Спорт
Незгодна повреда на Богдановиќ, Ламело најмлад со трипл-дабл во НБА лигата
![](https://makfax.com.mk/wp-content/uploads/2021/01/maxresdefault-86.jpg)
Српскиот кошаркар Богдан Богдановиќ доживеа незгодна повреда во текот на втората четвртина од мечот помеѓу Шарлот хорнетс и Атланта хокс (113:105), меч кој исто така беше одбележан и од Ламело Бол, кој стана најмладиот НБА кошаркар во историјата со трипл-дабл на еден натпревар.
Богдановиќ играше 10 минути во кои постигна пет поени, пред незгодно да доскокне на десната нога и веднаш да биде изнесен од теренот и воопшто не се врати на клупата. Иако од снимката може да се заклучи дека има повреда на скочниот зглоб, американските медиуми тврдат дека повредата е на коленото.
Bogdan Bogdanovic left the game for the Hawks with a knee injury, per the team.
Here's a look at the very awkward looking injury ?pic.twitter.com/eMULJUxUKT
— ClutchPoints (@ClutchPointsApp) January 10, 2021
Во натпреварот пак, прва ѕвезда беше Ламело Бол, 19-годишниот дебитант, кој стана најмладиот во историјата со трипл-дабл (22 поени, 12 скока и 11 асистенции) за да помогне Шарлот да стигне до 113:105 победа, нивна трета во низа.
Бол пред само две вечери пропушти трипл-дабл кога имаше 12 поени, 10 скока и 9 асистенции во победата над Њу Орлеанс пеликанс, каде што игра неговиот брат Лонзо Бол.
НБА РЕЗУЛТАТИ
Филаделфија – Денвер 103:115
Шарлот – Атланта 113:105
Индијана – Феникс 117:125
Вашингтон – Мајами 124:128
Милвоки – Кливленд 100:90
Минесота – Сан Антонио 122:125 ОТ
Далас – Орландо 112:98
Сакраменто – Портланд 99:125
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Хрватска го дозна противникот во полуфиналето од квалификациите за ОИ
![](https://makfax.com.mk/wp-content/uploads/2024/07/Mario-Hezonja.jpg)
Противник на хрватската кошаркарска репрезентација во полуфиналето од квалификациите за Олимписките игри ќе биде Доминиканска Република.
Ова и официјално беше потврдено откако домаќинот Грција во последниот натпревар го победи Египет со 93:71. Хрватска во сабота од 20 часот ќе игра со Доминиканската Република.
Противникот на Хрватска на овој турнир не може да смета на неколку клучни играчи.
Во споредба со ланското Светско првенство, го нема центарот Карл-Ентони Таунс, ѕвездата на Минесота Тимбервулфс, како и Анхел Делгадо, исто така центар, кој игра за Галатасарај.
Недостига и Лестер Кињонес од Голден Стејт Вориорс.
Еден од предводниците на оваа репрезентација е 26-годишниот плејмејкер Андрес Фелиз, кој од следната сезона ќе настапува за Реал Мадрид, а тука е и Крис Дуарте, шутер кој настапува за Сакраменто Кингс во НБА лигата.
Во случај на победа над Доминиканската Република, Хрватска би се пласирала во квалификациското финале кое ќе се игра веќе во недела.
Нејзин противник би бил подобриот од дуелот Словенија и Грција.
Спорт
Бојан Богдановиќ во Бруклин
![](https://makfax.com.mk/wp-content/uploads/2024/07/bojan.jpg)
Њујорк Никс направи голема работа и се договори со Бруклин Нетс.
Њујорк Никс веќе имаат шампионски тим од универзитетот Виланова, бидејќи Џејлен Брансон, Џош Харт и Донте Дивиченцо ја делат соблекувалната, а сега ќе им се придружи и Мајкл Бриџис.
Играчот беше превземен од Бруклин Нетс во Њујорк Никс и сега целата зделка ќе биде завршена.
Според Шемс Чаранија, во се е вклучен и Бојан Богдановиќ.
Никс договорија тригодишен договор вреден 9 милиони долари со Малик Милтон, кој заедно со Бојан Богдановиќ ќе оди во Бруклин Нетс, а во Њујорк доаѓа Кеита Бејтс-Диоп, како и Мајкл Бриџис, кој е централна фигура на оваа размена.
Оваа година, поради големиот број повреди, Никс го пропуштија Источното финале кога беа поразени во седмиот натпревар во Медисон Сквер Гарден од Индијана Пејсерс.
Спорт
УЕФА жестоко го казни Демирал
Турскиот стопер Мерих Демирал е суспендиран од УЕФА поради истакнување на симболот на терористичка организација.
Мерих Демирал ги постигна двата гола во победата на Турција над Австрија во осминафиналето на Европското првенство, а натпреварот заврши со резултат 2:1.
Демирал ги прослави головите покажувајќи го поздравот на „Сивите волци“, односно симбол на десничарската екстремистичка идеологија, која во некои земји се смета за терористичка порака.
Демирал на тој начин доби казна за која сигурно нема да игра во четврт-финалето кое Турција ќе го игра в сабота против Холандија, а дури и да се пласира во полуфиналето неговата селекција нема да биде во тимот.
Стоперот ќе може да им помогне на своите момци само доколку Турција се пласира во финалето на Европското првенство, одлучи УЕФА.