Фаворитите Александер Зверев и Стефанос Циципас загубија во четврт-финалето на Мастерсот во Индијан Велс, додека во женското финале се пласираа Викторија Азаренка и Паула Бадоса.

Тејлор Фриц спаси две меч-топки за да го шокира светскиот рекет број 4, Александер Зверев за пласман во финалето. Зверев сервираше за мечот при 5:3 во вториот сет, но американскиот светски број 39 се врати за 4:6/6:3/7:6 победа.

Грузиецот Николоз Басилашвили го направи второто големо изненадување, совладувајќи го со 6:4/2:6/6:4, светскиот број 3, Гркот Стефанос Циципас.

На женскиот турнир, пак, двократната гренд слем шампионка Викторија Азаренка е фаворитка да стигне до својата трета титула од Индијан Велс, откако се пласираше во финалето по тешката 3:6/6:3/7:5 победа над Летонката Јелена Остапенко. За трофејот 32-годишната Белорусинка ќе се бори со Шпанката Паула Бадоса, која со 6:3/6:3 ја победи Онс Жабер, Тунижанката која од понеделник ќе стане првата арапска тенисерка во топ 10 на ВТА листата.

Ѕвездата на Голден Стејт вориорс, Стеф Кари имаше маестрален финиш на НБА предсезоната, откако ги предводеше Вориорс до 119:97 победа над Портланд, покажувајќи дека е во топ-форма.

Кари го заврши мечот со 41 поен, и 7-од-14 од линијата за три поени, а еден момент посебно се истакна, кога успеа да го декласира целиот им на Блејзерси за да постигне фантастичен поен.

Новата 75. сезона во НБА лигата стартува на 19 октомври.

НБА ПРЕДСЕЗОНА

Мајами – Бостон 121:100

Детроит – Филаделфија 112:108

Индијана – Кливленд 94:110

Њујорк – Вашингтон 115:113

Чикаго – Мемфис 118:105

Милвоки – Далас 103:114

Сан Антонио – Хјустон 126:98

Голден Стејт – Портланд 119:97

good luck. pic.twitter.com/MM2yPBw9xa

— Rob Perez (@WorldWideWob) October 16, 2021

You can guard him
but you can't stop him 😎 pic.twitter.com/4GaOpesols

— Golden State Warriors (@warriors) October 16, 2021

Пари Сен-Жермен успеаја да спречат втор незгоден пораз во низа во Лига 1, откако им беше потребен пенал за да стигнат до 2:1 победа над Анжер на „Паркот на принцовите“ без своите јужноамерикански ѕвезди Нејмар и Лионел Меси.

Анжер чекаше шанса да даде гол од контранапад и го направи тоа во 36. минута, кога Буфал го најде Анжело Фулжини кој го совлада Џиџио Донарума на голот. Домаќините имаа повеќе од топката и имаа повеќе шанси, но не најдоа пат до голот на Бернардони. Андер Ерера ја смести топката во мрежата, но голот беше поништен поради офсајд.

Тие, конечно, успеаја да израмнат во 69. минута од мечот кога по корнерот на Килијан Мбапе, Данило со глава постигна убав гол, пред во 84. минута поради играње со рака во шестнаесетникот да биде доделен пенал, кој Мбапе сигуро го реализираше.

Овој резултат го остава ПСЖ на врвот во Лига 1 со 27 поени од 10 меча, Ленс се втори со 18 поени, а Анжер изненадувачки четврти со 16 поени.



(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-4-37167”));