до поен. Чупиќ беше најефикасен со седум постигнати гола, ветеранот Марко Вујин додаде пет, додека Борко Ристовски имаше 17 одбрани на голот.

Во другите натпревари, Кјелце и Флензбург ја продолжија трката за првото место – Флензбург потешко од очекувањата со 37:35 го победи Елверум, додека Кјелце ја продолжи лошата низа на Пари Сен-Жермен со 35:33 победа. Мешков претходно со 26:24 го победи Пик Сегед, оставајќи го унгарскиот клуб без поени оваа сезона.

ЕХФ ЛИГА НА ШАМПИОНИ, ГРУПА А

ВАРДАР – Порто 25:25 (13:12)

Мешков Брест – Пик Сегед 26:24 (11:12)

Флензбург – Елверум 37:35 (18:14)

Кјелце – ПСЖ 35:33 (18:18)

Табела: 1.Кјелце 8, 2.Флензбург 8, 3.Мешков 6, 4.Порто 5, 5.Вардар 3, 6.ПСЖ 2, 7.Елверум 2, 8.Пик Сегед 0.

Фото: РК Вардар

WATCH: The match is slipping out of their hands but Antonio Areia saves the draw for @FCPorto! 🔥 #ehfcl pic.twitter.com/IuqixUBV3R
— EHF Champions League (@ehfcl) October 22, 2020

WATCH: Once again Nikola Mitrevski is on 🔥 for @FCPorto! #ehfcl pic.twitter.com/LZKDY4QFLo
— EHF Champions League (@ehfcl) October 22, 2020

WATCH: Awesome teamwork by @HCVardar, finished by their top scorer for the night so far, Marko Vujin 💪 #ehfcl pic.twitter.com/pKUMV6JKg4
— EHF Champions League (@ehfcl) October 22, 2020

Прикажи повеќе...