Луис Хамилтон ќе стартува од пол-позицијата на утрешната трка за Големата награда на Емилија Ромања. Актулниот светски првак, во квалификациите, зад себе ги остави возачите на Ред Бул Серхио Перез и Макс Ферстапен.

Седумкратниот светски првак, на легендарната патек аво Имола, ја освои 99. пол-позиција во кариерата. Најбрзиот круг, што го извозе Хамилтон, во квалификациите, изнесуваше 1:14.411 минути.

Британецот за „влакно“, заврши пред двоецот од Ред Бул, Перез задоцни за 35, а Ферстапен за 87 илјадити делови од секундата.

Во квалификациите разочара вториот возач на Мерцедес, Валтер Ботас. Финецот, кој доминираше на првиот и вториот слободен тренинг, во квалификациите направи премногу грешки и го освои осмото место.

Зад Хамилтон, Перез и Верстапен, трката ќе ја стартуваат Шарл Леклер (Ферари), Пјер Гасли (Алфа таури), Даниел Рикардо (Мекларен), Ландо Норис(Мекларен), Валтери Ботас (Мерцедес), Естебан Окон (Алпин) и Ленс Строл (Астон Мартин).

Фудбалерите на Реал Мадрид, решиле да се откажат од паричните награди, на кои имаат право, доколку го освојат домашното првенство или Лигата на шампионите.

„АБЦ“, во саботата, објаво дека станува збор за сума од 30 милиони евра. Претходно, сите играчи се согласија платите да им бидат намалени за 10 отсто, што значи дека фудбалерите на Реал ќе му заштедат 50 милиони евра.

Реал Мадрид, од почетокот на корона-кризата, пријави минус од 90 милиони евра.

Фудбалскиот клуб Хајдук од Сплит ќе го расформира вториот тим. На клупското Собрание, ова го објави претседателот Лука Јакобушиќ. Тој рекол дека со оваа одлука клубот ќе може полесно да работи, во услови кога Хајдук е соочен со големи финансиски проблеми.

„Пред пет дена побаравме Хајдук 2 да биде расформиран. Годишните трошици се околу 10,9 милиони куни. Дел од трошоците, поради договорите, ќе останат и до наредното лето. Оваа одлука ја донесовме откако направивме детална анализа на работата на Академијата. Во моментов во Хајдук 2 има 41 фудбалер“, рекол Јакобушиќ.

Претседателот на Хајдук рекол дека од 17 фудбалери ќе бидат позајмени во други клубови, а со 19 ќе бидат раскинати договорите.

Хајдук 2 се натпреварува во Втората лига на Хрватска.