Спорт
Нов кикс на Данска, Хрватска и Србија одиграа 2 во 1, „Фуријата“ рутинирано
Данската ракометна репрезентација вечерва со нов кикс по стартниот пораз на Европското првенство во Австрија, Норвешка и Шведска.
Данците вечерва одиграа само нерешено 24-24 против Унгарија, па сега дополнително си ја закомпликуваа ситуацијата по стартниот пораз од Исланд во првото коло.
Унгарија водеше во текот на целиот меч против Данска, која дури во финишот успеа да освои бод надеж за пласман во следен круг. Сега Данците покрај тоа што ќе треба да слават против Русија, ќе зависат и од исходот на мечот Исланд – Унгарија. Ќе се надеваат на победа на Исланѓаните за следна фаза.
Најпрецизен кај Данците беше Браминг со 6 гола, а по 3 погодока запишаа Микел Хансен, Ларсен и Лауге Шмит.
Кај Унгарија прв стрелец беше Балог со 7 погодоци.
Watch the Game Highlights from Denmark vs. Hungary, 01/13/2020 pic.twitter.com/7bcB4U3k5i
— EHF EURO (@EHFEURO) January 13, 2020
Балканското ракометно дерби и припадна на Хрватска, 24-21, иако на полувремето водеше Србија. Мечот заполна со многу грешки на двете страни, а непремостлива пречка за Србите беше голманот на Хрватска, Марин Шего кој во првата четвртина од мечот беше несовладлив. Сепак, затаи нападот на „коцкастите“, па на полувреме имаа -2, на семафорот стоеше 10-8 за Србија.
Сепак, во вториот дел Хрватска започна со препознатливата игра. Мечот во егал беше се до 14-14, а оттогаш до крајот водството само растеше во корист на четата на Лино Червар. Најголемото водство за Хрватска беше +6, 21-15, по што темпото се намали за конечни 24-21.
Хрватска како прва ја заврши групата, а Србија со 3 порази се враќа дома.
Најпрецизен во победничката селекција беа Дувњак и Степанчиќ со по 5 гола, а кај Србија се истакнаа Радивоевиќ и Кукиќ со по 4.
Watch the Game Highlights from Serbia vs. Croatia, 01/13/2020 pic.twitter.com/BKpEDkhHC6
— EHF EURO (@EHFEURO) January 13, 2020
Шпанија рутинирано стигна до третата победа во групата Ц откако вечерва славеше убедливо против аутсајдерот Холандија со 36-25.
Иако во првиот дел „лалињата“ држеа поднослива негатива, сепак во вториот дел дојде до израз квалитетот и искуството на Шпанците.
Најпрецизен во победничката екипа беше екс-Вардарецот, Македа со 6 гола, а 5 постигна Арињо.
Кај Холандија најпрецизен беше Смитс со 8 гола.
Watch the Game Highlights from Netherlands vs. Spain, 01/13/2020 pic.twitter.com/XQTGQ9r2LB
— EHF EURO (@EHFEURO) January 13, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јунајтед стави 11 играчи на трансфер листата
Манчестер Јунајтед игра уште една лоша. Поради тоа Сер Џим Ретклиф и останатите челници на „црвените ѓаволи“ донеле радикална одлука, во летниот преоден рок на продажба ќе биде половина од тимот.
Шестото место, 53 бодови и 24 бодови зад лидерот Арсенал по 33 одиграни натпревари сигурно никого не задоволува на „Олд Трафорд“.
Покрај тоа, клубот го загуби финалето на Лига купот и заврши на четвртото место во групата на Лигата на шампионите во конкуренција на Баерн, Копенхаген и Галатасарај.
Пред неколку дена Манчестер Јунајтед на „мускули“, по изведувањето пенали го елиминираше Ковентри во полуфиналето на ФА Купот. За трофејот ќе игра против Манчестер Сити на 25 мај на Вембли.
Поради тоа во клубот донеле радикална одлука. 11 играчи ќе бидат ставени на трансфер листата и ќе можат да го напуштат клубот во летниот преоден рок.
На списокот има Во него има неколку звучни имиња:
Арон Ван-Бисака
Виктор Линделоф
Хари Мегваер
Рафаел Варан
Касемиро
Кристијан Ериксен
Антони
Дони Ван де Бек
Џејдон Санчо
Ентони Марсијал
Маркус Рашфорд
Спорт
Судењето на Манчестер Сити ќе започне во „блиска иднина“
Првиот човек на Премиер лигата, Ричард Мастерс, изјави дека „во блиска иднина ќе се одржи рочиште за случајот со Манчестер Сити по сите 115 точки“.
Бен Рамсби, истражувачки новинар на англиски Телеграф, ја објави веста на својот профил на мрежата „Х“.
Со коментар дека „ова е најблиску до кое Мастерс дошол да спомне конкретен датум“.
Некои информации кои се појавија во јавноста на крајот на минатата година укажуваа дека судењето би можело да започне есента 2024 година.
Сити е обвинет по 115 точки од обвинението за повеќекратни финансиски прекршоци. Истрагата започна уште во 2018 година и продолжи до почетокот на 2023 година, а беа проверени и одлуките и работењето на клубот од сезоната 2009/10.
Што значи тоа „во блиска иднина“ останува да видиме. Судењето веќе е одложено поради откривање на нови докази и сведоци подготвени да сведочат.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.