Спорт
Не е само Индијан Велс нема да се игра ниту во Мајами, Монте Карло и Рим

Организаторите на мастерсот во Индијан Велс во понеделникот објавија дека поради коронавирусот турнирот нема да се игра во предвидениот термин. Поттикнати од оваа вест од „Марка“ тврдат дека поради опасниот вирус ќе бидат откажани и мастерс турнирите во Мајами, Монте Карло и Рим.
Еден од највлијателните европски спортски медиуми пишува дека во Индијан Велс бил одржан состанок помеѓу организаторите и тенисерите на кој се разговарало за одржувањето на наредните мастерс турнири.
Во Мајами веќе е откажан фестивалот „Ултра Мјузик“ (25 март) што значи дека ќе биде откажан и мастерсот кој според календарот се игра од 23 март до 5 април.
Наредните мастерс турнири се во Монте Карло, Мадрид и Рим, а на програмата е и турнирот во Барселона.
Голема е веројатноста да бидат одложени турнирите во Монте Карло и во Рим бидејќи се наоѓаат во подрачјата каде што е распространет коронавирусот.
Од друга страна организаторите на турнирот во Барслеона барем засега немаат намера да го откажат истиот. Истото важи и за мастерсот во Мадрид. Овие турнири би биле одложени само во случај состојбата со коронавирусот драматично да се влоши.
„Марка“ пишува и дека под знак прашалник било одржувањето на сите турнири во Кина што значи дека в термините кои се резервирани за турнирите во Пекинг и Шангај би можеле да се играат Индијан Велс и Мајами.
Барем засега нема најави за одложување на вториот грен-слем во сезоната Ролан Гарос.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Донарума во солзи, ужасна повреда на Мусијала

Првото полувреме од четвртфиналниот натпревар на Светското клупско првенство во Атланта помеѓу ПСЖ и Баерн ја обележа ужасната повреда на Џамал Мусијала.
Третиот четвртфинален натпревар на Светското клупско првенство, кое се игра во Атланта, во најавата изгледаше како вистински фудбалски спектакл, а дуелот помеѓу Пари Сен Жермен и Баерн Минхен ги оправда очекувањата, барем до крајот на првото полувреме.
Пачо прво го блокираше Џамал Мусијала, а потоа интервенираше Џанлуиџи Донарума. Голманот на Италија успеа да ја фати топката во обид да стигне до топката, но во таа прилика незгодно го закачи и германскиот репрезентативец.
Мусијала остана да лежи на тревата во болки, а медицинскиот тим веднаш се упати кон теренот за да му помогне. Впчаток е дека станува збор за фрактура на зглобот.
Así le quedó el tobillo a Musiala. No se puede creer! pic.twitter.com/KiiuAaQHHW
— Mateo Aymard (@Mateoaymard) July 5, 2025
Донарума брзо ја сфати сериозноста на ситуацијата – се фати за главата и го „закопа“ лицето во дресот, видливо потресен од она што се случи.
Heavy emotions for Donnarumma as Musiala appears to have suffered a serious injury 🤕 pic.twitter.com/CvbzmFHDCU
— 433 (@433) July 5, 2025
Спорт
Дејвид ќе го предводи нападот на Јувентус

Она за што се зборуваше со денови, во саботата доби потврда, Џонатан Давид е нов играч на Јувентус.
25-годишениот фудбалер потпиша договор со Јувентус до 30 јуни 2030 година, а во клубот доаѓа како слободен агент.
Канадскиот фудбалер, ја започна својата кариера во Отава, а потоа играше за Гент и Лил.
Дејвид играше во Лил во претходните пет години и постигна 109 гола и 30 асистенции во 232 натпревари.
Тој одигра 67 натпревари за канадската репрезентација и постигна 36 гола.
Во моментов се шпекулира дека доаѓањето на Дејвид е знак дека раководството на клубот одлучило да го продаде Влаховиќ ова лето.
Останува да се види што ќе се случи во следните неколку дена.
Foto/ EPA-EFE/MOHAMMED BADRA
Спорт
Ферстапен со брилијантен круг до пол-позицијата на Силверстоун“

Возачот на Ред Бул, Макс Ферстапен, ја освои пол-позицијата пред Големата награда на Велика Британија, 12-та трка од овогодинешното првенство во Формула 1.
Актуелниот шампион стигна до најдоброто стартно место со неверојатен круг и време од 1:24.892 минути, со десетинка предност во однос на Оскар Пјастри во Мекларен.
Вториот возач на Мекларен, Ландо Норис, го имаше третото време, а неговиот сонародник Џорџ Расел од Мерцедес ќе стартува веднаш до него од вториот ред.
Рекордерот по број на победи на „Силверстоун“, Луис Хамилтон, ќе стартува од петтото место. Третиот ред го комплетира неговиот тимски колега Шарл Леклер.
Следува Андреа Кими Антонели, но возачот на Мерцедес има казна од три позиции и ќе стартува од 10-то место. Осмие е Оли Берман од Хас, зад него се Фернандо Алонсо (Астон Мартин) и Пјер Гасли (Алпин).
Големата награда на Велика Британија е закажана за недела во 16 часот.
Foto/ EPA/PETER POWELL