Спорт
Нов (четврти) тренер, стара приказна – Шалке загуби во Берлин

Шалке и под водство на својот нов тренер, Кристијан Грос (четврти оваа сезона), не успеа да направи нешто повеќе и ја продолжи лузерската серија со 3:0 пораз на гостувањето кај Херта Берлин на „Олимпијастадион“.
Позајмениот фудбалер од Арсенал, Матео Гендузи ја донесе „старата дама“ од Берлин во водство во 36. минута, пред во 56. минута Џон Кордоба да зголеми на 2:0. Замената Кшиштоф Пјонтек во 80-тата минута стрелаше уште еднаш и ги осуди Шалке на 10-ти пораз во 14 кола во Бундеслигата оваа сезона.
Со трите поени, Херта скокна на 12. место во Бундеслигата со 16 поени, додека „кралско сините“ остануваат на последното место на табелата со 4 поени и со малку надежи за опстанок во елитата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
„Граѓаните“ без Де Брујне четири до шест недели

Кевин Де Брујне поради повреда ќе отсуствува четири до шест недели. Лошата вест за Манчестер сити ја потврди менаџеот Пеп Гвардиола.
Белгиецот се повреди во средата, на натпреварот со Астон Вила. Поради повредата на мускулот тој теренот го напушти во 59.минута.
„Утрово Де Брујне повторно беше на лекарски прегледи, ќе биде надвор од тимот четири до шест недели. За ѓал ќе пропушти важен дел од сезоната. Ќе мора да најдеме решение за да се прилагодиме на оваа ситуација“, рекол Гвардиола.
Де Брујне ќе ги пропушти дуелите со ВБА, Шефилд јунајтед, Барнли и дерби натпреварите со Ливерпул, Тотенхем и Арсенал.
Спорт
Суперлига ќе има, но во организација на УЕФА

Европска Суперлига ќе има, но во организација на Европската фудбалска унија (УЕФА). ФИФА вчера им се закани на играчите и клубовите дека доколку формираат приватна лига, ќе им забрани да играат за националните тимови. За да застане на патот на овој план УЕФА подготвувале нов проект кој би започнал за две и пол години.
УЕФА подготвува целосна реформа на Лигата на шампионите. На крајот богатите и моќните клубови ќе дојдат на своето. Планот е 15 клубови да имаат загарантирано место во Лигата на шампионите, во која би се натпреварувале 20 екипи.
Италијанската „Република“, тврди дека УЕФА за десет дена ќе ги презентира реформите и дека богатите и моќните ќе бидат задоволни од понуденото решение. Секој од клубовите би добил по 350 милиони евра, лигата би се играла во две групи со по 10 тима. Првите четири од групите би избориле директен пласман во плеј-офот.
Загарантирано учество во новата Лига на шампионите би имале шест екипи од Англија (Манчестер сити, Манчестер јунајтед, Челси, Ливерпул, Арсенал, Тотенхем), три од Шпанија (Барселона, Реал, Атлетико), три од Италија (Интер, Милан, Јувентус), два од Германија (Баерн Минхен и Борусија Дортмунд) и ПСЖ од Франција.
Спорт
Зидан позитивен на коронавирусот

Тренерот на Реал Мадрид, Зинедин Зидан е заразен со вирусот Ковид-19, потврди „кралскиот клуб“.
„Реал Мадрид потврдува дека нашиот тренер Зинедин Зидан доби позитивен тест на коронавирусот“, се наведува во кусото соопштение.
Зидан, денес, требаше да одржи прес-конференција во пресрет на натпреварот со Алавес.
Тренерот се наоѓа во изолација и ќе ги пропушти наредните неколку натпревари на Реал.
Comunicado Oficial: Zidane#RealMadrid
— Real Madrid C.F. (@realmadrid) January 22, 2021
Шпанските медиуми објавија, дека Зидан во четвртокот го водел тренингот и дека разговарал со играчите за дебаклот и елиминацијата во Купот од Алкојан.
Во отсуство на Зидан, Реал на гостувањето во Алавес, треба да го предводи неговиот прв помошник Давид Бетони.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Црна хроника2 месеци
Млада девојка од Штип пронајдена мртва во нејзиниот дом
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија4 недели
Возачот на „бентлито“ што „влета“ на плоштад казнет со 45 евра, објавена фотографија од записникот