Спорт
„Не ми треба Клоп да ми кажува како да работам“
Јирген Клоп, вчера го искажа своето незадоволство од начинот на кој поранешниот фудбалер Габриел Агбонлахор, кој сега работи како консултант во „TalkSport.“, го критикуваше менаџерот на Манчестер јунајтед, Ерик Тен Хаг и што го омаловажи Брентфорд.
Поранешниот играч на Астон Вила експресно му одговори на менаџерот на Ливерпул.
„Никогаш во мојот живот не ми заѕвони телефонот толку многу, сите ми кажуваа што се случило. Кога го видов, си помислив, – ајде Јирген, ова е премногу. Ова е добро за шоуто, знаеме дека менаџерите не слушаат. Но, за мене, ако мојата реакција на поразот од Манчестер од 4-0 беше преголема, сигурен сум дека луѓето кои ме ангажираа ќе ми го кажеа тоа. Не ми треба Јирген Клоп да ми кажува како да работам. Треба да се концентрира на својата работа како менаџер, па затоа нема да ги земам ни советите на Јирген Клоп. Но, се е во ред“, рече Агбонлахор и дополни.
„Чудно е и тоа што навиваше за Јунајтед. Можеби тој игра некои игри. Можеби е малку загрижен за понеделник, нема да биде добро ако не забележат поволен резултат. Доста чудно. Ама Јирген, ако ме слушаш, секогаш сум за муабет, можеме да се напиеме во Ливерпул. Нема проблем“, заклучи тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Сити за полувреме го реши Брајтон
Фудбалерите на Манчестер Сити убедливo славеа на гостувањето кај Брајтон со 4:0 (3:0) во натпревар од 29. коло на англиската Премиер лига.
Актуелните шампиони сите дилеми околу победникот ги решија во првото полувреме и тоа во интервал од 17 минути кога постигнаа три гола.
Кевин де Брујне го постигна првиот гол во кариерата со глава во 17. минута, по центаршутот на Кајл Вокер.
Потоа два гола постигна Фил Фоден во 26. и 34. минута, првиот од слободен удар со малку среќа, а вториот по груба грешка на одбраната на домаќините.
Хулијан Алварез во 62. минута ги постави конечните 4:0.
Избраниците на Пеп Гвардиола се втори на табелата, го прескокнаа Ливерпул, а имаа бод и натпревар помалку од лидерот Арсенал.
Спорт
(Видео) Димитријевиќ МВП на ВТБ лигата
Кошаркарот на Уникс, Ненад Димитријевиќ е прогласен за најкорисен играч на регуларниот дел сезоната на руската ВТБ лига.
Уникс прв заврши во лигата, првпат во историјата, а Македонецот беше еден од најзаслужните за ваков успех.
Сезонава Димитријевиќ имаше просек од 19 поени по натпревар со 6,6 асистенции, 3,6 скока и 1,3 украдени топки.
Во минатогодишното финале на ВТБ лигата неговиот тим ја совлада Локомотива (4:1), а Димитиријевиќ беше прогласен за МВП на финалната серија.
Сезонава во решавачкиот меч за првото место во регуларниот дел против ЦСКА Москва забележа рекордни 40 поени со девет асистенции.
„За мене е голема чест да ја добијам наградата МВП за регуларниот дел од сезоната на ВТБ лигата 2023/24“, изјави Димитријевиќ и додаде:
„Оваа година победивме во многу возбудливи натпревари и славевме во регуларниот дел од сезоната. Мислам дека ова е резултат на напорната работа на целиот тим. Би сакал да им се заблагодарам на ВТБ лигата, на мојот тим Уникс, на стручниот штаб на чело од Велимир Перасовиќ, медицинскиот штаб и нашите верни навивачи. Најголема благодарност до моите соиграчи, кои ми помогнаа да станам подобар играч.“
Спорт
Адријан Њуи ќе го напушти Ред Бул
Главниот директор за дизајн на Ред Бул, Адријан Њуи, треба да го напушти тимот по контроверзата, која вклучува обвинувања против шефот на тимот Кристијан Хорнер.
Њуи, кој важи за најдобар дизајнер во историјата на Формула 1, одлуката да го напушти тимот им ја сооптшил челниците на Ред Бул, објави денеска Би-би-си.
Адријан Њуи е вознемирен од ситуацијата во Ред Бул, откако Хорнер беше обвинет за сексуално вознемирување и насилно однесување кон колешка. Хорнер ги негираше обвинувањата, а тимот по спроведена интерна истрага ги отфрли обвинувањата против Хорнер и жената ја суспендираше од работа.
Тој има договор со Ред Бул до крајот на следната сезона, а претходно беше поврзуван со преселба во Ферари.