Карлос Алкараз и Александар Зверев одиграа епски меч на Австралија Опен. Најдолгото полуфинале, пет часа и 27 минути, во историјата на турнирот во Мелбурн, му припадна на Шпанецот со 6:4, 7:6, 6:7, 6:7, 7:5. Зверев се врати од бездната, изедначи, имаше брејк предност во решавачкиот сет, сервираше за пласман во финалето при резултат 5:4, но Шпанецот волшебно се врати, ги доби последните три гема и се пласира во своето прво финале во Мелбурн.

Мечот започна во релативно мирно темпо, двајцата сигурно ги добиваа своите серви гемови, а потоа Алкараз прв направи брејк и тоа во вистинскиот момент.

Тој го „скрши“ Зверев во деветтиот гем и го потврди освојувањето на првиот сет со нула во следниот гем.

Поинаква слика во вториот сет. Зверев имаше брејк предност (водеше 4:2 и 5:4), но кога сервираше за да го освои сетот, подлегна.

Шпанецот ја искористи можноста, израмни, а потоа успеа да поведе со 2:0 во сетови.

Третиот сет имаше најголемо влијание врз исходот. Во деветтиот гем, Алкараз побара медицински тајм-аут. Наводно повраќал претходно, физиотерапевтот му го масираше битниот мускул на десната нога, а Зверев бесно реагираше кај судијката Маријана Вељовиќ затоа што дозволи медицински тајм-аут поради грчеви.

Вистинската причина ќе ја дознаеме по мечот, но Германецот успеа да ја искористи таа ситуација и во тај-брејкот и да го намали резултатот во сетови на 2:1.

Забележливи беа проблемите кај Алкараз во четвртиот срт, но Зверев не успеа да ги реализира своите шанси што ги имаше во неколку израмнети гема на сервисот на противникот.

По трет пат по ред, се играше тај-брејк, кој повторно го доби Зверев и со тоа го однесе мечот во решавачкиот петти сет.

Зверев го искористи моментумоти го материјализираше на почетокот со брејк кој, со сервис кој му служеше навистина добро, успеа да го искористи до крајот на сетот.

Алкараз не се откажа и имаше свои шанси за брејк, но сервисите на Зверев доаѓаа во вистинско време. Сепак, кога сервираше за победа со резултат 5:4, буквално се распадна. .

Алкараз конечно успеа да искористи една од своите бројни шанси за брејк и со тоа израмнување на 5:5, практично го реши натпреварот.

Германецот целосно се распадна и беше јасно дека нема да издржи до тај-брејкот, што и се случи. Шпанецот направи уште еден брејк и, по пет и пол часа луда борба, стигна до финалето.

Foto/ depositphotos

Двајца спортисти од Битола добија признанија на манифестацијата „Спортисти на годината 2025“ што се одржа синоќа.

Боксерите од Битола – Адријан Рустемовски е прогласен за млад спортист на Македонија, а Ален Рустемовски избран за спортист на годината на Македонија.

„Со ова уште еднаш Битола покажа и докажа дека е спортски град, а изградбата на боксерската сала е вистинска инвестиција на Општина Битола“, вели градоначалникот на Битола, Тони Коњановски.

Тој најави дека со 1 милион денари од буџетот, Општината ќе го поддржи Рустемовски на неговите подготовки за обезбедување пласман на Олимписките игри.

По 71-ви пат беа доделени спортските награди на најдобрите спортисти, тренери и тимови од Македонија за 2025 година, а беа доделени и 500 стипендии „Спортска надеж“. Настанот го организираа Министерството за спорт и Сојузот на спортски федерации на Македонија.

Александар Зверев, бурно протестираше, во финишот на третиот сет, во дуелот со Карлос Алкараз, јасно ставајќи до знаење дека Шпанецот и Јаник Синер добиваат посебен третман од судиите.

Зверев и Алкарас го играат полуфиналето на Австралија опен. Во третиот сет при водство на Шпанецот од 2:0 во сетови и 5:4 во третиот сет, Шпанецот побара медицински тајм аут.

Поради ова, Зверев ја нападна главната судијка на овој натпревар, Србинката Маријана Вељовиќ, прекорувајќи ја што не го пушти часовникот за мерење на дозволената пауза.

„Зошто не го пушти часовникот? Грчеви се, зошто времето не почнува?“ и викаше Германецот на судијката, а таа се обиде да се одбрани:

„Не можам да кажам дали се грчеви или повреда.“

Зверев луто и одговори.

„Секогаш ги штитите нив двајца“, рече тој, мислејќи на Алкараз и Јаник Синер.

И додека Алкараз комуницираше со судијката, Зверев на германски викаше: „Гчеви, грчеви“.

Според тениските правила, кога станува збор за гчеви не е дозволем медицински тајм-аут.

Alexander Zverev: “This is bullshit. Carlos Alcaraz can’t take an MTO for cramps. He’s not injured.”pic.twitter.com/D3vPc2PtZg

— Danny (@DjokovicFan_) January 30, 2026