Мото ГП „доминаторот“, Марк Маркез, в одина за свој клупски колега ќе го има помладиот брат Алекс Маркез откако Репсол Хонда објави дека Мото 2-шампионот ќе го замени Хорхе Лоренцо, кој отиде во пензија, со договор на една година.

23-годишниот Алекс ја освои Мото 2-титулата, а претходно беше и Мото 3-шампион и првпат ќе вози во Мото ГП-класата, каде што неговиот 26-годишен брат има освоено неверојатни шест титули во седум години.

Иако се веруваше дека Французинот Жоан Зарко е главен кандидат да го замени трикратниот светски шампион Лоренцо, кој се повлече пред трката во Валенсија, изборот падна на младиот Маркез, секако со влијание на неговиот постар брат. Хонда на овој начин ќе има адут за да продолжи со преговорите со Марк Маркез за продолжување на договорот по 2020 година.

Шпанската компанија „Репсол“, пак, во исто време со ова добива џек-пот и ќе може да врши промоција на брзите браќа.

По најавите дека Карим Бензема може да се откаже од Франција и да настапува за алжирската фудбалска репрезентација, селекторот на северноафриканската земја, Џамел Белмади, вели дека такво нешто не е можно.

Бензема во текот на викендот влезе во војна на зборови со претедателот на Фудбалската федерација на Франција (ФФФ), Ноел Ле Грет, кој изјави дека авантурата со Франција е завршена за 31-годишниот фудбалер на Реал Мадрид.

„Ноел, мислев дека нема да се мешаш во работата на селекторот. Размисли за тоа дека само јас ќе одлучам кога ќе ја завршам репрезентативната кариера. Ако мислиш дека сум готов, тогаш дај ми да играм за една од другите земји за кои можам“, напиша Бензема на „Твитер“.

Родителите на Бензема доаѓаат од Алжир, но трансферот во оваа репрезентација е многу комплициран бидејќи тој треба да се откаже од француското државјанство.

Белмади, пак, вели дека е задоволен од својот тим и дека Бензема не им е потребен.

„Имам фудбалери како Багдад Бунеџах, Ислам Слимани, Анди Делор и Хилал Судани. Многу сум задоволен од составот“, изјави Белмади.

Belmadi questionné à propos d’un éventuel mais improbable et impossible renfort de Benzema : “J’ai Bounedjah, Slimani, Soudiani, Delort, ça va” #BWAALG pic.twitter.com/ONE3tG5EFS

— DZfoot (@DZfoot) November 17, 2019

Бензема игра во животна форма, Дешамп не го вика поради секс-скандалот!

Англиските и косовските навивачи заедно пееја „Е.и ја Србија“ за да фрлат дамка на мечот кој предизвика толку многу внимание со одличниот пречек на англиската репрезентација на гостувањето во Приштина.

Англичаните стигнаа до 4:0 победа на гости, но главната приказна, која доаѓаше од Косово, беа пеењето на англиската химна од страна на косовските навивачи на стадионот „Фадиљ Вокри“ и големиот број англиски знамиња. Покрај тоа, Косовците објавија голем банер со ликот на Рахим Стерлинг откако тој беше расистички напаѓан на гостувањето во Бугарија.

Меѓутоа, убавата слика од мечот беше расипана од некои од англиските навивачи, кои на стадионот извикуваа: „Србите се копилиња, каде и да одат“, а и од локалните барови, каде што се пееше песна со порака „Е.и ја Србија“.

Некои од англиските коментатори сметаат дека се работи за лицемерство кога се обвинуваат навивачите на Бугарија за расистичките извици, а во исто време и нивните фанови не се однесуваат нималку подобро.

“Serbians are bastards everywhere they go” pic.twitter.com/TykWZfMPQc

— Magazina Sportive (@KosovoMagazine) November 17, 2019

We all know that #SerbianAreBastards so that’s what we’re singing together with English fans #englandaway #KosovoEngland pic.twitter.com/g2nLRRxltj

— Engjell (@enxhizogaj) November 16, 2019

FUCK #SERBIA #Kosovo 💙💛❤️#England #KosEng pic.twitter.com/KVH2xGrwGB

— Arnolld Korenica (@ArnolldKorenica) November 17, 2019