Спорт
Објавено е интервју со Шумахер, станува збор за измама
Во Германија избувна сериозен скандал бидејќи беше објавено наводно интервју со Михаел Шумахер, кој речиси 10 години е во кома.
Легендарниот возач на Формула 1 имаше несреќа на скијање на 29 декември 2013 година и оттогаш се бори за живот и се обидува да се опорави.
Во текот на последната деценија немаше многу информации, се разбира Германецот не можеше да зборува од својата куќа на Женевското езеро, а семејството не дава никакви информации за неговата здравствена состојба.
Меѓутоа, сега излезе интервју со ознака „ексклузивно“, кое ги шокираше сите, а се покажа дека станува збор за измама.
Всушност, новинарите од германскиот сајт „Die Aktuelle“ користеле вештачка интелигенција за да поставуваат прашања како да станува збор за Шумахер.
Одговорите беа такви што легендарниот Шуми може да застане на нозе со помош на најблиските и дека без нивната поддршка немаше да ги преживее претходните години.
Поради користење на нерелевантни податоци од интернет заради користење на имагинацијата преку компјутерска програма, овој медиум се најде на голем удар во јавноста.
Намерата била да се зголеми тиражот, а се најавува дури и реакција на семејството Шумахер кое би можело да покрене тужба против овој медиум.
Quellenangabe: "Das Interview war im Internet. Auf einer Seite, die mit Künstlicher Intelligenz, kurz KI genannt, zu tun hat."
Was "Die Aktuelle" hier veranstaltet, ist selbst für ein skrupelloses Klatschmagazin bemerkenswert verachtenswert: https://t.co/xBZKQY1xUw pic.twitter.com/xqtYzTOKHd
— Simon Hurtz (@SimonHurtz) April 17, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Кристал Палс го згази Манчестер јунајтед
Фудбалерите на Кристал Палас го декласираа Манчестер јунајтед со 4:0, во последниот натпревар од 36. коло на Премиер лигата. удбалерите на Кристал Палас ја забележаа четвртата победа на последните пет натпревари во Премиер лигата.
Од првата минута забележливо беше дека играчите на Манчестер јунајтед не се „во натпреварот“. Како изгледаа на теренот можат да бида задоволни со поразот од 4:0.
Дебаклот го најави Мајкл Олисе во 12.минута. .
Истиот играч десет минути подоцна имаше уште две убави шанси, а во 40. Жан Филип Матета ја удвои предноста на домашните.
На почетокот на вториот му беше поништен гол на Јунајтед, а потоа започнаа да се редат шансите пред голот на Андре Онана.
Еберечи Езе, Тајрик Мичел и Вил Хјуз, не успеаја да реализираат, но во 58. минута споменатиот Мичел зголеми на 3:0.
Точка поразот на Јунајтед стави играчот кој ја започна серијата, Мајкл Олисе во 66. минута. До крајот на мечот Одсон Едуард ја погоди стативата.
Палас е 14. на табелата со 43 бодови, додека Јунајтед е осми со 54 бодови, исто колку и седмопласираниот Челзи.
Јунајтед во следното коло ќе го пречека Арсенал, додека Палас ќе гостува кај Вулверхемптон.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.