Новата сезона во регионалната ракометна СЕХА лига ќе започне на 10 октомври. Македонија во лигата ќе има два клуба. Вардар и Еурофарм Пелистер. Челниците на СЕХА го пролонгираа стартот на лигата за речиси еден месец, првчно лигата требаше да стартува на 12 септември.

Сезонава во СЕХА лигата ќе се натпреваруваат 10 екипи кои ќе бидат поделени во две групи.

Вардар е во група со Татран Прешов, Војводина, Мотор Запорожје и Нексе, а Еурофарм Пелистер ќе игра против Веспрем, Загреб, Мешков Брест и Металопластика.

фото/rkvardar.mk

Тренерот на Интер Антонио Конте рекол дека е импресиониран од она што го покажува иван Перишиќ. Покрај Перишиќ, Конте го пофалил и новиот играч Артуео Видал. Перишиќ минатата сезона ја мина во Баерн, додека Видал минатата недела пристигна во Интер од Барселона.

Перишиќ во 2015 година пристигна во Интер од Волфсбург, мината сезона не се вклопи в формацијата на конте поради што беше испратен на позајмица во Минхен. Со Баерн ја освои тројната круна.

Медиумите го поврзуваа со Манчестер Јунајтед и ПСЖ меѓутоа тој ќе остане во Интер.

„Среќен сум поради Иван, имаше неверојатно искуство со Баерн, освои три трофеи. Сега се врати кај нас со голема решителност да игра за Интер. Среќен сум што гледам таква желба кај него. Кога постои ентузијазам и на тренерот му е полесно“, рекол Конте.

Интер во преодниот рок се засили со Артуро Вида, Александар Коларов и Ашраф Хакими.

„Видал е во добра физичка форма, тактички знае што го очекува бидејќи веќе има работено со мене, сепак работиме на некои нови работи во однос на минатото. Добро се вклопи, тој е паметен играч со победнички менталитет. Може да игра на повеќе позиции“, заклучил Конте.

Деветкратниот светски првак Валентино Роси од наредната сезона ќе вози за Петронас Јамаха. Во јануари беше јасно дека Роси ќе мора да го смени тимот откако фабричкиот тим на Јамаха потврди дека во 2021 година колега на маверик Вињалес ќе му биде Фабио Квартараро.

Откако Јамаха ги објави имињата на возачите за наредната сезона Роси изјави дека ќе му требаат неколку трки за да реши дали ќе вози или ќе се повлече во пензија. Прекинот на сезоната ја пролонгираше неговата одлука, а денес Петронас потврдија дека ветеранот ќе вози заедно со Франко Морбидели.

„Докторот“ во Светското првенство дебитираше на Големата награда на малезија во 1996 година, а истата таа година ја забележа првата победа во Брно. Во кариерата забележал 115 победи, а вкупно 235 пати би меѓу најдобрите тројца.

Девет пати бил светски првак, има по една титула во класите до 125 и 250 кубни сантиметри, а седум пати бил најдобар во „кралската класа“.