Жозе Мурињо и официјално е новио менаџер на фудбалерите на Тотенхем, потврдија утрово од лондонскиот клуб. Договорот помеѓу двете страни е потпишан до крајот на сезоната 2022/2023.

Португалскиот тренер го наследи Маурисио Покетино кој вчера по пет и пол години го напушти клубот од северен Лондон.

„Возбуден сум што му се приклучив на клуб со толку голема традиција и со толку верни навивачи. Ме возбудува квалитетот на тимот и академијата. Ме привлече тоа што ќе можам да работам со тие играчи“, изјавил Мурињо.

Club statement

— Tottenham Hotspur (@SpursOfficial) November 20, 2019

Мурињо речиси една година беше без работа. Лани на 18 декември тој доби отказ во Манчестер Јунајтед. Тотенхем ќе му биде третиот клуб во Англија. Во два мандати го предводел Челси. Со „сините“ има освоено три титули во Премиер лигата (2005, 2006, 2015).

Тотенхем лошо играат оваа сезона, во првенството со само 14 поени се наоѓаат на 12 место на табелата.

Кармело Ентони се врати во НБА-лигата. Поранешниот трет пик на драфтот се најде во стартната постава кај Портланд трејлблејзерс на натпреварот во Њу Орлеанс. Дуелот со Пеликанс беше прв натпревар за Ентони во НБА уште од 9 ноември 2018 година.

Кармело Ентони потпиша неодамна договор со Потланд до крајот на сезоната за два милиони долари. Клубот од Орегон е петти во неговата кариера.

Мело во 2003 година беше избран како трет пик на драфтот, зад Леброн Џејмс и Дарко Миличиќ. Во Денвер се задржа до 2011 година, потоа шест години мина во Њујорк никс, а во кариерата бил играч и на Оклахома Сити тандер, односно Хјустон рокетс.

Од Хјустон си заминал на 22 јануари 2019 година. Клубот го трејдуваше во Чикаго, а Булс на 1 февруари му врачи отказ.

Натпреварот со Њу Орлеанс Мело о заврши со 10 поени, четири скока и пет изгубени топки. Пеликанси ги победија Блејзерси, 115:104.

Реал Мадрид го „збриша“ рускиот Химки со 104:76 за да ја продолжи победничката низа во Евролигата и да го подобри скорот на 6-3. Мечот беше решен уште во првото полувреме, откако шпанскиот клуб имаше 65:42 предност и ништо не се смени во второто, во кое рускиот клуб немаше одговор за играта на „кралевите“.

Ентони Рендалф имаше 19 поени за победниците, а Факундо Кампацо и Валтер Таварес додадоа по 15 поени, додека Крис Крамер беше најефикасен за Химки со 14 поени, а Алексеј Швед и Ентони Гил имаа по 12 поени. И Химки има 6-3 скор.

Анадолу Ефес, пак, го подобри скорот на 7-2 со тешко извојувана 90:84 победа над Асвел Лион, предводени од 17-те поени на Шејн Ларкин и одличаната партија на Василије Мициќ, кој имаше 16 поени, 8 асистенции и 4 скока.

ЕВРОЛИГА, 9.КОЛО

Жалгирис Каунас – Панатинаикос 85:86 (16:19, 17:22, 20:23, 32:22)

Алба Берлин – Црвена звезда 92:80 (21:15, 25:19, 21:20, 25:26)

Баерн – Олимпијакос 85:82 (23:17, 20:27, 12:19, 30:19)

Асвел Лион – Анадолу Ефес 84:90 (22:25, 23:21, 21:24, 18:20)

Милано – Макаби Тел Авив 92:88 (21:21, 26:21, 24:22, 21:24)

Реал Мадрид – Химки 104:76 (31:25, 34:17, 27:14, 12:20)

Валенсија – Зенит Петерсбург 94:90 (15:16, 18:22, 24:25, 37:27)