Англија го направи првиот чекор кон пласманот во четвртфиналето на СП во Катар. Англичаните во четвртото осминафинале на Мундијалот, водат по 45 минути игра против Сенегал со 2:0.

Шампионите на Африка го контролираа натпреварот до 35 минута, во 32. Пикфорд успеа да го одбрани ударот на Дија.

Во 38.минута, Англичаните, кои до тој момент ништо не покажаа, изведоа добра комбинација, Белингем асистираше, а Хендеросн го совлада Менди.

Од тој момент Сенегалците зачестија со грешките, неколку пати панично реагираа, а аматерската грешка во третата минута од судиското надополнување на времето, отвори контранапад кој со гол го заврши Кејн.

Норвежанецот Александар Омот Килде е победник на вториот супер-џи сезонава одржан во Бивер Крик, САД.

Благодарение на одличното возење во последниот дел од патеката, Килде го запре времето на 1:10.73 минути, што беше доволно за неговиот трет триумф сезонава.

Второто место со точно 20 стотинки заостанување му припадна на актуелниот лидер во Светскиот куп, Швајцарецот Марк Одермат. Французинот Алексис Пантуро со минус од три десетинки се искачи на најниското скалило на подиумот.

Во генералниот пласман на Светското првенство води Одермат со 420 бодови, пред Килде кој сега е на 380. На третото место е Матијас Мајер со 186.

Фудбалски сојуз Косово во ФИФА поднесе тужба против селекторот на Србија, Драган Стојковиќ Пикси, поради, како што се наведува, неговите коментари на натпреварот од третото коло од групната фаза на Светското првенство против Швајцарија.

Во соопштението, меѓу другото, се посочува „бесмислената и апсурдна омраза со што се подгреа мислењето во соседната земја кон албанскиот народ“ и се бара реакција од ФИФА.

„Во текот на целиот натпревар се слушаше истакнувањето на пароли со политички пораки и расистички повици до Албанците, а ги пренесоа и светските медиуми. Бесмислена и апсурдна е омразата што со години го подгрева мислењето во соседната држава кон албанскиот народ воопшто. Федерацијата на Косово бара од ФИФА истрага за овој случај и санкции за Фудбалската федерација на Србија, за еднаш засекогаш да исчезнат фашистичките скандирања од фудбалските стадиони и настаните како што е Светското првенство“, се вели во соопштението и се додава.

„Никој не може да го разбере и оправда ваквото скандирање на навивачите на репрезентацијата која учествува на Светското првенство, особено сега кога е кревка бездносната ситуација во Европа, како резултат на неиспровоцираната агресија на Русија во Украина. Фудбалскиот сојуз на Косово цврсто ќе застане во одбрана на вредностите и достоинството на земјата и нејзиниот народ, но истовремено и во одбрана на вредностите кои фудбалот ги пренесува воопшто, а тоа се единството меѓу луѓето, надежта, радоста и страст за инклузивност. Тимовите и навивачите со однесување и филозофија на омраза не треба да имаат место на вакви важни спортски настани како што е Светското првенство во Катар“.

По вториот гол на неговата репрезентација против Швајцарија, селекторот на Србија пцуеше, а тоа го „уловија“ ТВ камерите.