Спорт
Нов тежок пораз за Вардар за крај на неубедливата сезона во ЛШ
Вардар уште еднаш беше декласиран од стариот познаник, унгарскиот Веспрем, овојпат со 39:30 на гости, за потврда на елиминацијата во осминафиналето на ЕХФ Лигата на шампионите, каде што влегоа откако ЕХФ реши сите тимови кои беа во групната фаза да влезат меѓу најдобрите 16.
Вардарци тргнаа израмнето со Веспрем до 6:6, пред домаќините да се одвојат и да направат пет гола разлика на полувреме (20:15). Во второто полувреме оваа разлика порасна и на 10 гола разлика, за конечен пораз со девет гола разлика.
Поранешниот вардарец, Данил Шишкарев беше најефикасен за Веспрем со 6 гола, колку што имаше и Андреас Нилсон. Капитенот Стојанче Стоилов постигна пет гола за Вардар, колку што имаше и Тимур Дибиров, додека по четири имаа Чупиќ и Шеваљевиќ.
Во четврт-финалето е и белорускиот Мешков Брест, кој ја надополни негативата од два гола против Мотор Запорожје од првиот меч за конечна 30:23 победа. Во четврт-финалето се пласираа Веспрем, Мешков, Нант, Алборг, Кил, Флензбург, Барселона и Пари Сен-Жермен.
Фото: РК Вардар
ЕХФ ЧЕТВРТ-ФИНАЛЕ
Нант – Веспрем
Кил – Пари Сен-Жермен
Мешков Брест – Барселона
Алборг – Флензбург
ЕХФ ЛИГА НА ШАМПИОНИ, 1/8 ФИНАЛЕ, 2.МЕЧ
Мешков Брест – Мотор Запорожје 30:23 (16:8), прв меч 30:32, вкупно 60:55
Веспрем – Вардар 39:30 (20:15), прв меч 41:27, вкупно 80:45
Пари Сен-Жермен – Целје 31:24, прв меч 37:24, вкупно 68:48
Претходно одиграни натпревари:
Кјелце – Нант 31:34, прв меч 25:24, вкупно 56:58
Алборг – Порто 27:24, прв меч 29:32, вкупно 56:56, Алборг има повеќе постигнати голови на гости
Кил – Пик Сегед 33:28, прв меч 33:28, вкупно 66:56
Барселона – Елверум 39:19, прв меч 37:25, вкупно 76:44
Флензбург – ППД Загреб вториот меч нема да се игра, прв меч 36:30
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Спектакуларен пресврт на Брајтон против Тотенхем од -:2 до 3:2
Фудбалерите на Брајтон со спектакуларен пресврт славе победа над Тотенхем во 7.коло во Премиер лигата. „Галебите“ губеа на полувреме со 0:2, на крајот славеа победа со 3:2.
Како што покажа резултатото првиот дел апсолутно им припадна на фудбалерите на Тотенхем. Постигнаа два гола преку Џонсон во 23. и Медисон во 37.минута.
Домашните се разбудја во вториот дел и за само 18 минути направиа целосен пресврт. Резултатото го намали Минтех во 48., изедначи Рутер во 58, а целосен пресврт направи Велбек во 66.минута.
Брајтон се шести на табелата со 12 поени, Тотенхем имаат два бода помалку и се на деветтото место.
Спорт
(Видео) Ајнтрахт во 94.минута освои бод против Баерн
Фудбалерите на Ајнтрахт Франкфурт одиграа нерешено со Баерн Минхен во 6. коло од Бундес лигата.
Франкфурт и Баерн натпреварот од 6. коло го завршија со резултат 3:3, а домаќинот имаше повеќе причини да го слават нерешениот резултат.
Израмнија во 94. минута од натпреварот, кога Мармуш го постигна својот втор гол на натпреварот.
Баварците во 15. минута преку Ким дојде до предност, а само седум минути подоцна одговори Ајнтрахт. кога Мармуш го постигна својот прв гол.
Потоа Мармуш му асистираше на Етиките, кој во 35. минута погоди за водство на Ајнтрахт од 2:1. До крајот на полувремето Упамекано. израмни.
Во продолжение Баерн направи пшресврт и по вторпат поведе. Тоа се случи откако Олисе ја затресе мрежата на Ајнтрахт во 53. минута од натпреварот.
До 94. минута Баерн имаше предност и одеше на победа, а потоа на сцена стапи Мармуш кој го растажи Баерн Минхен.
Спорт
(Видео) Јуанјтед ја продолжи лошата низа, Челси избегна пораз од „шумарите“
Попладневната сесија во Премиер лигата донесе два нерешени резултати. Челси и Нотингем Форест ремисираа 1:1, а без голови заврѓи натпреварот Астон Вила-Манчестер јунајтед.
По првото полувреме немаше голови на „Стенфорд Бриџ“, по само пет минути игра во второто полувреме гостите поведиа со голот на Крис Ву.
Водството на „шумарите“ траеше само седум минути, кога израмни Мадуеке по додавањето од Палмер.
На крајот, избраниците на Нуно Еспирито Сантос беа задоволни од освоениот бод бидејќи играа со играч помалку откако Џејмс-Вард Проуз беше исклучен во 78. минута.
Ремито ја прекина серијата на Челзи од три последователни победи.
Манчестер јунајтед ја продолжи слабата серија во првенството и воопшто од почетокот на сезоната. „Црвените ѓаволи“ одиграа 0:0 во Бирмингем кај Астон Вила.
По седум одиграни натпревари, избраниците на Ерик тен Хаг имаат само осум бодови и остануваат на 14. место. На последните пет натпревари, во сите натпреварувања, Манчестер јунајтед има четири нерешени и еден пораз.