Исклучително возбудлив станува финишот на трката за трофејот за најдобар стрелец во националните шампионати, кој на лауреатот ќе му ја донесе „Златната копачка“.

Тројца се издвоија: Виктор Ѓокерес (Спортинг), Килијан Мбапе (Реал Мадрид) и Мохамед Салах (Ливерпул).

Шведскиот напаѓач е далеку пред конкурентите по бројот на голови, постигна десет повеќе од двајцата во првенството оваа сезона (38), но тие се речиси изедначени по бројот на поените.

За потсетување, во конечниот вкупен резултат се пресметува и коефициентот на лигата од која доаѓа фудбалерот. Како што е познато, коефициентот на португалското првенство е помал во споредба со најсилните лиги во Европа, меѓу кои се шпанската Ла Лига и Премиер лигата, па оттука Швеѓанецот нема убедлива предност во оваа трка.

Ѓокереш има само еден поен повеќе од напаѓачот на Реал.

До крајот на сезоната, Ѓокерес има уште еден натпревар, Мбапе има уште два (Севилја и Реал Сосиедад), колку што има и Салах (Брајтон, Кристал Палас) и ќе биде навистина интересно да се види како ќе заврши оваа битка.

Зад споменатите, без шанси да се приклучат во трката, се Хари Кејн, Роберт Левандовски, Матео Ретеги…

Најдобри стрелци во Европа:

1. Виктор Ѓокерес (Спортинг, 38 гола) – 57 поени
2. Килијан Мбапе (Реал Мадрид, 28) – 56
3. Мохамед Салах (Ливерпул, 28) – 56
4. Хари Кејн (Баерн, 25) – 50
5. Роберт Левандовски (Барселона, 25) – 50
6. Матео Ретеги (Аталанта, 24) – 48
7. Александер Исак (Њукасл, 23) – 46
8. Мика Биерет (Штурм/Монако, 22) – 42,5
9. Усман Дембеле (ПСЖ, 21) – 42
10. Ерлинг Халанд (Манчестер сити, 21) – 42

Минатиот петок, Франц Херман предизвика метеж на познатата патека Нирбургринг.

Под ова име тест возења на патеката имал четирикратниот светски шампион во Формула 1, Макс Ферстапен.

Славниот Холанѓанец го тестирал автомобилот „Ferrari GT3“ во Германија. Според присутните, Макс го надминал моменталниот рекорд на патеката за две секунди.

Оваа вест подоцна ја потврди Хелмут Марко, советник и „сива еминенција“ во Ред Бул.

„ГТ е големата љубов на Макс, тој има и свој тим. Ми кажа дека го срушил рекордот по само три круга. Тој точно го знае секој круг и сподели повеќе детали отколку кога вози трка од Формула 1“, рече Марко.

Ферстапен се враќа на својата вистинска работа веќе овој викенд. Од петок, тој ќе учествува на Големата награда на Емилио Ромања во Имола.

View this post on Instagram

A post shared by Calvin de Groot (@calvin.de.groot)

Дин Хујсен, младиот дефанзивец на Борнмут, кој неодамна наполни 20 години, е блиску до трансфер во Реал Мадрид. Хујсен е второто засилување за новата сезона, откако претходно Реал се договори со десниот бек Трент Александер-Арнолд.

Фудбалскиот инсајдер Фабрицио Романо напиша на „Твитер“.

„Менаџерите на Хујсен пристигнаа во Мадрид за да го склучат договорот со Реал. Клубовите се согласија за сè, вклучително и дека обештетувањето во износ од 60 милиони евра, што е клаузулата за откуп, ќе биде платено од Реал на три рати. Останува Хујсен да се договори за своите услови со Реал. Но, што се однесува до клубовите, работата е завршена.“

„Чаби Алонсо, кој ќе биде нов тренер на Реал, побара од клубот да ја забрза реализацијата на трансферот на Хујсен бидејќи тој е врвен талент. Брзината беше клучна бидејќи клубовите од Премиер лигата Арсенал, Ливерпул и Челзи сакаа да го купат минатата недела, но Хујсен одлучи да почека за Реал, што е негов приоритет. Клучниот состанок на кој беше договорен трансферот во Мадрид се одржа во понеделникот.“

Хујсен е Холанѓанец по раѓање, како и неговите двајца родители. Сепак, семејството се преселило во Шпанија кога тој имал пет години. До почетокот на минатата година играше за младинската репрезентација на Холандија, но потоа доби шпанско државјанство и почна да игра прво за младинската, а сега и за сениорската репрезентација на Шпанија.

Пред четири години дојде во Јувентус, кој го позајми на Рома во вториот дел од минатата сезона. Минатото лето Јувентус го продаде во Борнмут за 15 милиони евра.

„Трансфермаркт“ ја проценува неговата вредност на 42 милиони евра.