Фудбалската репрезентација на Македонија вечерва (20:45 часот) ќе го одигра последниот натпревар од квалификациите за Светското првенство 2026.

Со нерешен резултат или победа на гостувањето во Кардиф против Велс, нашиот национален тим ќе го обезбеди второто место во групата, што значи и поповолен ривал во плејофот за пласман на Мундијалот.

Капитенот Енис Барди е убеден дека Македонија има сили да се справи со притисокот и предизвикот што ги очекува, и покрај тоа што атмосферата во Кардиф ќе биде силно наклонета кон домаќините. Тој истакна дека поддршката на навивачите од Македонија ќе биде нивниот најголем мотив.

„Секогаш нагласувам дека треба да уживаме во секој момент, најпрво затоа што имаме чест да ја претставуваме нашата земја, а потоа и затоа што знаеме дека сите луѓе дома се со нас. На трибините можеби ќе имаме малку навивачи, но во душата знаеме дека цела Македонија ќе ни дава сила. Не очекува тежок дуел, но сме подготвени да дадеме вистински одговор“, изјави капитенот Барди.

Извор/ Фудбалска федерација на Македонија

Никола Јокиќ повторно забележа монструозен трипл-дабл, но промаши тројка за продолженија и Денвер Нагетс доживеаја шокантен пораз во Чикаго 130:127.

Јокиќ го забележа осмиот трипл-дабл во сезоната, во 13-от натпревар,а Денвер го забележаа третиот пораз. Србинот мечот го заврши со 36 поени, 18 скокови и 13 асистенции.

Го следеа Џамал Мареј со 34 поени (18 од нив во последната четвртина) и Арон Гордон со 24 поени.

Ајо Досунму и Џош Гиди го предводеа Чикаго со по 21 поен, а Гидиимаше и 14 скока.

Неверојатно звучи податокот дека играчите од клупата на Чикаго постигнаа 66 поени, додека Денвер од резервите доби скромни девет поени.

Неизвесна завршница имаше и мечот во Филалделфија. Севентисиксерс ја истопија двоцифрената негатива и славеа во дуелот со ЛА Клиперс 110:108.

Тајрис Макси го заврши натпреварот со 39 поени и беше убедливо најефикасен. Квентин Грајмс додаде 19, Еџкомб додаде 14, а Драмонд имаше 18 скока. Пол Џорџ, кој беше стартер и одигра 21 минута, се врати по долгата пауза поради повреда. Тој запиша девет поени, седум скока, три асистенции и две блокади.

Кај Клиперси, Харден беше најефикасен со 28 поени, шест скока и пет асистенции. Коби Сандерс постигна 17 поени, Ивица Зубац постигна 14 поени и 13 скока, а Џон Колинс и Никола Батум постигнаа по 11 поени.

Харден на овој меч ја мина бројката од 28.000 поени во кариерата и сега се наоѓа на 11-то место на вечната листа.

Резултати:

Кливленд – Милвоки 118:116
/Мичел 37 – Ролинс 24/

Детроит – Индијана 127:112
/Дурен 31 – Сијакам 29/

Мајами – Њујорк 115:113
/Пауел 19 – Мекбрајд 25/

Торонто – Шарлот 110:108
/Инграм 27 – Кнепел 24/

Минесота – Далас 120:96
/Рид 22 – Харди 17/

Њу Орлеанс – Оклахома 109:120
/Фирс 24 – Холмгрен 26/

Германија и Холандија се пласираа на Светското првенство во САД, Мексико и Канада. Европските великани славеа вечерва убедливи победи над Словачка, односно Литванија. Во најинтересниот натпревар и покрај тоа што не значеше ништо за конечниот пласман, Хрватска се врати по негативата од два гола и ја победи Црна Гора во Подгорица со 3:2.

Германците во првиот дел ја декласираа Словачка, на крајот славеа со 6:0 и го обезбедија првото место во А групата. Германците, во Лајпциг им се реваншираа на Словаците за поразот во првото коло од овие квалификации. Словачка ќе игра во плејофот за пласман на Мундијалот.

Група А

Германија – Словачка 6:0 (4:0)
/Волтемаде 18, Гнабри 29, Сане 36, 41, Баку 67, Удраого 79/

Северна Ирска – Луксембург 1:0 (1:0)
/Донли 44п/

Холандија ја освои Г групата, откако очекувано ја победи Литванија со 4:0. Во втроиот меч, Полска се мачеше на Малта, славеше 2:3 со голот на Зјелински во 85-та минута.

Група Г

Холандија – Литванија 4:0 (1:0)
/Рејндерс 16, Гакпо 58п, Симонс 60, Мален 62/

Малта – Полска 2:3 (1:1)
/Кардона 36, Теума 68п – Левандовски 32, Всолек 59, Зиелински 85/

Хрватските фудбалери ја победија Црна Гора во Подгорица (3:2), во последното коло од квалификациите за Групата Л за Светското првенство.

Натпреварот, подобро го отвори Црна Гора, водејќи со 2:0, но Хрватите успеаја да направат пресврт.

За домашната екипа, Осмајиќ постигнаа гол во третата, а Крстовиќ во 17-та минута. Хрватска пресвртот го направи со головите на Перишиќ од пенал во 37-та минута, Јакиќ во 72-та минута и Влашиќ во 87-та минута.

Хрватска ја завршува групата на првото место со 22 бода, додека Црна Гора е четврта со девет бода.

Во истиот период, Чешка го декласираше Гибралтар со 6:0 и ќе игра, како што беше познато, во плејофот за да оди во планетариумот.