Спорт
Ништо од Лаутаро во Барса? Ла лига ќе спроведува стриктна финансиска контрола
Надежите на Барселона дека ќе успее да се засили со напаѓачот на Интер, Лаутаро Мартинез може да бидат уништени од намерата на претседателот на шпанската Ла лига, Хавиер Тебас следната сезона да воспостави стриктна финансиска контрола.
Тебас им порача на клубовите дека нема да можат да трошат повеќе од што имаат и ги предупреди дека ќе мораат да воведат намалувања на платите поради финансиските последици од пандемијата на корона вирусот.
„Видовме колку пари се слеваат во сите клубови и сега во моментов сите имаат состави кои ги надминуваат финансиските лимити кои ќе ги поставиме за следната сезона. Мора да има последици. Клубовите треба да се фокусираат на своите академии и да пронајдат начин да ги намалат платите. Трансферите кои ќе ги надминуваат овие финансиски граници нема да бидат дозволени“, изјави Тебас.
Од 2013 година, Ла лига има поставено граница за трошењето на клубовите, која за секој тим зависи од неколку фактори, како очекуваниот приход и просечните приливи на пари од трансферите во последните три години.
Лимитот на Барса за 2019/20 беше 671 милиони евра, сума која исто така ги вклучува и платите на фудбалерите и тренерите, академиите, додека Реал Мадрид имаа сума од 641 милиони евра. Меѓутоа, таа сума беше поставена според очекуваниот приход на Барса (од над 1 милијарда евра), кој сигурно нема да се достигне поради паузираната сезона. Според „ЕСПН“, Барса ќе мора да намали барем 200 милиони евра од буџетот за следната сезона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Компани: Сè е супер, но трофеите не се освојуваат во ноември
Тренерот на Баерн, Венсан Компани, по победата против Пари Сен Жермен во Лигата на шампионите, изрази задоволство од настапот на својот тим, но исто така нагласи дека се соочуваат со уште поголеми предизвици до крајот на сезоната.
„Освоивме три бода, и тоа е добро, но никој не освојува трофеи во ноември. Ова е далеку од тоа да го одлучи победникот на Лигата на шампионите. Се сеќавате како ПСЖ ја освои титулата минатата сезона… Станува збор првенствено за пласман во следната фаза од натпреварувањето. Направивме сериозен чекор во таа насока. Ни требаат позиции од кои ќе биде полесно да се бориме за финалето“, рече Компани, објавија германските медиуми.
Баерн е на првото место на табелата на ЛШ со 12 бода, исто колку и второпласираниот Арсенал. Фудбалерите на Арсенал и Баерн ќе се сретнат на 26 ноември во Лондон во петтото коло од Лигата на шампионите.
Фудбалерите на Баерн одиграа 16 натпревари во сите натпреварувања оваа сезона и ги забележаа сите 16 победи.
Спорт
На „Сантијаго Бернабеу“ донеле одлука за иднината на Винисиус
Винисиус Жуниор предизвикува сè повеќе проблеми во Реал со своето однесување, а се чини дека во Мадрид донеле одлука околу неговата иднина на „Сантијаго Бернабеу“.
Како што ексклузивно открива „Билд“, бразилскиот напаѓач ќе биде продаден следното лето. Сè кулминираше по „Ел Класико“ и однесувањето на Винисиус.
Претходно, двете страни ќе се обидат да го продолжат договорот, а потоа Реал ќе го стави на трансфер листата.
Не е тајна дека во Саудиска Арабија сонуваат да го доведат Винисиус, а следното лето таа желба би можела да се оствари, под услов тој да биде расположен да се пресели на Блискиот Исток.
Реал го донесе од Фламенго во 2018 година за 45.000.000 евра, а сумата што ќе ја бараат веројатно ќе биде меѓу 200 и 250.000.000 евра.
Foto/ EPA
Спорт
Роналдо му се восхитува на Доналд Трамп
Фудбалерот на Ал Наср и еден од најдобрите фудбалери и најпопуларните спортисти на 21 век, Кристијано Роналдо, му се восхитува на американскиот претседател Доналд Трамп.
Поранешниот легендарен играч на Манчестер Јунајтед, Реал Мадрид и Јувентус го пофали Трамп за работата за постигнување мир во Газа.
„Доналд Трамп е еден од луѓето кои можат да помогнат да се промени светот“, рече Роналдо во интервју со Пирс Морган.
To President @realdonaldtrump.
Playing for peace. As a team. pic.twitter.com/iLGAmbmu0J
— António Costa (@eucopresident) June 16, 2025
Исто така, Роналдо му испратил потпишан дрес на Доналд Трамп преку неговиот сонародник Антонио Коста, претседателот на Советот на Европа.
Можеби овие чувства на португалскиот фудбалер кон републиканскиот претседател не се чудо, со оглед на тоа што според признанието на неговата мајка, тој го добил името по друг републикански претседател, Роналд Реган.

