Спорт
Не му велете „не“ на Конор, ќе ве тепа!
Конор Мекгрегор ужива во вниманието кое го добива, но не успева да го контролира својот темперамент, што најдобро се покажа на Музичките награди на МТВ во Њујорк, каде што мораше да биде разделуван од раперот Машин Ган Кели (Machine Gun Kelly) наводно поради одбиено заедничко фотографирање.
Двократниот УФЦ шампион и музичарот со вистинско име Колсон Бејкер очигледно беа подготвени за расправија во „Барклис центарот“, и Ирецот влезе во напад на Бејкер кој беше во придружба со својата партнерка Меган Фокс, пред обезбедувањето да интервенира.
Според „ТМЗ“, до инцидентот се случил откако Кели одбил да се фотографира со Мекгрегор, што ескалирало во туркање и истурање на пијачката на Мекгрегор.
Мекгрегор го демантираше тоа.
„Не се случи ништо, јас се борам само со вистински фајтери. Сигурно не се борам со Ванила Ајс бели рапери. Не го познавам човекот. Не знам ништо за него, освен дека е со Меган Фокс“, вели 33-годишниот Мекгрегор.
Why is Conor trying to fight Machine Gun Kelly at the VMA awards. ???? pic.twitter.com/MoN9qa9guU
— Jason Williams (@jasoneg33) September 13, 2021
Conor McGregor threw a drink at Machine Gun Kelly at the VMA's ?
(via laurademytrk/IG) pic.twitter.com/yMMudgq3YG
— Bleacher Report (@BleacherReport) September 13, 2021
Conor McGregor out here trying to fight Machine gun Kelly after he denied to take a picture with him ?????????? #VMAs #ConorMcGregor #MGK pic.twitter.com/qXnfvCHWCa
— Shannon Sharpe Burner Account (@shannonsharpeee) September 13, 2021
Conor McGregor is throwing shade at Machine Gun Kelly. ? #VMAs https://t.co/FJ7v0Kowr4 pic.twitter.com/vtC7ca3oeY
— Entertainment Tonight (@etnow) September 13, 2021
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Уапсен поранешниот Ф1 возач, Адријан Зутил
Поранешниот член на караванот на Формула 1, Адриан Зутил, беше уапсен во Штутгарт.
Тој беше уапсен под сомнение за учество во измама и проневера, по меѓународна операција.
Германецот не ги коментираше овие наводи.
Зутил се натпреваруваше во Формула 1 од 2007 до 2014 година, но не беше многу успешен, бидејќи никогаш не успеа да се искачи на подиумот.
Сепак, тој го држи рекордот по бројот на стартови, вкупно 128, во кои не успеа да стигне до едно од првите три места.
Спорт
Вработена го оштетила Челзи за 230.000 евра
Поранешна долгогодишна вработена во Челзи се изјасни за виновна за измама на клубот за повеќе од 200.000 фунти (околу 230.000 евра) во период од четири години.
39-годишната Клер Волш, која работеla како помошничка благајничка, ја злоупотребила својата позиција за лична корист и сега се соочува со затворска казна до 10 години.
Волш се појави пред Судот за прекршоци во Вестминстер, каде што се изјасни за виновна по обвинението за измама со злоупотреба на службената должност во периодот јуни 2019 и октомври 2023 година.
Судијата Киран О’Донел ѝ соопштил дека обемот на измамата е надвор од овластувањата на Судот за прекршоци за изрекување казни.
Волш работи за Челзи повеќе од 20 години. Таа ќе биде осудена во Крунскиот суд во Ајлворт на датум што ќе биде дополнително одреден.
Клубот откри финансиски неправилности на почетокот на 2022 година и веднаш го проследи случајот до полицијата.
Спорт
Пулишиќ е повреден, нема да игра против Лацио
Кристијан Пулишиќ американскит репрезентативец и херој на неодамнешната победа во дербито против Интер ќе го пропушти претстојниот првенствен натпревар против Лацио, потврди тренерот Масимилијано Алегри.
На прес-конференцијата пред натпреварот, Алегри истакна дека Пулишиќ „веројатно нема да игра“, но остави мала можност за промена со оглед на тоа што остануваат уште два дена до натпреварот.
Тој нагласи дека остатокот од тимот е во добра состојба, но дека не сака да ризикува со Американецот, особено затоа што неодамна се опорави од повредата на тетивата.
Оваа ситуација е особено фрустрирачка за Милан бидејќи Пулишиќ штотуку се врати во полна форма по повредата здобиена за време на репрезентативните обврски во октомври.
И покрај тоа што пропушти четири натпревари, Пулишиќ беше клучен играч за Милан оваа сезона со седум гола и две асистенции во само 10 настапи во сите натпреварувања.

