Јувентус продолжуваат со планирањето на промените во раководната структура на клубот и покрај потенцијалните финансиски и спортски казни кои ги очекуваат, и дел од тој план е враќањето на Бепе Марота на директорска позиција, тврди „Ла република“.

65-годишниот Марота осум години беше генерален директор на Јувентус, од 2010 до 2018, помагајќи Андреа Ањели да го крене клубот на врвот во Италија, но по неговото заминување по наводниот конфликт со Ањели, почнаа проблемите во Торино. Според „Ла република“, Јуве ќе се обидат да го ангажираат Марота да го предводи тимот во ерата „пост-Ањели“, но нема да биде лесно да го убедат, бидејќи тој има договор со Интер до 2025 година, и неодамна изјави дека тоа ќе биде неговиот последен клуб.

Сепак, тој има блиски односи со тренерот Масимилијано Алегри, и има поинаков концепт од неговиот наследник, Фабио Паратичи, комплетирајќи бесплатни трансфери како тие на Пол Погба и Андреа Пирло.

Repubblica – La Juve valuta un clamoroso ritorno: la tentazione è affidarsi a Marotta https://t.co/2OP8fIpZrk

— TUTTOmercatoWEB (@TuttoMercatoWeb) December 7, 2022

Поранешниот менаџер на Челзи, Томас Тухел, би можел да ја преземе германската репрезентација доколку актуелниот селектор, Ханси Флик, реши да се повлече од оваа функција.

Флик (57) е мета на критики по елиминацијата на Германија по групната фаза на Светското првенство во Катар.

Германските медиуми пренесуваат дека Флик размислува да се повлече од селекторската функција, откако спортскиот директор на Германскиот фудбалски сојуз (ДФБ) Оливер Бирхоф поднесе оставка по неуспехот на репрезентацијата во Катар.

Тухел (49) моментално е без ангажман, а „Кикер“ наведува дека е најсериозен кандидат за селектор на Германија доколку Флик поднесе оставка.

Пред Челзи, Тухел ги тренираше Пари Сен Жермен, Борусија Дортмунд, Мајнц, Аугсбург и младинските екипи на Штутгарт.

Реал Мадрид ќе обидува да му го распие на Челси трансферот на Јошко Гвардиол. Младиот дефанзивец игра брилијантно на СП во Катар, со што само си ја зголеми цената на фудбалскиот пазар.

Уште пред почетокот на СП, постоеја најави дека Гвардиол ќе стане најскапиот дефанзивец во историјата на фудбалот. Во моментов рекордер е Хари Мегваер, за него Јунајтед на Лестер им платија 87 милиони евра.

Наводно, Челси е најблиску до неговиот потпис, за сума од околу 100 милиони евра, меѓутоа во целата приказна желба има да се вмеша Реал Мадрид.

Италијанските медиуми пишуваат дека Реал понудил 90 милиони евра за Гвардиола, по завршувањето на сезоната.

Италијанците додаваат дека Лајпциг нема ништо против трансферот на Гвардиол во Реал, доколку добијат 100 милиони за овој играч, односно пет пати повеќе од она што тие му платија на Динамо Загреб (18,8 милиони евра).

Од наредниот трансфер Динамо ќе добие 20 отсто, што значи дека само од Гвардиол клубот ќе заработи околу 33 милиони евра.